ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՀՈՒԼԻՍԻ 20-Ի N 1106-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
-
0 - Agree
-
4 - Disagree
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
______________ 2024 թվականի N ____ Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՀՈՒԼԻՍԻ 20-Ի N 1106-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով Նորմատիվ իրավական ակտերի մասին օրենքի 33-րդ և 34-րդ հոդվածներով՝ Հայաստանի Հանրապետության կառավարությունը որոշում է.
- Հայաստանի Հանրապետության կառավարության 2006 թվականի հուլիսի 20-ի «Ծանրաքաշ բեռներ փոխադրելու համար օգտագործվող կամ ճանապարհային երթևեկության կանոններով սահմանված եզրաչափերը գերազանցող կամ երկու և ավելի կցորդների հետ միասին ավտոգնացքի կազմում շահագործվող տրանսպորտային միջոցների երթևեկության կանոնները և չմասնատվող բեռներ փոխադրող թույլատրելի առավելագույն զանգվածը գերազանցող և (կամ) մեկ սռնու վրա ընկնող բեռնվածքը գերազանցող և (կամ) մեծ եզրաչափերով տրանսպորտային միջոցներով փոխադրումների իրականացման երթուղու տրամադրման թույլտվության կարգը, տրանսպորտային միջոցների թույլատրելի առավելագույն զանգվածը և (կամ) մեկ սռնու վրա ընկնող բեռնվածքը, ինչպես նաև մեծ եզրաչափերի առավելագույն չափերը հաստատելու մասին թույլտվության տրամադրման կարգը հաստատելու մասին» N 1106-Ն որոշման (այսուհետ՝ Որոշում) մեջ կատարել հետևյալ փոփոխությունները և լրացումները`
1) Որոշման 1-ին կետի ա) ենթակետով հաստատված N 1 հավելվածի՝
ա. 2-րդ կետի 6-րդ ենթակետի Հայաստանի Հանրապետության ոստիկանության ճանապարհային ոստիկանությունը (այսուհետ` ճանապարհային ոստիկանություն) բառերը փոխարինել Հայաստանի Հանրապետության ներքին գործերի նախարարության ոստիկանության իրավասու ստորաբաժանումը (այսուհետ` Ոստիկանության իրավասու ստորաբաժանում) բառերով, 8-րդ ենթակետի ճանապարհային ոստիկանության բառերը փոխարինել Ոստիկանության իրավասու ստորաբաժան բառերով, իսկ 12-րդ ենթակետի «Հայաստանի Հանրապետության ընդհանուր օգտագործման պետական ավտոմոբիլային ճանապարհներով մեծ եզրաչափերով տրանսպորտային միջոցով բեռ փոխադրելու իրավունք վերապահող փաստաթուղթ (Ձև N 2), կամ Հայաստանի Հանրապետության ընդհանուր օգտագործման պետական ավտոմոբիլային ճանապարհներով թույլատրելի ընդհանուր զանգվածը և (կամ) մեկ սռնու վրա ընկնող թույլատրելի բեռնվածքը գերազանցող ծանրաքաշ տրանսպորտային միջոցով չմասնատվող բեռ փոխադրելու իրավունք վերապահող փաստաթուղթ (Ձև N 3)» բառերը փոխարինել «Հայաստանի Հանրապետության ընդհանուր օգտագործման պետական ավտոմոբիլային ճանապարհներով ծանրաքաշ, չմասնատվող և (կամ) մեծ եզրաչափերով բեռ փոխադրելու իրավունք վերապահող փաստաթուղթ» բառերով.
բ. 4-րդ կետը շարադրել հետևյալ խմբագրությամբ՝ «4.Ծանրաքաշ, չմասնատվող և (կամ) մեծ եզրաչափերով բեռների փոխադրումների իրականացման թույլտվությունները տրամադրվում են տրանսպորտի ոլորտի թվային ծառայությունների հարթակի (transport.e-gov.am) միջոցով՝ էլեկտրոնային տարբերակով: Հարթակի մուտքը ապահովվում է «Ես Եմ» ազգային նույնականացման հարթակի միջոցով՝ Հայաստանի Հանրապետության կառավարության 2017 թվականի մայիսի 25-ի 572-Ն որոշման համաձայն:».
