2025 ԹՎԱԿԱՆԻ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ ԱԲՈՎՅԱՆ ՀԱՄԱՅՆՔԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ԴԻՄԱՑ ԳԱՆՁՎՈՂ ՎՃԱՐՆԵՐԻ ԴՐՈՒՅՔԱՉԱՓԵՐԸ ԵՎ ԱՐՏՈՆՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ
-
0 - Agree
-
0 - Disagree
ՀԻՄՆԱՎՈՐՈՒՄ
2025 ԹՎԱԿԱՆԻ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ ԱԲՈՎՅԱՆ ՀԱՄԱՅՆՔԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ԴԻՄԱՑ ԳԱՆՁՎՈՂ ՎՃԱՐՆԵՐԻ ԴՐՈՒՅՔԱՉԱՓԵՐԸ ԵՎ ԱՐՏՈՆՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ ԱՎԱԳԱՆՈՒ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ
2025 թվականի համար Աբովյան համայնքի կողմից մատուցվող ծառայությունների դիմաց գանձվող վճարների դրույքաչափերը և արտոնությունները սահմանելու մասին որոշման նախագիծը մշակվել է «Տեղական ինքնակառավարման մասին» 18-րդ հոդվածի 1-ին մասի 19-րդ կետի և «Տեղական տուրքերի և վճարների մասին» օրենքի օրենքի 8-րդ հոդվածի 2-րդ մասի, 16-րդ հոդվածի 1-ին մասի հիման վրա։
Աբովյան համայնքի ավագանու կողմից սահմանված համայնքի կողմից մատուցվող ծառայությունների դիմաց գանձվող վճարների դրույքաչափերը նախորդ տարիների համեմատ մեծամասամբ մնացել են անփոփոխ: 2025 թվականի համար առաջարկվում է սահմանել համայնքի կողմից մատուցվող ծառայությունների համար հետևյալ վճարները՝
1. Աբովյան համայնքի վարչական տարածքում փողոցային լուսավորության հենասյուների օգտագործման տրամադրման ծառայության վճար՝ ամսական 300 դրամ, յուրաքանչյուր հենասյան մեկ լարանցման համար։ Այս ծառայության համար առաջարկվում է վճար սահմանել, հաշվի առնելով համայնքի սեփականություն հանդիսացող լուսավորության հենասյուների օգտագործմամբ մալուխային կոմունիկացիաների անցկացման համար տնտեսվարող սուբյեկտների պահանջարկը և նպատակ ունենալով խթանել համայնքի տնտեսության մեջ հեռահաղորդակցության ոլորտի զարգացումը: Գումարը հաշվարկվել է հենասյուների պահպանման, վերանորոգման համար համայնքի կատարած ծախսերի ինքնարժեքից:
Սահմանվել է նաև մալուխային գետնանցումների համար ծառայության վճար՝ 1 գծամետրի համար 50 դրամ։
3. Տաքսիների, միջմարզային, ներմարզային և ներհամայնքային ուղևորափոխադրումներ իրականացնող երթուղային ավտոբուսների և միկրոավտոբուսների համար Աբովյան համայնքի ավտոկանգառներից օգտվելու ծառայության վճար՝ յուրաքանչյուր ավտոմեքենայի համար՝ ամսական 3000 դրամ։ Վճարը սահմանվում է ավտոկանգառների պահպանման, վերանորոգման, սպասարկման, մաքրման և աղբահանության աշխատանքների համար համայնքի կողմից կատարվող ծախսերի փոխհատուցման նպատակով։
