1. Հայաստանի Հանրապետության կրթության և գիտության նախարարի 2011 թվականի դեկտեմբերի 5-ի N 1278-Ն հրամանում փոփոխություն կատարելու մասին, 2. Հայաստանի Հանրապետության կրթության և գիտության նախարարի 2010 թվականի մարտի 12-ի N 194-Ն հրամանում փոփոխություններ և լրացում կատարելու մասին, 3. Հայաստանի Հանրապետության կրթության և գիտության նախարարի 2010 թվականի հոկտեմբերի 1-ի N 1455-Ն հրամանում փոփոխություններ և լրացումներ կատարելու մասին:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2011 ԹՎԱԿԱՆԻ ՄԱՐՏԻ 12-Ի N 194-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ

 ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

  Հիմք ընդունելով «Նորմատիվ իրավական ակտերի մասին» օրենքի 34-րդ հոդվածի 1-ին մասը և «Նախնական մասնագիտական (արհեստագործական) և միջին մասնագիտական կրթության մասին» Հայաստանի Հանրապետության օրենքի 16-րդ հոդվածի 1-ին մասի 7-րդ կետը.

Հ Ր Ա Մ Ա Յ ՈՒ Մ  ԵՄ

1. Հայաստանի Հանրապետության կրթության և գիտության նախարարի 2011 թվականի մարտի 12-ի «Մեկից ավելի արհեստագործական և միջին մասնագիտական կրթություն ստանալու կարգը հաստատելու մասին» N 194-Ն հրամանով հաստատված հավելվածի.

• 5-րդ կետի 1-ին ենթակետում «տվյալ տարվա համար սահմանված ընդունելության տեղերի ընդհանուր թիվը» բառերը փոխարինել «լիցենզիայով (գործունեության թույլտվության) տվյալ մասնագիտությանը հատկացված տեղերի թիվը»:
• 16-րդ կետում «ուսումնական տարվա սկզբին (ըստ կրթության ձևի) կամ կիսամյակին նախորդող աշխատանքային 15 օրվա ընթացքում» բառերը փոխարինել «ուսումնական կիսամյակը սկսելուն նախորդող երկու շաբաթների ընթացքում» բառերով:
• 19-րդ կետը շարադրել նոր բովանդակությամբ.

«19. Եթե Հաստատությունում ընդհանուր դիմորդների թիվը գերազանցում է տվյալ մասնագիտության գործունեության թույլտվությամբ (լիցենզիայով) հատկացված տեղերի թիվը, ապա դիմումների ընդունման ժամկետի ավարտից հետո 3 աշխատանքային օրվա ընթացքում անցկացվում է մրցույթ և առաջնահերթությունն ըստ հաջորդականության տրվում է՝

1) ակադեմիական արձակուրդից, մեկ տարուց ավելի տևողությամբ նպատակային արձակուրդից, ինչպես նաև պարտադիր զինվորական ծառայությունից վերադարձած անձին.

2) Հայաստանի Հանրապետության կրթության և գիտության նախարարի 2011 թվականի  դեկտեմբերի 5-ի «Նախնական մասնագիտական (արհեստագործական) և միջին մասնագիտական կրթական ծրագրեր իրականացնող ուսումնական հաստատություններում ուսումնառությունը անավարտ թողած անձի ուսանողական իրավունքի վերականգնման կարգը հաստատելու մասին» N 1278-Ն  հրամանով  դիմած անձին.

3) Հայաստանի Հանրապետության կրթության և գիտության նախարարի 2011 թվականի  դեկտեմբերի 5-ի «Ուսանողների (ունկնդիրների) մեկ մասնագիտական ուսումնական հաստատությունից այլ ուսումնական հաստատություն տեղափոխման կարգը հաստատելու մասին» N 1278-Ն  հրամանով  դիմած անձին.

4) սույն կարգով դիմած անձին.

 5) առավել քիչ ակադեմիական տարբերություն ունեցողին.

6) առավելագույն մասնագիտական ստաժ ունեցողին:»:

• 21-րդ կետում «դրական հանձնելու» բառերից հետո լրացնել «կամ առարկայական տարբերություններ չլինելու»  բառերը:
• 22-րդ կետը շարադրել նոր բովանդակությամբ.