գ. 5-րդ կետը շարադրել հետևյալ խմբագրությամբ՝
«5. Ծանրաքաշ, չմասնատվող և (կամ) մեծ եզրաչափերով բեռների փոխադրումների իրականացման թույլտվություն ստանալու համար բեռնափոխադրողները տրանսպորտի ոլորտի թվային ծառայությունների հարթակում (transport.e-gov.am) ՝էլեկտրոնային եղանակով ներկայացնում են դիմում՝ ներառելով հետևյալ տվյալները՝
3) փոխադրման տեսակը (միջպետական, միջմարզային, ներմարզային).
4) թույլտվության տեսակը (մեկանգամյա, բազմակի).
5) բազմակի (որոշակի ժամկետով) թույլտվության տեսակի դեպքում՝ երթերի քանակը.
6) երթևեկության սկզբնակետը, վերջնակետը և երթուղին.
7) բեռնափոխադրման ժամանակահատվածը.
8) բեռը փոխադրող տրանսպորտային միջոցի (քարշակի) և կցորդ(ներ)ի մակնիշը/մոդելը և հաշվառման համարանիշները.
10) սռնիների միջև հեռավորությունը և սռնիների բեռնվածությունը.
11) ավտոգնացքի եզրաչափերը (երկարություն, լայնություն, բարձրություն, շրջադարձի շառավիղ՝ բեռով).
12)բեռն ուղեկցող անձի կամ անձանց անուն ազգանունը.
13) սույն կանոնների 21-րդ կետի կիրառման դեպքում՝ պաշտպանական տրանսպորտային միջոցի մակնիշը, մոդելը, հաշվառման համարանիշը.
դ. 6-րդ կետը շարադրել հետևյալ խմբագրությամբ՝
«6.Բեռնափոխադրողներին էլեկտրոնային եղանակով տրամադրվում է մեկանգամյա կամ բազմակի (որոշակի ժամկետով) փոխադրումներ իրականացնելու թույլտվություն՝ համաձայն N 2 ձևի: Մեկանգամյա թույլտվությունը տրվում է նշված ժամկետում մեկ փոխադրում իրականացնելու համար: Որոշակի ժամկետով թույլտվությունը տրվում է 1-3 ամիս ժամկետով կամ նշված ժամանակահատվածում (մինչև 3 ամիս) որոշակի թվով փոխադրումներ իրականացնելու համար:».
ե. 7-րդ կետը շարադրել հետևյալ խմբագրությամբ՝
«7.Ծանրաքաշ, չմասնատվող և (կամ) մեծ եզրաչափերով բեռների փոխադրման թույլտվություն ստանալու նպատակով ներկայացված դիմումների հիման վրա ինքնաշխատ եղանակով ձևավորվում է էլեկտրոնային գրանցամատյան, որը պարունակում է N 4 ձևում արձանագրված տեղեկատվությունը: Թույլտվության տրամադրումը համակարգող պատասխանատու ստորաբաժանումը ստուգում է յուրաքանչյուր դիմումում ներկայացված տվյալների ամբողջականությունը, ինչպես նաև քարշակի և կցորդ(ներ)ի տեխնիկական համապատասխանությունը` տվյալ փոխադրումն իրականացնելու համար՝ ըստ դիմումում նշված տվյալների:».
զ. 9-րդ կետը շարադրել հետևյալ խմբագրությամբ՝
«9.Ծանրաքաշ, չմասնատվող և (կամ) մեծ եզրաչափերով բեռների փոխադրման թույլտվության տրամադրման մասին դիմումները քննարկվում են բեռնափոխադրողի կողմից տրանսպորտի ոլորտի թվային ծառայությունների հարթակում (transport.e-gov.am) էլեկտրոնային տարբերակով սույն կանոնների 5-րդ կետով սահմանված ամբողջական տեղեկատվությունը ներկայացնելուց հետո՝ 3 աշխատանքային օրվա ընթացքում:».
է. 11-րդ կետի «3» թիվը փոխարինել «2» թվով.
ը. 12-րդ կետի «կետի 1-ին և 2-րդ ենթակետերով» բառերը փոխարինել «կետով» բառով.
թ. 13-րդ կետի 1-ին ենթակետի «փաստաթղթերը թերի են» բառերը փոխարինել «տեղեկատվությունը թերի է» բառերով, իսկ «3» թիվը փոխարինել «2» թվով.
ժ. 13-րդ կետի 5-րդ ենթակետն հանել.