4. «Գագիկ Ծառուկյանի անվան Աբովյանի սպորտի և մշակույթի համալիր կենտրոն» համայնքային ոչ առևտրային կազմակերպության (այսուհետ՝ կազմակերպություն) կողմից մատուցվող ծառայություններից օգտվող մինչև 18 տարեկան երեխաների համար կազմակերպության կողմից մատուցվող ծառայությունների դիմաց փոխհատուցման վճարի նկատմամբ կիրառված է արտոնություն՝ վճարի նկատմամբ զրոյական դրույքաչափի կիրառման ձևով։ Հաշվի առնելով Աբովյան համայնքի չափահաս բնակչության պահանջարկը՝ օգտվելու կազմակերպության կողմից մատուցվող որոշ ծառայություններից, և կարևորելով համայնքում երիտասարդության շրջանում առողջ ապրելակերպի, սպորտային ակտիվ ժամանցի կազմակերպմանը նպաստելու և խթանելու առաջնահերթությունը, առաջարկվում է սահմանել կազմակերպության կողմից մատուցվող ծառայությունների դիմաց հետևյալ վճարները՝
1. |
Լող ` |
|
1.1 |
1 ժամ պարապմունքի համար |
1 500 |
1.2 |
12 ժամ պարապմունքի համար |
15 000 |
2. |
Ակրոբատիկա, գեղարվեստական մարմնամարզություն |
8 000 |
3. |
Մարզասրահ |
6 000 |
4. |
Թենիսի կորտի համար՝ |
|
4. |
Թենիսի կորտի համար՝ |
|
4.1 |
1 ժամ անհատական պարապմունքի համար՝ մարզիչի հետ |
10 000 (տասը հազար) |
4.2 |
Կորտը առանց մարզիչի 1 ժամով տրամադրելու համար |
5 000 |
4.3 |
12 ժամ պարապմունքի համար՝ սիրողական խմբի համար (8-10 հոգի) |
25 000 |
4.4 |
12 ժամ պարապմունքի համար՝ սպորտային խմբի համար (3-4 հոգի) |
50 000 |
5. |
Գյուղերում գործող խմբակներ |
4 000 |
Վճարի չափը սահմանելու համար հաշվարկվել է այդ ծառայությունների մատուցման համար կատարված ծախսերի ինքնարժեքը։
5. Աբովյան համայնքում համերգների, թատերական ներկայացումների, սպորտային մրցաշարերի, ցուցահանդեսների, փառատոնների և այլ միջոցառումների կազմակերպման նպատակով համայնքային ենթակայության կազմակերպությունների վարչական շենքերի դահլիճներն օգտագործելու համար համայնքապետարան են դիմում տարբեր կազմակերպություններ։ Հաշվի առնելով նման պահանջարկը և համայնքում մշակույթի, արվեստի, սպորտի, ազգային ավանդույթների պահպանման և զարգացման կարևորությունը, առաջարկվում է սահմանել «Աբովյան քաղաքի Գագիկ Ծառուկյանի անվան սպորտի և մշակույթի համալիր կենտրոն», «Աբովյան քաղաքի Զարեհ Սահակյանցի անվան երաժշտական դպրոց» «Աբովյանի երեխաների աջակցության կենտրոն» համայնքային ոչ առևտրային կազմակերպությունների դահլիճը և նախասրահը օգտագործման տրամադրելու համար վճար՝ 30 000 հազար դրամ, իսկ «Գեղաշենի մշակույթի տուն» համայնքային ոչ առևտրային կազմակերպության դահլիճը օգտագործման տրամադրելու համար՝ 1 օրվա վճարը սահմանել 20 000 (քսան հազար) դրամ։
Վճարի չափը սահմանելու համար հաշվարկվել է այդ ծառայությունների մատուցման համար կատարված ծախսերի ինքնարժեքը (օգտագործված էլեկտրաէներգիա, ջուր, գույքի մաշվածություն, անձնակազմի լրացուցիչ ծանրաբեռնվածություն, սանմաքրում և այլն)։
Առաջարկվում է սահմանել Աբովյան համայնքի «Աբովյան քաղաքի Գագիկ Ծառուկյանի անվան սպորտի և մշակույթի համալիր կենտրոն», «Աբովյան քաղաքի Զարեհ Սահակյանցի անվան երաժշտական դպրոց», «Երեխաների աջակցության կենտրոն» և «Գեղաշեն գյուղի մշակույթի տուն» համայնքային ոչ առևտրային կազմակերպությունների դահլիճների և նախասրահների համար սահմանաված վճարի 100 տոկոսի չափով արտոնություն այն ֆիզիկական կամ իրավաբանական անձանց համար, ովքեր դահլիճի օգտագործման համար շահույթ չեն հետապնդում կամ օգտագործում են բարեգործական նպատակով։