«22. Հաստատության տնօրենը (ռեկտորը)` ուսանողին հրամանագրելուց հետո 3 աշխատանքային օրվա ընթացքում տեղեկատվությունը մուտքագրում է կրթության տեղեկատվական համակարգ, իսկ յուրաքանչյուր ուսումնական կիսամյակի ավարտից հետո 10 օրյա ժամկետում, Լիազորված մարմնին է ներկայացնում սույն կարգով ընդունված ուսանողի վերաբերյալ հաշվետվություն` նշելով կրթության իրականացման սկզբունք (զուգահեռ կամ հաջորդական), կրթական ծրագիրը, կիսամյակը, ուսուցման ձևը, մասնագիտությունը:»:

                 ՆԱԽԱՐԱՐ՝                             Ժ. ԱՆԴՐԵԱՍՅԱՆ    

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ՀՈԿՏԵՄԲԵՐԻ 1-Ի N 1455-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

  Հիմք ընդունելով «Նորմատիվ իրավական ակտերի մասին» օրենքի 34-րդ հոդվածի 1-ին մասը և «Նախնական մասնագիտական (արհեստագործական) և միջին մասնագիտական կրթության մասին» Հայաստանի Հանրապետության օրենքի 16-րդ հոդվածի 1-ին մասի 3-րդ կետը.

Հ Ր Ա Մ Ա Յ ՈՒ Մ  ԵՄ

1. Հայաստանի Հանրապետության կրթության և գիտության նախարարի 2010 թվականի հոկտեմբերի 1-ի «Ուսանողների (ունկնդիրների) մեկ մասնագիտական ուսումնական հաստատությունից այլ ուսումնական հաստատություն տեղափոխման կարգը հաստատելու մասին» N 1455-Ն  հրամանով  հաստատված հավելվածի.

• 6-րդ կետի 3-րդ պարբերությունում «տվյալ տարվա համար սահմանված ընդունելության տեղերի ընդհանուր թիվը պահպանվում է» բառերը փոխարինել «լիցենզիայով (գործունեության թույլտվության)  տվյալ մասնագիտությանը հատկացված տեղերի թիվը չի գերազանցում»:
• 9-րդ կետը շարադրել նոր բովանդակությամբ.

«9. Հաստատությունը` ուսանողին հրամանագրելուց հետո 3 աշխատանքային օրվա ընթացքում տեղեկատվությունը մուտքագրում է կրթության տեղեկատվական համակարգ, իսկ յուրաքանչյուր ուսումնական կիսամյակի ավարտից հետո 10 օրյա ժամկետում, Լիազոր մարմնին է ներկայացնում ուսանող(ներ)ի ուսանողական իրավունքի վերականգնման վերաբերյալ հաշվետվություն` նշելով ուսանողական իրավունքի վերականգնման հիմքը, կրթական ծրագիրը, կիսամյակը, ուսուցման ձևը, մասնագիտությունը:»:

• 10-րդ կետի 2-րդ պարբերությունը շարադրել նոր բովանդակությամբ.

«Տեղափոխման մասին ուսանողից դիմումն ընդունվում է ուսումնական կիսամյակը սկսելուն նախորդող երկու շաբաթների ընթացքում, իսկ այլ ժամկետում ուսանողի տեղափոխությունը կատարվում է ուսումնական հաստատության ներկայացմամբ և կրթության պետական կառավարման լիազորված մարմնի համաձայնությամբ` պահպանելով սույն կարգի պահանջները:»:

• 12-րդ կետի շարադրել նոր բովանդակությամբ.

 «12. Եթե Հաստատությունում ընդհանուր դիմորդների թիվը գերազանցում է տվյալ մասնագիտության գործունեության թույլտվությամբ (լիցենզիայով) հատկացված տեղերի թիվը, ապա դիմումների ընդունման ժամկետի ավարտից հետո 3 աշխատանքային օրվա ընթացքում անցկացվում է մրցույթ և առաջնահերթությունն ըստ հաջորդականության տրվում է՝

1) ակադեմիական արձակուրդից, մեկ տարուց ավելի տևողությամբ նպատակային արձակուրդից, ինչպես նաև պարտադիր զինվորական ծառայությունից վերադարձած անձին.

