ԹԱԼԻՆ ՀԱՄԱՅՆՔԻ ԱՎԱԳԱՆՈՒ 28.11.2022Թ.-Ի << ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԱԳԱԾՈՏՆԻ ՄԱՐԶԻ ԹԱԼԻՆ ՀԱՄԱՅՆՔԻ ԿԱՄԱՎՈՐ ԽՆԴԻՐՆԵՐԸ ՍԱՀՄԱՆԵԼՈՒ ՈՒ ԴՐԱՆՑ ԼՈՒԾՄԱՆՆ ՈՒՂՂՎԱԾ ՍԵՓԱԿԱՆ ԼԻԱԶՈՐՈՒԹՅՈՒՆՆԵՐԻ ԻՐԱԿԱՆԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ>> N 47-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 Ղեկավարվելով <<Տեղական ինքնակառավարման մասին>> ՀՀ օրենքի 10-րդ հոդվածի 10-րդ մասով և 18-րդ հոդվածի 1-ին մասի 7-րդ կետով, <<Նորմատիվ իրավական ակտերի մասին>> ՀՀ օրենքի 33-րդ, 34-րդ և 37-րդ հոդվածներով, հիմք ընդունելով համայնքի ղեկավարի առաջարկությունը,

Թալին համայնքի ավագանին որոշում է՝

1.Թալին համայնքի ավագանու 28.11.2022թ.-ի N 47-Ն որոշման մեջ կատարել փոփոխություններ, <<Թալին համայնքի կամավոր խնդիրները ու դրանց լուծմանն ուղղված սեփական լիազորությունները սահմանելու և իրականացնելու կարգ>>-ը  շարադրելով նոր խմբագրությամբ՝ համաձայն հավելվածի:

2.Ուժը կորցրած ճանաչել Թալին համայնքի ավագանու 28.11.2022թ.-ի <<ՀՀ Արագածոտնի մարզի Թալին համայնքի կամավոր խնդիրները սահամանելու ու դրանց լուծմանն ուղղված սեփական լիազորությունների իրականացման կարգը սահմանելու մասին>> N 47-Ն որոշումը և հիշյալ որոշման մեջ փոփոխություններ կատարելու մասին Թալին համայնքի ավագանու 31.03.2023թ.-ի N 31-Ա և 30.10.2024թ.-ի N 127-Ա որոշումները:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հավելված
Թալինի համայնքի ավագանու

                                                                                                                11.02.2025թ. N  03 -Ն որոշման

ԿԱՐԳ

ՀՀ ԱՐԱԳԱԾՈՏՆԻ ՄԱՐԶԻ ԹԱԼԻՆ ՀԱՄԱՅՆՔԻ  ԿԱՄԱՎՈՐ  ԽՆԴԻՐՆԵՐԸ  ՈՒ  ԴՐԱՆՑ  ԼՈՒԾՄԱՆՆ  ՈՒՂՂՎԱԾ  ՍԵՓԱԿԱՆ ԼԻԱԶՈՐՈՒԹՅՈՒՆՆԵՐԸ  ՍԱՀՄԱՆԵԼՈՒ ԵՎ ԻՐԱԿԱՆԱՑՆԵԼՈՒ

I.ԸՆԴՀԱՆՈՒՐ ԴՐՈՒՅԹՆԵՐ

1.Սույն կարգով սահմանվում են Թալին համայնքի կամավոր խնդիրները, ինչպես նաև կարգավորվում են Հայաստանի Հանրապետության Արագածոտնի մարզի Թալին համայնքի   (այսուհետ` համայնքի) կամավոր խնդիրների և դրանց լուծման նպատակով համայնքի տեղական ինքնակառավարման մարմինների սեփական լիազորությունների իրականացման հետ կապված հարաբերությունները:

2.Սույն կարգի նպատակն է` ապահովել համայնքի ավագանուն Հայաստանի Հանրապետության Սահմանադրությամբ և օրենքներով վերապահված համայնքի կամավոր խնդիրների սահմանման լիազորության իրացումը, ինչպես նաև դրա հիման վրա, համայնքի տեղական ինքնակառավարման մարմինների համար ստեղծել ինստիտուցիոնալ պայմաններ, կամավոր խնդիրներից բխող սեփական լիազորությունների իրականացման համար:

3.Սույն կարգի խնդիրներն են.

