4 - Agree
2 - Disagree
ՀԻՄՆԱՎՈՐՈՒՄ
««ԱՐԺՈՒԹԱՅԻՆ ԿԱՐԳԱՎՈՐՄԱՆ ԵՎ ԱՐԺՈՒԹԱՅԻՆ ՎԵՐԱՀՍԿՈՂՈՒԹՅԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ՎԵՐԱԲԵՐՅԱԼ
«Արժութային կարգավորման և արժութային վերահսկողության մասին» ՀՀ օրենքի 6-րդ հոդվածի 4-րդ մասի համաձայն Հայաստանի Հանրապետության տարածքում դրամական (փողային) շահումները կարող են գովազդվել և տրվել միայն Հայաստանի Հանրապետության դրամով: «Շահումով խաղերի, ինտերնետ շահումով խաղերի և խաղատների մասին» ՀՀ օրենքի 6-րդ հոդվածի 2.1 մասի «զ1» պարբերությունը նույնպես սահմանում է, որ շահումը վճարում է ՀՀ դրամով։
ՀՀ կառավարության կոմից խաղային բնագավառում արդեն իսկ որդեգրած և շարունակաբար իրականացվող քաղաքականության համաձայն՝ նախ գործունեությունը պետք է իրականացնել զբոսաշրջության համար գրավչություն ներկայացնող սահմանափակ վայրերում՝ օրենքով նախատեսված 4 վայրերում, որի հիմնական նպատակն է պաշտպանելով ՀՀ քաղաքացիներին խաղամլությունից, միաժամանակ ստեղծել միաջավայր ոչ ռեզիդենտ խաղացողներին առավելագույնս ներգրավելու համար:
Ոչ ռեզիդենտ խաղացողների ներգրվման տեսանկյունից անհրաժեշտ է հնարավորության ընձեռել ՀՀ-ում ոչ ռեզիդենտ համարվող անձանց խաղադրույքներ կատարել և շահումներն ստանալ արտարժույթով, որը բավականին գրավիչ կդարձնի ներքին շուկան օտարերկրացիների համար, ինչը ներկայումս հնարավոր չէ՝ հաշվի առնելով վերը նշված օրենսդրական կարգաորումները: Նշված կարգավորման արդյունքում ՀՀ-ում լիցենզավորված ընկերությունների համար ստեղծել է ակնհայտ հակամրցակցային միջավայր ոչ ռեզիդենտ խաղացողների ներգրվման տեսանկյունից:
Դեռևս 2012թ. այդ հարցին լուծում տալու նպատակով տրվել է ՀՀ ԿԱ ՊԵԿ նախագահի 12 հունվարի 2012թ․-ին տրված N1 պաշտոնական պարզաբանումը (այսուհետ՝ Պաշտոնական պարզաբանում) , որի համաձայն.
|
· Եթե ՀՀ տարածքում չգտնվող հաշվից դրամական (փողային) շահումները փոխանցվում են ՀՀ տարածքում չգտնվող համակարգերի միջոցով, ապա այդ ընթացակարգերով վճարումները չեն համարվում ՀՀ տարածքում կատարված: · Խաղադրույքների (գրազների) արտարժույթով իրականացման դեպքում չեն կիրառվում Օրենքի 6-րդ և 7-րդ հոդվածներով նախատեսված սահմանափակումները: |
Պաշտոնական պարզաբանումը վերաբերում է ՀՀ ռեզիդենտ հանդիսացող ինտերնետ տոտալիզատորների կազմակերպիչների կողմից խաղադրույքների (գրազների) և դրամական (փողային) շահումների իրականացմանը, ինչպես նաև ինտերնետային կայքերում (ինտերնետ միջավայրում) նրանց կողմից կազմակերպվող ինտերնետ տոտալիզատորներին վերաբերող փողային շահումները գովազդելուն:
Սակայն Պաշտոնական պարզաբանմամբ կարգավորված չէ ինտերնետ շահումով խաղերի կազմակերպման հետ կապված հարցերը, ինչպես նաև պաշտոնական պարզաբանմամբ արտահայտած դիրքորոշումը գործնականում չի կիրառվում՝ բազմաթիվ խոչընդոտների պատճառով։
Ելնելով վերոգրյալից` Նախագծի նպատակն է սահմնաել բացառություն Հայաստանի Հանրապետությունում լիցենզավորված և խաղադրույք ընդունելու իրավունք ձեռք բերած ինտերնետ շահումով խաղերի և/կամ տոտալիզատորի (ինտերնետ տոտալիզատորի) կազմակերպիչների ու ՀՀ ոչ ռեզիդենտ ֆիզիկական անձանց հետ գրազի պայմանագրի կնքման (ՀՀ ոչ ռեզիդենտ ֆիզիկական անձի ու ինտերնետ շահումով խաղերի և/կամ տոտալիզատորի (ինտերնետ տոտալիզատորի) կազմակերպիչների միջև կնքված՝ ինտերնետ շահումով խաղերի մասնակցության և/կամ խաղադրույք կատարելու մասին պայմանագիր) և դրամական (փողային) շահումների հանձնման (տրման) դեպքերի համար, որը հնարավորություն կտա ստեղծելու բարենպաստ օրենսդրական միջավայր` ոչ ռեզիդենտ խաղացողների ներգրվման տեսանկյունից ՀՀ-ում ոչ ռեզիդենտ համարվող անձանց խաղադրույքներ կատարել և շահումներն ստանալ արտարժույթով, որը բավականին գրավիչ կդարձնի ներքին շուկան օտարերկրացիների համար, ինչը ներկայումս հնարավոր չէ՝ հաշվի առնելով «Շահումով խաղերի, ինտերնետ շահումով խաղերի և խաղատների մասին» ՀՀ օրենքի 6-րդ հոդվածի 2.1 մասի զ1) կետը և «Արժութային կարգավորման մասին» ՀՀ օրենքի 6-րդ հոդվածի 1-ին և 4-րդ մասերը:
3․ Առաջարկվող կարգավորումները
Նախագծով առաջարկվում է Օրենքի 6-րդ հոդվածի 4-րդ մասը շարադրել հետևյալ բովանդակությամբ.