Հաշվի առնելով համայնքի ղեկավարի կողմից համայնքում իրականացվող սոցիալական քաղաքականության ուղղությունը, ինչպես նաև տարբեր կազմակերպությունների կողմից համայնքում իրականացվող բարեգործական և սոցիալական ուղղվածության միջոցառումների, կոմերցիոն բնույթ չկրող մշակութային միջոցառումների կազմակերպմանը խթանելու համար, համայնքի ավագանու որոշման նախագծով առաջարկվում է իրավունք վերապահվել համայնքի ղեկավարին նախագծի 5-7 կետերում սահմանված վճարների համար կիրառելու դրույքաչափի նվազեցման արտոնություն՝ վճարի 50-ից 100 տոկոսի չափով:
6. «Աբովյանի քաղաքային տնտեսություն» համայնքային ոչ առևտրային կազմակերպության կողմից Աբովյան քաղաքի գերեզմանատների պահպանման և սպասարկման ծառայության վճար՝ յուրաքանչյուր հուղարկավորության համար՝ 15 000 դրամ։
Այս վճարը սահմանվում է Հայաստանի Հանրապետության կառավարության 2006 թվականի նոյեմբերի 23-ի ««Հուղարկավորությունների կազմակերպման և գերեզմանատների ու դիակիզարանների շահագործման մասին» Հայաստանի Հանրապետության օրենքով նախատեսված կարգերը, կանոնները և գերեզմանի վկայականի ձևը սահմանելու մասին» N 1910-Ն որոշմամբ սահմանված լիազորությունների շրջանակներում գերեզմանատների պահպանման համար համայնքի կողմից կատարվող ծախսերը փոխհատուցելու նպատակով (գերեզմանատան աշխատողների վարձատրություն, ճանապարհների պահպանում և վերանորոգում, լուսավորություն, ջրամատակարարում, աղբահանություն):
Առաջարկվում է սահմանել «Աբովյանի քաղաքային տնտեսություն» համայնքային ոչ առևտրային կազմակերպության կողմից Աբովյան համայնքի գերեզմանատների պահպանման և սպասարկման ծառայության համար սահմանված վճարի 100 տոկոսի չափով արտոնություն՝
1) Աբովյան համայնքի գյուղական բնակավայրերի փաստացի բնակիչ համարվող կամ ընտանեկան գերեզմանատուն ունեցող անձանց հուղարկավորության համար,
2) Աբովյան համայնքի Աբովյան քաղաքի տարածքում գործող տարեցների շուրջօրյա խնամք իրականացնող հաստատության բնակիչների հուղարկավորության համար,
3) Աբովյան համայնքում հաշվառված անօթևան անձանց հուղարկավորության համար,
4) Աբովյան համայնքի Աբովյան քաղաքում փաստացի բնակվող միայնակ և հարազատներ չունեցող անձանց հուղարկավորության համար,
5) Աբովյան համայնքի Աբովյան քաղաքում փաստացի բնակվող՝ հաշմանդամություն ունեցող անձ ճանաչված անձանց հուղարկավորության համար,
6) Աբովյան համայնքի Աբովյան քաղաքում փաստացի բնակվող, ընտանիքի անապահովության համակարգում հաշվառված և սահմանային միավորից բարձր միավոր ունեցող ընտանիքի անդամի հուղարկավորության համար,
7) 2023 թվականի սեպտեմբերից Լեռնային Ղարաբաղից բռնի տեղահանված և Աբովյան համայնքի Աբովյան քաղաքում փաստացի բնակվող ընտանիքի անդամի հուղարկավորության համար։