1) ըստ համայնքի առանձնահատկությունների սահմանել համայնքի կամավոր խնդիրները
2) հաստատել կամավոր խնդիրների լուծումը ենթադրող սեփական լիազորությունները և դրանց իրականացման կարգն ու պայմանները.

3)սահմանել կամավոր խնդիրների լուծմանը միտված համայնքի տեղական ինքնակառավարման մարմինների ընթացակարգային գործառութները.

4)սահմանել կամավոր խնդիրների լուծման նպատակով ֆինանսավորման աղբյուրները և ֆինանսավորման ընթացակարգերը:

1. ՀԱՄԱՅՆՔԻ ԿԱՄԱՎՈՐ ԽՆԴԻՐՆԵՐԸ  ՈՒ ԴՐԱՆՑ  ՍԱՀՄԱՆՄԱՆ ՆՊԱՏԱԿՆԵՐԸ

4.Համայնքի կամավոր խնդիրներն այն խնդիրներն են, որոնցով համայնքային կյանքի բնականոն ընթացքը ուղղակիորեն պայմանավորված չէ և կարող են իրականացվել, միայն պարտադիր խնդիրների լուծման համար անհրաժեշտ ֆինանսական միջոցներից բացի, հավելյալ ֆինանսական միջոցների առակայության դեպքում:

5.Համայնքի կամավոր խնդիրների սահմանման և դրանց իրականացման նպատակն է`նպաստել համայնքում տեղական ինքնակառավարման  արդյունավետության բարձրացմանը և հասցեականությանը` ապահովելով համայնքի կենսագործման համար անհարժեշտ լրացուցիչ պայմաններ:

6. Համայնքի կամավոր խնդիրներն են.

1) բնակարանային և սոցալական նշանակության այլ օբյեկտների շինարարությունը և կապիտալ վերանորոգումը.

2)արհեստների, ժողովրդական ստեղծագործության և գեղարվեստական ինքնագործունեության զարգացման  աջակցումը.

3)հանրակրթական դպրոցի (դպրոցների) գործունեության աջակցումը.

4)նոր աշխատատեղերի ստեղծման նպաստումը.

5)վճարովի հասարակական աշխատանքների կազմակերպումը.

6)հաշմանդամների, կերակրողին կորցրած ընտանիքների, սոցիալապես անապահով այլ խավերի սոցալական պայմանների բարելավման ուղղությամբ միջոցներ ձեռնարկելը.

7)գյուղատնտեսական աշխատանքների իրականացմանն աջակցելը.

8)ագրարային կանոնների պահպանման աշխատանքների կազմակերպումը.

9)համայնքի սոցալապես անապահով ընտանիքներին (բնակիչներին) սոցիալական օգնության տրամադրման կազմակերպումը.

10)պետական բարձրագույն և (կամ) միջնակարգ մասնագիտական ուսումնական հաստատություններում, ինչպես նաև պետության կողմից հավատարմագրված բարձրագույն ուսումնական հաստատություններում սովորող սոցիալապես անապահով ընտանիքների ուսանողների ուսման վարձի մասնակի հատկացումը․

11)համայնքի առողջապահության ոլորտի ՀՈԱԿ-ների գույքային և շենքային պայմանների բարելավումը.

12)մարզական, մշակութային և կրթական մրցույթների և միջոցառումների կազմակերպումը․

13)տարբեր կարգի մարզական, մշակութային և կրթական մրցույթներում  մրցանակային տեղեր զբաղեցնող համայնքային թիմերին և համայնքի  բնակիչ հանդիսացող անհատներին խրախուսումը․

14)համայնքապետարանի աշխատակազմի և համայնքային հիմնարկների ու կազմակերպությունների աշխատակիցներին հիվանդության և ընտանիքի անդամի հետ կապված  դժբախտ դեպքերի համար աջակցելը։         

III. ՀԱՄԱՅՆՔԻ  ԿԱՄԱՎՈՐ  ԽՆԴԻՐՆԵՐԻ   ԼՈՒԾՄԱՆ  ՆՊԱՏԱԿՈՎ ՍԱՀՄԱՆՎՈՂ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ  ՍԵՓԱԿԱՆ ԼԻԱԶՈՐՈՒԹՅՈՒՆՆԵՐԸ

7.Համայնքի կամավոր խնդիրների լուծումն ապահովելու նպատակով, սույն կարգով սահմանվում են համապատասխան սեփական լիազորություններ: Այդ նպատակով սահմանվող սեփական լիազորություններն են.