«4. Հայաստանի Հանրապետության տարածքում դրամական (փողային) շահումները կարող են գովազդվել և տրվել միայն Հայաստանի Հանրապետության դրամով, բացառությամբ Հայաստանի Հանրապետությունում լիցենզավորված և խաղադրույք ընդունելու իրավունք ձեռք բերած ինտերնետ շահումով խաղերի և/կամ տոտալիզատորի (ինտերնետ տոտալիզատորի) կազմակերպիչների ու ՀՀ ոչ ռեզիդենտ ֆիզիկական անձանց հետ գրազի պայմանագրի կնքման (ՀՀ ոչ ռեզիդենտ ֆիզիկական անձի ու ինտերնետ շահումով խաղերի և/կամ տոտալիզատորի (ինտերնետ տոտալիզատորի) կազմակերպիչների միջև կնքված՝ ինտերնետ շահումով խաղերի մասնակցության և/կամ խաղադրույք կատարելու մասին պայմանագիր) և դրամական (փողային) շահումների հանձնման (տրման) դեպքերի։»
Օրենքի 6-րդ հոդվածի 4-րդ մասի կիրառման համար կարևոր է, որ դրամական (փողային) շահումները գովազդվեն կամ տրամադրվեն ՀՀ տարածքում: Այս տեսանկյունից ինտերնետային կայքերում (ինտերնետ միջավայրում) փողային շահումների արտարժույթով գովազդելը չի դիտվում որպես Օրենքի 6-րդ հոդվածի 4-րդ մասի խախտում, եթե գովազդի մեջ միաժամանակ նշվում է դրամային համարժեքը:
Եթե ՀՀ տարածքում չգտնվող հաշվից դրամական (փողային) շահումները փոխանցվում են ՀՀ տարածքում չգտնվող համակարգերի միջոցով, ապա այդ ընթացակարգերով վճարումները չեն համարվում ՀՀ տարածքում կատարված:
Ակնկալվում է, որ նախագծի ընդունմամբ կստեղծվեն Կազմակերպիչների համար բարենպաստ պայմաններ` ոչ ռեզիդենտ խաղացողների ներգրվման տեսանկյունից ՀՀ-ում ոչ ռեզիդենտ համարվող անձանց խաղադրույքներ կատարել և շահումներն ստանալ արտարժույթով, որը բավականին գրավիչ կդարձնի ներքին շուկան օտարերկրացիների համար:
Նախագծի ընդունումը չի բխում ռազմավարական փաստաթղթերից:
Նախագծերը մշակվել են ՀՀ ֆինանսների նախարարության կողմից:
Նախագծի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի էական ավելացում կամ նվազեցում չի նախատեսվում։
Նախագծի ընդունման կապակցությամբ այլ իրավական ակտերում փոփոխություններ կատարելու անհրաժեշտություն չի առաջանում:
Discussed
26.06.2023 - 11.07.2023
Type
Law
Area
Financial
Views 2155
Print26.06.2023
Դեմ եմ, քանի որ խաղացողին արդքան էլ չի հետագրգրում արտարժույթը դրամի կամ հետո դրամը արտարժույթի վերածելու պրոցեսում կրած փոխանակման կորուստները։ Տեսնում եմ Ռիսկեր օտարերկրացու անձնագրով խաղադրույքներ կատարելու, շահելու և արտարժույթը երկրից առանց սահմանափակման հանելու մասով, ինչն հնարվոր է կացմակերպել, ու դրանով նաև դուռ բացել փողերի լվացման համար։ Հետևաբառ խիստ դեմ եմ նախագծին։