7. «Աբովյանի քաղաքային տնտեսություն» համայնքային ոչ առևտրային կազմակերպության կողմից Աբովյան համայնքի 267 բազմահարկ շենքերի վերելակների սպասարկման համար առաջարկվում է սահմանել ամսական ծառայության վճար՝ ելնելով շենքերի հարկերի և բնակարանների թվից, իսկ տեխնիկական զննման վճարների չափը առաջարկվում է սահմանել` ելնելով շենքերի հարկերի թվից։ Ծառայության վճարների չափը առաջացել է վերելակների սպասարկման և տեխնիկական զննման համար համայնքի կատարած ծախսերի ինքնարժեքից (սպասարկող անձնակազմի աշխատավաձ, նյութերի և սարքավորումների ձեռքբերման ծախս, էլեկտրաէներգիայի, հեռախոսի և տրանսպորտային միջոցի օգտագործման ծախս, արտակարգ իրավիճակների նախարարության փորձաքննության վճարներ, վերելակների նախատեսվող պլանային տեղադրման նյութածախս)։
8. «Աբովյանի համայնքային կոմունալ տնտեսություն» համայնքային ոչ առևտրային կազմակերպության կողմից ոռոգման ջուր տրամադրելու ծառայության վճար՝ հողամասի 1 քառակուսի մետրի համար՝ սեզոնում 20 դրամ։
Քանի որ, ջրի հիմնական մասը օգտագործվում է համայնքի կանաչապատ տարածքները պահպանելու համար, ուստի, հաշվի առնելով բնակչության սոցիալական վիճակը, ոռոգման ջրից համայնքի բնակիչների օգտվելու համար վճարը սահմանվում է, հաշվարկելով ջրի մատակարարման վրա կատարվող մինիմալ ծախսերը:
9. Ելնելով անհրաժեշտությունից համայնքում սահմանվել է խոշոր եզրաչափի աղբի գոյացման դեպքում նշված աղբի` համապատասխան կոնտեյներով փոխադրման ծառայության վճար՝ ըստ ծավալի՝ 1 խորանարդ մետր խոշոր եզրաչափի աղբի տեղափոխման համար 3 000 (երեք հազար) դրամ, որի հաշվարկման հիմքում դրվել է խառայության մատուցման ինքնարժեքը։
10. Աբովյան համայնքի սեփականություն հանդիսացող գույքի օտարման կամ օգտագործման տրամադրման փաստաթղթերի (փաթեթի) կազմման ծառայության համար առաջարկվում է սահմանել հետևյալ վճարները՝
Հ/Հ |
Վճարի տեսակը |
Դրույքաչափը |
|
1. |
Օրինականացված ինքնակամ կառույցների օտարման կամ օգտագործման տրամադրման համար |
65 000 |
|
2. |
Բնակելի կամ ոչ բնակելի տարածքների օտարման և օգտագործման տրամադրման համար |
73 000 |
|
3. |
Աճուրդով վաճառվող կամ մրցույթով առաջարկվող գույքի կամ իրավունքի տրամադրման համար |
65 000 |
|
Այս վճարների չափը սահմանելիս հաշվի է առնվել ծառայությունից օգտվելու քաղաքացիների պահանջարկը և ծառայության համար կատարվող ծախսերի ինքնարժեքը (տեղազննություն, մասնագիտական փորձաքննություն, ներկայացված փաստաթղթերի, սխեմաների ուսումնասիրություն, եզրակացությունների կազմում, հաշվարկների կատարում, նյութատեխնիկական և տրանսպորտային ծախս, քարտեզագրության, գեոդեզիայի, չափագրման և հողաշինարարության գործունեություն իրականացնելու իրավունք ունեցող որակավորված անձի կողմից համայնքի պատվերով կատարած աշխատանքների ծախսեր, անշարժ գույքի նկատմամբ համայնքի իրավունքների պետական գրանցման համար կատարված ծախսեր)։
