«Բաժնետիրական ընկերությունների մասին» օրենքում լրացում կատարելու մասին»

ՀԻՄՆԱՎՈՐՈՒՄ

««ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ

1. Իրավական ակտի անհրաժեշտությունը և նպատակը

«Բաժնետիրական ընկերությունների մասին» օրենքում կատարվող լրացումը բխում է ՀՀ սոցիալական նախարարական կոմիտեի 2023 թվականի օգոստոսի 29-ի նիստի արձանագրության 1.1  կետի կատարումն ապահովելու անհրաժեշտությունից։

1.1.Կարգավորման հարաբերությունների ներկա վիճակը և առկա խնդիրները

Համաձայն «Բաժնետիրական ընկերությունների մասին» օրենքի (այսուհետ՝ օրենք) 12-րդ հոդվածի 3-րդ մասով սահմանված է Ընկերությունների հիմնադիր ժողովի լիազորությունները։

Հարկ ենք համարում նշել, որ ՀՀ սոցիալական նախարարական կոմիտեի 2023 թվականի օգոստոսի 29-ի նիստի արձանագրության 1.1  կետի՝ Արդարադատության նախարարի տեղակալ կողմից ներկայացված դիտարկման հիման վրա առաջարկվել է Տարածքային կառավարման և ենթակառուցվածքների նախարարության պետական գույքի կառավարման կոմիտեին Արդարադատության նախարարության հետ համատեղ աշխատանքային կարգով քննարկել և սահմանված կարգով առաջարկություն ներկայացնել Վարչապետի աշխատակազմ՝ Ընկերությունների օպտիմալացման դեպքերում լիազորող նորմերը հստակեցնելու վերաբերյալ։

Ներկայացված հանգամանքով պայմանավորված մշակվել է ներկայացված օրենքի նախագիծը, համաձայն որի Ընկերության հիմնադիր ժողովին տրվում է լիազորություններ ընդունելու որոշում Ընկերության օպտիմալացման մասին։

1.2. Առկա խնդիրների առաջարկվող լուծումները

Հաշվի առնելով, որ օրենքով կանոնակարգված չեն Ընկերությունների օպտիմալացման գործընթացում որոշումների ընդունման լիազորություններ օրենքի նախագծով առաջարկվում է օրենքի 12-րդ հոդվածի 3-րդ մասում կատարել համապատասխան լրացում, համաձայն որի՝ Ընկերության հիմնադիր ժողովին տրվում է լիազորություններ ընդունելու որոշում Ընկերության օպտիմալացման մասին։

Այս նպատակով, ինչպես նաև ՀՀ սոցիալական նախարարական կոմիտեի 2023 թվականի օգոստոսի 29-ի նիստի արձանագրության 1.1  կետով տրված հանձնարարականի կատարումն ապահովելու նպատակով մշակվել է «Բաժնետիրական ընկերությունների մասին» օրենքում լրացում կատարելու մասին» օրենքի նախագիծը։

2. 2. Ակնկալվող արդյունքը

Իրավական ակտի ընդունման դեպքում՝ կկանոնակարգվի Ընկերության օպտիմալացման գործընթացը։

3. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեի կողմից:

4. Տեղեկատվություն լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին.

«Բաժնետիրական ընկերությունների մասին» օրենքում լրացում կատարելու մասին» օրենքի նախագծի պետական կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին տեղեկանքի լրացման անհրաժեշտությունը բացակայում է, քանի որ պետական կամ տեղական ինքնակառավարման մարմինների բյուջեներում ծախսերի և եկամուտների էական ավելացումներ կամ նվազեցումներ չեն նախատեսվում:

5. Կապը ռազմավարական փաստաթղթերի հետ Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.

Նախագիծը բխում է ՀՀ կառավարության հնգամյա ծրագրի 6.7 «Պետական գույքի արդյունավետ կառավարում» բաժնում ամրագրված կառավարության ստանձնած հանձնառություններից։