2) Հայաստանի Հանրապետության կրթության և գիտության նախարարի 2011 թվականի  դեկտեմբերի 5-ի «Նախնական մասնագիտական (արհեստագործական) և միջին մասնագիտական կրթական ծրագրեր իրականացնող ուսումնական հաստատություններում ուսումնառությունը անավարտ թողած անձի ուսանողական իրավունքի վերականգնման կարգը հաստատելու մասին» N 1278-Ն  հրամանով  դիմած անձին.

3) սույն կարգով դիմած անձին.

4) Հայաստանի Հանրապետության կրթության և գիտության նախարարի 2011 թվականի  մարտի 12-ի «Մեկից ավելի արհեստագործական և միջին մասնագիտական կրթություն ստանալու կարգը հաստատելու մասին» N 194-Ն հրամանով  դիմած անձին.

5) առավել քիչ ակադեմիական տարբերություն ունեցողին.

6) առավելագույն մասնագիտական ստաժ ունեցողին:

Հաստատության տնօրենը (ռեկտորը)` սույն կարգի պահանջներն ապահոված դիմորդներին՝ տալիս է ժամանակավոր հրաման, որին կցվում է ակադեմիական տարբերությունների ցանկը և դրանց մարման անհատական ժամանակացույցը` ուսանողին կցագրելով համապատասխան խմբում և թույլատրելով մասնակցելու ուսումնական պարապմունքներին:»:

                  ՆԱԽԱՐԱՐ՝                             Ժ. ԱՆԴՐԵԱՍՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2011 ԹՎԱԿԱՆԻ ԴԵԿՏԵՄԲԵՐԻ 5-Ի N 1278-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

  Հիմք ընդունելով «Նորմատիվ իրավական ակտերի մասին» օրենքի 34-րդ հոդվածի 1-ին և «Նախնական մասնագիտական (արհեստագործական) և միջին մասնագիտական կրթության մասին» ՀՀ օրենքի 21-րդ հոդվածի 3-րդ մասերը.

Հ Ր Ա Մ Ա Յ ՈՒ Մ  ԵՄ

1. Հայաստանի Հանրապետության կրթության և գիտության նախարարի 2011 թվականի դեկտեմբերի 5-ի «Նախնական մասնագիտական (արհեստագործական) և միջին մասնագիտական կրթական ծրագրեր իրականացնող ուսումնական հաստատություններում ուսումնառությունը անավարտ թողած անձի ուսանողական իրավունքի վերականգնման կարգը հաստատելու մասին» N 1278-Ն  հրամանով  հաստատված հավելվածը շարադրել նոր խմբագրությամբ՝ համաձայն հավելվածի:
2. Սույն հրամանի հավելվածի 32-րդ կետով հաստատաված փաստաթղթերի ներկայացումը և 42-րդ կետերով տեղեկատվության տրամադրումը իրականացնել 2024-2025 ուսումնական տարվանից էլեկտրոնայնին եղանակով՝ Մասնագիտական կրթության կառավարման տեղեկատվական համակարգի միջոցով:
3. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

                          ՆԱԽԱՐԱՐ՝                             Ժ. ԱՆԴՐԵԱՍՅԱՆ    

Հավելված

ՀՀ կրթության, գիտության,

մշակույթի և սպորտի նախարարի 

2023 թվականի -ի    -ի

թիվ    -Ն հրամանի

Կ Ա Ր Գ

ՆԱԽՆԱԿԱՆ ՄԱՍՆԱԳԻՏԱԿԱՆ (ԱՐՀԵՍՏԱԳՈՐԾԱԿԱՆ) ԵՎ ՄԻՋԻՆ ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ՈՒՍՈՒՄՆԱՌՈՒԹՅՈՒՆՆ ԱՆԱՎԱՐՏ ԹՈՂԱԾ ԱՆՁԻ ՈՒՍԱՆՈՂԱԿԱՆ ԻՐԱՎՈՒՆՔԻ ՎԵՐԱԿԱՆԳՆՄԱՆ