1)կազմակերպում և իրականացնում է բնակարանային և սոցիալական նշանակության այլ օբյեկտների շինարարությունը և կապիտալ վերանորոգումը.

2)աջակցում է արհեստների, ժողովրդական ստեղծագործության և գեղարվեստական ինքնագործունեության զարգացմանը.

3) նպաստում և աջակցում է համայնքի հանրակրթական դպրոց(ներ)ի գործունեության կազմակերպմանը.

4) նպաստում և պայմաններ է ստեղծում նոր աշխատատեղերի ձևավորման համար.

5) կազմակերպում է վճարովի հասարակական աշխատանքներ.

6) ստեղծում է միջհամայնքային միավորումներ, ինչպես նաև անդամակցում է համայնքների հիմնադրած միություններին.

7) միջոցներ է ձեռնարկում հաշմանդամների, կերակրողին կորցրած ընտանիքների, սոցալապես անապահով այլ խավերի սոցիալական պայմանների բարելավման ուղղությամբ.

8) աջակցում է գյուղատնտեսական աշխատանքների իրականացմանը.

9) կազմակերպում է ագրարային կանոնների պահպանման աշխատանքները.

10)կազմակերպում է համայնքի սոցիալապես անապահով ընտանիքներին (բնակիչներին) սոցիալական օգնության տրամադրումը.

11)կազմակերպում և իրականացնում է պետական բարձրագույն և (կամ) միջնակարգ մասնագիտական ուսումնական հաստատություններում, ինչպես նաև պետության կողմից հավատարմագրված բարձրագույն ուսումնական հաստատություններում սովորող սոցիալապես անապահով ընտանիքներին ուսանողների ուսման վարձի մասնակի հատկացումը:

12)համայնքի առողջապահության ոլորտի ՀՈԱԿ-ների գույքային և շենքային պայմանները բարելավելու համար տրամադրում է ֆինանսական աջակցություն․

13)կազմակերպում է մարզական, մշակութային և կրթական մրցույթներ ու միջոցառումներ․

14)խրախուսւմ է տարբեր մակարդակի  մարզական, մշակութային և կրթական մրցույթներում մրցանակային տեղեր զբաղեցրած համայնքային թիմերին և համայնքի բնակիչ հանդիսացող անհատներին․

15)տրամադրում է աջակցություն համայնքապետարանի աշխատակազմի և համայնքային հիմնարկների ու կազմակերպությունների աշխատակիցներին  հիվանդության և ընտանիքի անդամների հետ կապված դժբախտ դեպքերի համար։

1. ՀԱՄԱՅՆՔԻ ԿԱՄԱՎՈՐ  ԽՆԴԻՐՆԵՐԻ  ԼՈՒԾՄԱՆ ԵՎ ԴՐԱՆՑ ՈՒՂՂՎԱԾ  ՍԵՓԱԿԱՆ ԼԻԱԶՈՐՈՒԹՅՈՒՆՆԵՐԻ  ԻՐԱԿԱՆԱՑՄԱՆ  ՖԻՆԱՆՍԱՎՈՐՈՒՄԸ
3. Համայնքի կամավոր խնդիրների լուծման և դրանց ուղղված տեղական ինքնակառավարման մարմինների սեփական լիազորությունների իրականացման ֆինանսավորումը իրականացվում է հետևյալ կարգով.

1)Համայնքի կամավոր խնդիրների լուծումը և դրանց ուղղված տեղական ինքնակառավարման մարմինների սեփական լիազորություննեը իրականացվում են համայնքի  բյուջեի սեփական եկամուտների միջոցներով:

2)Համայնքի կամավոր խնդիրների և դրանց  լուծման համար սեփական լիազորությունների իրականացման համար համայնքի բյուջեով կարող են նախատեսվել ֆինանսական միջոցներ, որոնք չեն կարող գերազանցել այդ տարվա համայնքի բյուջեով նախատեսված սեփական եկամուտների 10-%-ը:

3)Համայնքի կամավոր խնդիրների լուծման համար ֆինանսական միջոցների հատկացումը իրականացնում է համայնքի ղեկավարը` համայնքի բյուջեով նախատեսված հատկացումներին համապատասխան։

