«ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎԻ 2023 ԹՎԱԿԱՆԻ ԴԵԿՏԵՄԲԵՐԻ 22-Ի N 01-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎԻ ՈՐՈՇՄԱՆ ՆԱԽԱԳԻԾ

ՆԱԽԱԳԻԾ

ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎ

ՈՐՈՇՈՒՄ

__ ________ 2024 թվական                                                                N ___-Ն

ԿՈՌՈՒՊՑԻԱՅԻ ԿԱՆԽԱՐԳԵԼՄԱՆ ՀԱՆՁՆԱԺՈՂՈՎԻ 2023 ԹՎԱԿԱՆԻ ԴԵԿՏԵՄԲԵՐԻ 22-Ի N 01-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Կոռուպցիայի կանխարգելման հանձնաժողովը (այսուհետ` Հանձնաժողով) որոշում է.

1. Կոռուպցիայի կանխարգելման հանձնաժողովի 2023 թվականի դեկտեմբերի 22-ի՝ «Հանրային պաշտոն զբաղեցնող անձանց և հանրային ծառայողների կողմից պաշտոնեական պարտականությունների իրականացման կապակցությամբ ստացված նվերների հաշվառման, հանձնման և գնահատման, նվերների հաշվառման ռեեստրի վարման և ներկայացված տվյալներում փոփոխությունների կատարման, նվերների ընդունման սահմանափակումների խախտման դեպքերի վերաբերյալ տեղեկությունների տրամադրման կարգերը, ինչպես նաև ռեեստրում լրացման և հրապարակման ենթակա տվյալների ցանկերը սահմանելու մասին» N 01-Ն որոշման N 1 հավելվածում կատարել հետևյալ լրացումները․

1) 16.1-ին կետից հետո լրացնել հետևյալ բովանդակությամբ նոր 16.2-րդ և 16․3-րդ կետեր.

«16.2. Սույն կարգի 16-րդ և 16.1-ին կետերով նախատեսված դեպքերում և ժամկետներում Հանրապետության նախագահի կամ վարչապետի կողմից ստացված նվերը արարողակարգի համար պատասխանատու պաշտոնատար անձը հանձնում է Հանրապետության նախագահի դեպքում՝ Հանրապետության նախագահի աշխատակազմի ղեկավարին, իսկ վարչապետի դեպքում՝ վարչապետի աշխատակազմի գործերի կառավարչին, ովքեր ապահովում են նվերի փոխանցումը Պետական գույքի կառավարման կոմիտե` «Պետական գույքի կառավարման մասին» օրենքի 25.1-ին հոդվածով նախատեսված եղանակներով այն տնօրինելու նպատակով:

16.3. Սույն կարգի 16-րդ և 16.1-ին կետերով նախատեսված դեպքերում և ժամկետներում Ազգային ժողովի նախագահի կողմից ստացված նվերը Ազգային ժողովի աշխատակազմի արարողակարգի վարչության պետը հանձնում է Ազգային ժողովի աշխատակազմի ղեկավարին, ով ապահովում է նվերի փոխանցումը Պետական գույքի կառավարման կոմիտե` «Պետական գույքի կառավարման մասին» օրենքի 25.1-ին հոդվածով նախատեսված եղանակներով այն տնօրինելու նպատակով:».

2) 19․2-րդ կետը «անձի)» բառից հետո լրացնել «կամ վարչապետի աշխատակազմի գործերի կառավարչի» բառերով․

3) 19․2-րդ կետից հետո լրացնել հետևյալ բովանդակությամբ նոր 19․3-րդ կետով.

«19․3․ Հանրապետության նախագահի կամ վարչապետի կամ Ազգային ժողովի նախագահի կողմից ստացված նվերը սույն կարգի 16․2-րդ և 16․3-րդ կետերում նշված անձանց կողմից Պետական գույքի կառավարման կոմիտեին հանձնվում է հանձնման-ընդունման ակտի հիման վրա՝ համաձայն Ձև 3-ի:».

4) Ձև 2-ում «զբաղեցնող անձի» բառերից հետո լրացնել «կամ վարչապետի աշխատակազմի գործերի կառավարչի» բառերը․

5) լրացնել Ձև 3-ով՝ համաձայն Հավելվածի։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հավելված

Կոռուպցիայի կանխարգելման հանձնաժողովի

2024 թվականի __________  N __-Ն որոշման

Ձև 3

ՀԱՆՁՆՄԱՆ-ԸՆԴՈՒՆՄԱՆ ԱԿՏ

N_______

          Ղեկավարվելով Կոռուպցիայի կանխարգելման հանձնաժողովի 2023 թվականի դեկտեմբերի 22-ի N 01 որոշմամբ սահմանված կարգի 16-18-րդ, 19.3-րդ կետերով՝ մի կողմից

-------------------------------------------------------------------------------------------------------------- _{(Նշել նվերը հանձնողի  անունը, ազգանունը, հայրանունը, պաշտոնը, անձնագրի կամ նույնականացման քարտի տվյալները)}

(այսուհետ՝ Հանձնող) և մյուս կողմից  _______________________________________ 

 _{(Նշել նվերը ընդունող համապատասխան մարմնի անվանումը, այդ մարմնի  աշխատակազմի ղեկավարի կամ Վարչապետի աշխատակազմի գործերի կառավարչի  անունը և ազգանունը)}

_________________________________________________________________________

(այսուհետ՝ Ընդունող) ստորագրեցին սույն ակտն առ այն, որ Հանձնողը հանձնեց, իսկ Ընդունողն ընդունեց «Հանրային ծառայության մասին» օրենքի 29-րդ հոդվածի 6-րդ կամ 9-րդ մասով սահմանված կարգով ________________________________________________________________________

_{(Նշել նվերը ստացած պաշտոնատար անձի անունը, ազգանունը, հայրանունը, պաշտոնը, անձնագրի կամ նույնականացման քարտի տվյալները)}

կողմից ստացված նվերը:

Նվերի դասակարգումը ____________________________________________________

_________________________________________________________________________

Նվերի հակիրճ նկարագիրը ________________________________________________

_________________________________________________________________________

Նվերի արժեքը ___________________________________________________________

Նվերը ստանալու օրը, ամիսը, տարին _______________________________________

Նվերը ստանալու հանգամանքը ____________________________________________

Այլ տվյալներ ____________________________________________________________:

Նվերը հանձնեց՝                                                            Նվերն ընդունեց՝

______________________                                                 ______________________

______________________                                                 ______________________

______________________                                                 ______________________

_{(ստորագրություն)                                                                                                                               (ստորագրություն)}                         

Կ․Տ                                                                                               Կ․Տ    

«    » ----------------------20   թ․      

ՀԱՆՁՆԱԺՈՂՈՎԻ ՆԱԽԱԳԱՀԻ

ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ՝                        ՄԱՐԻԱՄ ԳԱԼՍՏՅԱՆ