ժա. 14-րդ կետը շարադրել հետևյալ խմբագրությամբ՝
«14.Թույլտվությունը բեռնափոխադրողին տրամադրվում է էլեկտրոնային եղանակով՝ այն հասանելի դարձնելով տրանսպորտի ոլորտի թվային ծառայությունների transport.e-gov.am հարթակում՝ դիմորդի անձնական էջում և ուղարկվում է նրա էլեկտրոնային փոստի հասցեին:».
ժբ. 15-րդ կետը շարադրել հետևյալ խմբագրությամբ՝
«15. Լիազոր մարմինը բեռի փոխադրման ընթացքում երթևեկության անվտանգության պայմաններն ապահովելու նպատակով բեռնափոխադրումը համաձայնեցնում է Ոստիկանության իրավասու ստորաբաժանման հետ, որը տրամադրում է անցագիր՝ տրանսպորտի ոլորտի թվային ծառայությունների հարթակի (transport.e-gov.am) միջոցով՝ էլեկտրոնային տարբերակով:».
ժգ. 16-րդ կետը շարադրել հետևյալ խմբագրությամբ՝
«16. Ոստիկանության իրավասու ստորաբաժանման կողմից էլեկտրոնային թույլտվության անցագրի հատվածում լրացվում են «Փոխադրման ժամեր», «Երթևեկության թույլատրված առավելագույն արագություն», «Կամուրջներով և ուղեանցներով առավելագույն արագություն», «Սահմանափակումներ եղանակային պայմաններից», «Ուղեկցում», «Կապի ձև», «Երթևեկության ժամանակավոր կամ օպերատիվ փոփոխություն» դաշտերը:».
ժդ. 17-րդ կետը շարադրել հետևյալ խմբագրությամբ՝
«17. Տրամադրված թույլտվությունը պարունակում է արագ արձագանքման ծածկագիր (QR կոդ) և 16 նիշանոց հսկիչ համար (tracking number): Բեռնափոխադրման թույլտվության և անցագրի վավերականությունը փոխադրումների նկատմամբ հսկողություն իրականացնող մարմինների կողմից կարող է իրականացվել հսկիչ համարը պաշտոնական փաստաթղթերի իսկության ստուգման պաշտոնական կայք (http://verify.e-gov.am) մուտքագրելու կամ արագ արձագանքման ծածկագրի միջոցով:».
ժե. 18-րդ կետի «ընթացքում» բառից հետո լրացնել «տրանսպորտի ոլորտի թվային ծառայությունների հարթակում (transport.e-gov.am)» բառերը.
ժզ.20-րդ կետի, 20-րդ կետի 2-րդ ենթակետի և 22-րդ կետի «ճանապարհային ոստիկանություն» բառերը փոխարինել «Ոստիկանության իրավասու ստորաբաժանում» բառերով՝ համապատասխան հոլովաձևերով.
ժէ. «N 1» «N 3» և «N 5» ձևերը հանել.
ժը. «Ձև N 4»-ը շարադրել հետևյալ խմբագրությամբ՝
«Ձև N 4
Ծանրաքաշ, չմասնատվող և (կամ) մեծ եզրաչափերով բեռների փոխադրման թույլտվությունների էլեկտրոնային գրանցամատյան
1. |
Թույլտվության համար |
|
2. |
Թույլտվության ամսաթիվ |
|
3. |
Բեռնափոխադրողի անվանումը |
|
4. |
Բեռնափոխադրողի հասցեն |
|
5. |
Փոխադրման ժամանակահատված |
|
6. |
Երթի տեսակ |
|
7. |
Երթի սկզբնակետ, վերջնակետ և երթուղի |
|
|
Բեռի ցուցանիշներ |
|
|
Քարշակի մակնիշ/մոդել և համարանիշ |
|
|
Կցորդ(ներ)ի մակնիշ/մոդել և համարանիշ |
|
|
Վճարած գումար» |
|
ժը. «Ձև N 2»-ը շարադրել հետևյալ խմբագրությամբ՝
«Ձև N 2
- Սույն որոշումն ուժի մեջ է մտնում պաշտոնական հրապարակմանը հաջորդող քսաներորդ օրը:
Հայաստանի Հանրապետության
վարչապետ Ն․ Փաշինյան
-
Discussed
26.07.2024 - 10.08.2024
-
Type
Decision
-
Area
Transport
-
Ministry
Ministry of Territorial Administration and Infrastructure
Views 702
Print