4)Համայնքի կամավոր խնդիրների (խնդրի) լուծման նախաձեռնությամբ կարող են հանդես գալ համայնքի տեղական ինքնակառավարման մարմինները, համայնքի բնակիչները և տեղական ինքնակառավարման բնագավառում գործունեություն իրականացնող հասարակական կազմակերպությունները:

5)Համայնքի կամավոր խնդիրների (խնդրի) լուծման ցանկացած նախաձեռնության դեպքում, համայնքի ղեկավարին է ներկայացվում խնդրի լուծման իրականացման վերաբերյալ առաջարկությունները` նշելով դրա նպատակը, խնդրի կարգավորման համար անհրաժեշտ ֆինանսական միջոցի չափը և դրա լուծման անհրաժեշտությունը հիմնավորող փաստաթղթերը (առկայության դեպքում):

6)Համայնքի ղեկավարը դիմումը և սույն կարգի 8-րդ կետի 5-րդ ենթակետում նշված անհրաժեշտ փաստաթղթերն ստանալուց հետո` կամավոր խնդրի լուծման իրականացմանը համաձայնվելու դեպքում` հնգօրյա ժամկետում ճշտում է դրանց արժանահավատությունը, հաշվարկում կամավոր խնդրի իրականացման համար անհրաժեշտ ֆինանսական միջոցի չափը և իր կարծիքը ներկայացնում է նախաձեռնողին:

7)Համայնքի կամավոր խնդրի լուծման իրականացմանը չհամաձայնելու դեպքում, համայնքի ղեկավարը նախաձեռնողին գրավոր տեղեկացնում է այդ մասին` նշելով չհամաձայնելու պատճառները և հիմքերը:

8)Համայնքի կամավոր խնդիրների լուծման իրականացման համար համայնքի ղեկավարը կարող է կազմել մշտական կամ ժամանակավոր հանձնաժողովներ, որոնց կազմում կարող են ընդգրկվել համայնքի ավագանու անդամներ, համայնքի աշխատակազմի ներկայացուցիչներ, համայնքի վարչական և հայեցողական պաշտոն զբաղեցնող անձինք:

9)Սոցիալական օգնության տրամադրման վերաբերյալ դիմումները մշտական գործող հանձնաժողովի կողմից քննարկելուց հետո, տալիս է կամավոր խնդրի լուծման իրականացման համար եզրակացություն, նշելով անհրաժեշտ ֆինանսական միջոցի հատկացման չափը և անհրաժեշտությունը:

10)Սոցիալական աջակցության վերաբերյալ կամավոր խնդիրները լուծվում են համայնքի ավագանու սահմանած չափորոշիչներով։

11)Սույն կակարգով նախատեսված կամավոր խնդիրների ֆինանսավորումը մինչև 500․000(հինգ հարյուր հազար) ՀՀ դրամի սահմաններում իրականացվում է համայնքի ղեկավարի որոշմանբ,  հանձնաժողովի եզրակացության հիման վրա:

12)Համայնքի ավագանու կողմից սույն կարգով չկարգավորված կամավոր խնդիրների  իրականացումը սահմանվում է  բացառապես համայնքի ավագանու որոշմամբ:

1. ՍՈՒՅՆ ԿԱՐԳՈՒՄ ՓՈՓՈԽՈՒԹՅՈՒՆՆԵՐԻ ԵՎ (ԿԱՄ)  ԼՐԱՑՈՒՄՆԵՐԻ ԿԱՏԱՐՈՒՄԸ, ԳՈՐԾՈՂՈՒԹՅԱՆ ԴԱԴԱՐԵՑՈՒՄԸ

9.Սույն կարգը վերանայվում է համայնքի ղեկավարի և (կամ) ավագանու նախաձեռնությամբ: Համայնքի ղեկավարը կարող է առաջարկություններ ներկայացնել համայնքի ավագանուն` փոփոխություններ և (կամ) լրացումներ կատարելու սույն կարգում կամ դադարեցնելու դրա գործողությունը:Իսկ համայնքի ավագանին, կարող է հանդես գալ սույն կարգում փոփոխություններ և լրացումներ կատարելու նախաձեռնությամբ, օրենքով սահմանված ընթացակարգով:

10.Սույն կարգի մեջ փոփոխությունների և (կամ) լրացումների կատարումը, գործողության դադարեցումը իրավասու է կատարել միայն համայնքի ավագանին` իր համապատասխան որոշմամբ: