Սուրեն Մելիքբեկյան
14.08.2024
Առաջարկում եմ նաև սույն մասում ավելացնել Պետության կողմից հիմնադրված առևտրային կազմակերպություններին և Համայնաքի կողմից հիմնադրված ոչ առևտրային կազմակերպություններին՝ ՀՈԱԿ-ներին:
ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
«ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Պետական ոչ առևտրային կազմակերպությունների մասին» 2001 թվականի հոկտեմբերի 23-ի ՀՕ-248 օրենքի (այսուհետ՝ Օրենք) 5-րդ հոդվածի 7-րդ մասում «մնացած գույքի» բառերից հետո լրացնել «, ինչպես նաև կրթական, գիտական, մշակութային և սպորտային ծրագրեր իրականացնող պետական կազմակերպության կողմից չօգտագործվող գույքի՝ հիմնադրի որոշմամբ հաստատված կարգով» բառերով։
Հոդված 2. Օրենքի 13-րդ հոդվածի 2-րդ մասի «ը» ենթակետի «։» վերջակետ կետադրական նշանը փոխարինել «,» ստորակետ կետադրական նշանով։
Հոդված 3. Օրենքի 13-րդ հոդվածի 2-րդ մասը լրացնել նոր՝ «թ» ենթակետով հետևյալ բովանդակությամբ.
«թ) կրթական, գիտական, մշակութային և սպորտային ծրագրեր իրականացնող պետական կազմակերպության կողմից չօգտագործվող գույքը հետ վեցնելու և սեփականության իրավունքով այլ պետական կազմակերպությանը տրամադրելու կարգի հաստատումը:»։
Հոդված 4. Օրենքի 14-րդ հոդվածի 2-րդ մասի «ը» ենթակետի «։» վերջակետ կետադրական նշանը փոխարինել «,»ստորակետ կետադրական նշանով։
Հոդված 5. Օրենքի 14-րդ հոդվածի 2-րդ մասը լրացնել նոր՝ «թ» ենթակետով հետևյալ բովանդակությամբ.
«թ) հիմնադրի կողմից հաստատած կարգով կրթական, գիտական, մշակութային և սպորտային ծրագրեր իրականացնող պետական կազմակերպության կողմից չօգտագործվող և հետ վերցվող գույքի և սեփականության իրավունքով այլ պետական կազմակերպությանը տրամադրվող գույքի ցանկերի հաստատումը:»։
Հոդված 6. Սոյն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հոդված 1. Հայաստանի Հանրապետության 2016 թվականի հոկտեմբերի 4-ի հօ-165-Ն հարկային օրենսգրքի 62-րդ հոդվածի 7-րդ մասը լրացնել նոր՝ երկրորդ նախադասությամբ հետևյալ բովանդակությամբ.
«Հայաստանի Հանրապետությունում կրթական, գիտական, մշակութային և սպորտային ծրագրեր իրականացնող Հայաստանի Հանրապետության կառավարության կողմից ստեղծված ոչ առևտրային կազմակերպություններին ակտիվների տրամադրման անհատույց գործարքների դեպքում ԱԱՀ-ով հարկման բազան համարվում է 0 դրամ:»:
Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
Duration
Type
Law
Area
State property management
Ministry
Ministry of Education, Science, Culture and Sport
Views 482
Print14.08.2024
Առաջարկում եմ նաև սույն մասում ավելացնել Պետության կողմից հիմնադրված առևտրային կազմակերպություններին և Համայնաքի կողմից հիմնադրված ոչ առևտրային կազմակերպություններին՝ ՀՈԱԿ-ներին:
Leave a suggestion
You can leave a comment on the webpage only after signing and logging into account.
Your comment will be published within 2 working days after confirmation by the site administrator.
Suggested proposals can be found in Summary section.