1. Սույն կարգով (այսուհետ` կարգ) սահմանվում է Հայաստանի Հանրապետության պետական և հավատարմագրված ոչ պետական նախնական մասնագիտական (արհեստագործական) և միջին մասնագիտական կրթական ծրագրեր իրականացնող ուսումնական հաստատություններում (այսուհետ` Հաստատություն) ուսումնառությունն անավարտ թողած անձի ուսանողական իրավունքի վերականգնման կարգը:
2. Ուսանողի ուսումնառությունը համարվում է անավարտ, եթե նա՝

1) Հայաստանի Հանրապետության օրենսդրությամբ սահմանված կարգով ստացել է ակադեմիական արձակուրդ.

2) սույն կարգին համապատասխան օգտվում է նպատակային արձակուրդից.

3) «Զինվորական ծառայության և զինծառայողի կարգավիճակի մասին» ՀՀ օրենքին համապատասխան ստացել է տարկետում և զորակոչվել է պարտադիր զինվորական ծառայության.

4) ազատվել կամ հեռացվել է Հաստատությունից.

5) Հանդիսանում է պետական հավատարմագրում չունեցող միջին մասնագիտական կրթության ավարտական փաստաթուղթ (դիպլոմ) ունեցող շրջանավարտ:

3. Հաստատության վերակազմակերպման կամ լուծարման համապատասխան որոշումն ուժի մեջ մտնելուց հետո 5 աշխատանքային օրվա ընթացքում, տվյալ հաստատության կողմից պարտադիր կերպով սովորողին տրվում է ազատման հրամանի պատճենը, հաստատության հետ կնքված պայմանագրի պատճենը, տեղեկանք ուսման վարձի վերաբերյալ, ակադեմիական տեղեկանք և հաստատություն ընդունվելու համար հիմք հանդիսացող նախորդ կրթական ծրագրի ավարտական փաստաթուղթը, եթե սովորողը կատարել է հաստատության նկատմամբ իր պայմանագրային պարտավորությունները (այդ թվում՝ ուսման վարձի մասով):
4. Հայաստանի Հանրապետության կրթության, գիտության, մշակույթի և սպորտի նախարարությունը (այսուհետ` նախարարություն) Հաստատության վերակազմակերպման կամ լուծարման համապատասխան որոշումն ուժի մեջ մտնելուց հետո 5 աշխատանքային օրվա ընթացքում հաստատում է այն հաստատությունների ցանկը, որոնցում կարող է կազմակերպվել սովորողների հետագա ուսումնառությունը:
5. Սովորողը փաստաթղթերը ստանալուց հետո` ոչ ուշ, քան 5 աշխատանքային օրվա ընթացքում, սույն կարգի 3-րդ կետում նշված փաստաթղթերը, ուսումնառությունը շարունակելու համար, ներկայացնում է նախարարության կողմից հաստատված Հաստատություն՝ իր ուսումնառած կամ հարակից մասնագիտությամբ:
6. Սույն կարգի 36-րդ կետով սահմանված սկզբունքներով չնդունված սովորողը կարող է 5 աշխատանքային օրվա ընթացքում դիմել ցանկով հաստատված այլ Հաստատություն:
7. Տվյալ կիսամյակում սովորողը հետագա ուսումնառության շարունակման համար 5-րդ կետով նախատեսված ժամկետներում չդիմելու դեպքում, հաջորդ ուսումնական տարվա կամ կիսամյակի ընթացքում սովորողի կրթության կազմակերպումը կարգավորվում է սույն կարգի պահանջներով:
8. Հաստատությունը սովորողի դիմումը ստանալուց հետո 5 աշխատանքային օրվա ընթացքում քննարկում է համապատասխան մասնագիտությամբ սովորողի ուսումնառության կազմակերպման մասին դիմումը` առաջնորդվելով սույն կարգի 22-24-րդ կետերի պահանջներով, և որոշում նրա ընդունման կուրսը (ըստ սովորողի դիմումում նշված ուսուցման ձևի` առկա կամ հեռակա) կամ մերժում սովորողին: Դիմումները ստանալուց հետո 5 աշխատանքային օրվա ընթացքում համապատասխան հաստատությունները նախարարություն են ներկայացնում տեղեկատվություն` սովորողի ուսումնառության կազմակերպման կամ սովորողին մերժելու հիմքերի մասին:
9. Հաստատությունում սովորողի հրամանագրման դեպքում նրա ուսման վարձի չափը չի կարող գերազանցել նախորդ Հաստատությունում ուսման վարձի չափից:
10. Վճարովի ուսուցման համակարգում սովորողի հրամանագրումը կատարվում է միայն անհրաժեշտ վճարումները կատարելուց հետո, հաստատության կողմից սահմանած կարգով և ժամկետներում:
11. Նախորդ հաստատությունում մինչև վերակազմակերպման կամ լուծարման համապատասխան որոշումն ուժի մեջ մտնելը ուսանողական նպաստի ձևով ուսման վարձի լրիվ փոխհատուցմամբ սովորողն այլ հաստատությունում ուսումնառությունը շարունակելիս պահպանում է այդ իրավունքը՝ վերականգնված հաստատությունից համապատասխան հայտի հիման վրա:
12. Պետական հավատարմագրում չունեցող միջին մասնագիտական կրթության ավարտական փաստաթուղթ (դիպլոմ) ունեցող շրջանավարտը (այսուհետ՝ շրջանավարտ), ով չունի վերջին 10 տարվա ընթացքում ուսումնառած մասնագիտության համապատասխան ոլորտի 3 կամ վերջին 3 տարվա ընթացքում 1 տարվա աշխատանքային ստաժ՝ կարող է իր ուսանողական իրավունքը վերականգնել իր ուսումնառած մասնագիտության ավարտական կուրսում` վճարովի հիմունքով, բացառությամբ Հայաստանի Հանրապետության օրենսդրությամբ սահմանված արտոնություն ունեցող ուսանողից:
13. Շրջանավարտը վերականգնման ընթացքում կարող է փոխել ուսումնառած մասնագիտությունը (մասնագիտացումը)` պահպանելով սույն կարգի 23-րդ կետով սահմանված սկզբունքները և 29-րդ կետով սահմանված պահանջները՝ նախընտրած մասնագիտությամբ առնվազն մեկ ուսումնական տարուց ոչ պակաս ուսումնառելու պայմանով:
14. Շրջանավարտը սույն կարգով սահմանված ժամկետում ուսանողական իրավունքը վերականգնելու մասին դիմումի հետ միասին ուսումնական հաստատություն է ներկայացնում սույն կարգի 32-րդ կետի 1-ին, 3-ից 5-րդ կետերով սահմանված փաստաթղթերը և պետական հավատարմագրում չունեցող միջին մասնագիտական կրթության ավարտական փաստաթուղթը (դիպլոմ) և նրա ներդիրը:
15. Շրջանավարտի ուսանողական իրավունքը վերականգնվում է պահպանելով սույն կարգի 29-րդ կետի 2-րդ ենթակետով սահմանված պահանջը:
16. ՀՀ աշխատանքային օրենսգրքով սահմանված նպատակային արձակուրդի տեսակներից սույն կարգում կիրառվում են հետևյալ տեսակները`

1) հղիության և ծննդաբերության արձակուրդ.

2) մինչև երեք տարեկան երեխայի խնամքի համար տրամադրվող արձակուրդ.

3) ժամանակավոր անաշխատունակության արձակուրդ:

17. Հղիության, ծննդաբերության և մինչև երեք տարեկան երեխայի խնամքի համար ուսանողին տրամադրվում է մինչև երեք տարի ժամկետով նպատակային արձակուրդ (համաձայն ուսանողի կողմից դիմումով ներկայացված ժամկետի):
18. Ակադեմիական կամ նպատակային արձակուրդում գտնվող, ինչպես նաև «Զինվորական ծառայության և զինծառայողի կարգավիճակի մասին» ՀՀ օրենքին համապատասխան տարկետում ստացած և պարտադիր զինվորական ծառայության զորակոչված ուսանողը Հաստատության տնօրենի (ռեկտորի) հրամանով ազատվում է ուսանողական պարտականությունների կատարումից` պահպանելով Հաստատությունում իր ուսման տեղը և ուսանողական իրավունքը:
19. Ակադեմիական արձակուրդից, հղիության և ծննդաբերության, մինչև 3 տարեկան երեխային խնամելու համար տրամադրվող նպատակային արձակուրդներից վերադարձած, ինչպես նաև պարտադիր զինվորական ծառայությունից զորացրված ուսանողն ուսումը շարունակում է նույն Հաստատությունում և նույն մասնագիտությամբ (մասնագիտացմամբ)` Հաստատություն վերադառնալու օրվան հաջորդող այն կիսամյակից և կրթական ծրագրի այն փուլից, որտեղից ուսումն անավարտ է թողել:
20. Ակադեմիական արձակուրդից, հղիության և ծննդաբերության, մինչև 3 տարեկան երեխային խնամելու համար տրամադրվող նպատակային արձակուրդներից և պարտադիր զինվորական ծառայությունից վերադարձած ուսանողը, իր ուսանողական իրավունքը վերականգնելու համար ուսումնական հաստատություն է դիմում վերադառնալուց հետո երկու շաբաթվա ընթացքում: Սահմանված ժամկետում չդիմելու դեպքում կորցնում է 18-րդ կետով սահմանված իր ուսման տեղը և ուսանողական իրավունքը:
21. Ակադեմիական կամ հղիության և ծննդաբերության, մինչև 3 տարեկան երեխային խնամելու համար տրամադրվող նպատակային արձակուրդից վերադարձած կամ պարտադիր զինվորական ծառայությունից զորացրված ուսանողի հետ երեք աշխատանքային օրվա ընթացքում կնքվում է նոր պայմանագիր, որի պայմանները ուսանողի համար չեն կարող լինել նվազ բարենպաստ, քան նախորդ պայմանագրի պայմաններն էին:
22. Հաստատությունում ուսանողական իրավունքը վերականգնած և այլ մասնագիտություն (մասնագիտացում) տեղափոխված անձի ուսումնառությունն իրականացվում է վճարովի հիմունքով, բացառությամբ Հայաստանի Հանրապետության օրենսդրությամբ սահմանված արտոնություն ունեցող ուսանողից, անվճար ուսուցման համակարգում ուսումնառած և ակադեմիական ու նպատակային արձակուրդից վերադարձած ուսանողից, ինչպես նաև այն դեպքերի, երբ տվյալ տարվա համար պետական կառավարման լիազորված մարմնի (այսուհետ` Լիազորված մարմին) կողմից Հաստատությանը հատկացվել են միայն անվճար տեղեր և առկա է թափուր տեղ:
23. Հաստատությունից ազատված կամ հեռացված անձը, ինչպես նաև վճարովի ուսուցման համակարգում ուսումնառած և ակադեմիական կամ նպատակային արձակուրդից, ինչպես նաև «Զինվորական ծառայության և զինծառայողի կարգավիճակի մասին» ՀՀ օրենքին համապատասխան տարկետումից վերադարձած ուսանողը կարող է իր ուսանողական իրավունքը վերականգնել և անավարտ թողած ուսումը շարունակել այն Հաստատությունում, որտեղ նա ուսումը անավարտ է թողել, կամ անձի ցանկությամբ անավարտ թողած կրթական ծրագրին համապատասխան կամ ավելի ցածր կրթական ծրագիր իրականացնող այլ Հաստատությունում` պահպանելով հետևյալ սկզբունքները.