10. Աբովյան համայնքի վարչական տարածքում գտնվող անշարժ գույքի գործառական նշանակության փոփոխության ծառայության համար առաջարկվում է սահմանել վճարները՝ ելնելով անշարժ գույքի քառակուսի մետրից և գույքի սեփականության սուբյեկտից։ Վճարների չափը սահմանելիս հաշվի է առնվել ծառայությունից օգտվելու քաղաքացիների և տնտեսվարող սուբյեկտների պահանջարկը և ծառայության համար կատարվող ծախսերի ինքնարժեքը (տեղանքի ուսումնասիրություն, զննություն, մասնագիտական փորձաքննություն, ներկայացված փաստաթղթերի ուսումնասիրություն, եզրակացությունների կազմում, նյութատեխնիկական և տրանսպորտային ծախս, համայնքի քարտեզներում համապատասխան փոփոխությունների կատարում)։
- Քանի որ համայնքին միացել են նաև գյուղական բնակավայրեր սահմանվել է նաև համայնքի սեփականություն հանդիսացող գյուղատնտեսական մեքենաները օգտագործման տրամադրելու ծառայության վճար՝
Հ/Հ |
Վճարի տեսակը |
Դրույքաչափը |
1. |
Տրակտորի համար՝ |
|
|
1) Խոտի հակի (տուկ) պրեսավորում, հատ |
100 ( հարյուր ) |
|
2) Գութան՝ 1000 մետրի համար |
5 000 (հինգ հազար) |
|
3) Ֆրեզ՝ 1000 մետրի համար |
5 000 (հինգ հազար) |
|
4) Սրսկիչ (գարնանային սրսկում առանց նյութերի տրամադրման) ՝ 1000 մետրի համար |
1000 ( հազար ) |
|
4) Սրսկիչ (սանիտարական սրսկում առանց նյութերի տրամադրման) ՝ 1000 մետրի համար |
5 000 (հինգ հազար) |
2. |
Կոմբայնի համար՝ |
|
|
1) Հացահատիկեղենի հավաք` 1000 մետրի համար |
2 000 (երկու հազար) |
Առաջարկվում է Աբովյան համայնքում սահմանել ինժեներական ենթակառուցվածքների մոնտաժման կամ ապամոնտաժման աշխատանքների համաձայնության տրամադրման հետ կապված ծառայության վճար, որը սահմանվել է հաշվի առնելով ծառայության մատուցման ինքնարժեքը՝
Հ/Հ |
Վճարի տեսակը |
Դրույքաչափը |
|
Իրավաբանական անձանց համար |
Ֆիզիկական անձանց համար |
||
1. |
Մինչև 100 մետրի դեպքում |
50 000 |
25 000 |
2. |
101-ից մինչև 500 մետրի դեպքում |
100 000 |
50 000 |
3. |
501 և ավելի մետրի դեպքում |
150 000 |
75 000 |
Համայնքի կողմից մատուցվող ծառայությունների համար վճար սահմանելով բյուջեն համալրվում է լրացուցիչ եկամուտներով, որը հնարավորություն է տալիս տեղական ինքնակառավարման մարմիններին բացի պարտադիր լիազորություններից, իրականացնել նաև կամավոր լիազորություններ:
Աբովյան համայնքի կողմից մատուցվող ծառայությունների դիմաց գանձվող վճարների դրույքաչափերը սահմանելու մասին ավագանու որոշման նախագիծը կրում է նորմատիվ բնույթ, քանի որ պարունակում է վարքագծի պարտադիր կանոններ համայնքի վարչական տարածքում անորոշ թվով անձանց համար և ուղղված է կարգավորելու համայնքի կողմից մատուցվող ծառայությունների դիմաց գանձվող վճարների սահմանման և գանձման հետ կապված հարաբերությունները։
-
Discussed
29.11.2024 - 15.12.2024
-
Type
Decision
-
Area
Financial
-
Ministry
Abovyan Municipality of Kotayk Marz
Views 650
Print