1) նախընտրած մասնագիտության համապատասխան կիսամյակի սկզբից, եթե ուսումնառած և նախընտրած մասնագիտության համար սահմանված ուսումնական պլանների ակադեմիական տարբերությունները չեն գերազանցում 8 առարկան (կամ մոդուլները) կամ կրեդիտային համակրգի առկայության դեպքում՝ համապատասխան կրթական ծրագրով սահմանված կրեդիտների քանակը:

Նախընտրած մասնագիտության ուսումնական պլանով նախատեսված, սակայն ուսանողի կողմից չուսումնասիրված, չգնահատված առարկաները (մոդուլները) ու առարկաների (մոդուլների) ժամաքանակների 30 և ավելի տոկոս կազմող տարբերությունները համարվում են ակադեմիական տարբերություններ:

2) Ուսանողը ցանկության դեպքում կարող է չկրկնել ուսումնառած մասնագիտության ուսումնական պլանով նախատեսված առարկաները (մոդուլները), եթե դրանք համընկնում են նախընտրած մասնագիտության ուսումնական պլանի հետ: Այդ դեպքում ուսանողի ավարտական փաստաթղթում նշվում է նախկինում ստացած գնահատականը:

24. Եթե անվճար ուսուցման համակարգում ուսումնառած և ակադեմիական կամ նպատակային արձակուրդից, ինչպես նաև «Զինվորական ծառայության և զինծառայողի կարգավիճակի մասին» ՀՀ օրենքին համապատասխան տարկետումից վերադարձած ուսանողի ուսանողական իրավունքը վերականգնելիս Հաստատությունում իր ուսումնառած մասնագիտությամբ (մասնագիտացմամբ) համապատասխան խումբ չկա, ապա ուսանողական իրավունքը վերականգնվում է ուսանողի ընտրությամբ` նույն Հաստատությունում այլ մասնագիտությամբ (մասնագիտացմամբ) անվճար ուսուցման համակարգում` պահպանելով սույն կարգի 23-րդ կետով սահմանված սկզբունքները:
25. Հաստատությունում ուսանողը ուսումնառության ընթացքում կարող է փոխել իր մասնագիտությունը (մասնագիտացումը)` պահպանելով սույն կարգի 23-րդ կետով սահմանված սկզբունքները և 29-րդ կետով սահմանված պահանջները:
26. Միջին մասնագիտական կրթական ծրագրով հիմնական կրթության հիմքով ընդունված ուսանողին մասնագիտության (մասնագիտացման) փոփոխություն, որի դեպքում փոփոխվում է կրթության հիմքը, թույլատրվում է երրորդ կիսամյակը ավարտելուց հետո, եթե տվյալ կրթական ծրագրի իրականացման ժամկետները համապատասխանում են)` պահպանելով սույն կարգի 23-րդ կետով սահմանված սկզբունքները և 29-րդ կետով սահմանված պահանջները:
27. Մասնագիտության (մասնագիտացման) փոփոխություն ավարտական կուրսում արգելվում է:
28. Հաստատությունից հեռացված անձը իր ուսանողական իրավունքը վերականգնելու համար Հաստատություն կարող է դիմել հեռացման համար հիմք հանդիսացած հանգամանքը վերանալուց հետո:
29. Անձը կարող է իր ուսանողական իրավունքը վերականգնել հետևյալ պայմանների ապահովմամբ`

1) Հաստատությունից հեռացված անձի ուսանողական իրավունքը վերականգնվում է ուսումն անավարտ թողած կիսամյակի սկզբից,

2) ուսանողական իրավունքը վերականգնելու դեպքում պետք է պահպանվեն համապատասխան մասնագիտություններով և ուսուցման ձևով Լիազորված մարմնի կողմից լիցենզիայով (գործունեության թույլտվության)  տվյալ մասնագիտությանը հատկացված տեղերի թիվը, բացառությամբ՝ ակադեմիական արձակուրդից, մեկ տարուց ավելի տևողությամբ նպատակային արձակուրդից, ինչպես նաև պարտադիր զինվորական ծառայությունից վերադառնալու դեպքերի,

3) ազատված կամ հեռացված անձի ուսանողական իրավունքը սույն կարգի 23-րդ կետով սահմանված սկզբունքների համապատասխան վերականգնելու դեպքում այն չի համընկնում առաջին կիսամյակին:

30. Ուսանողական իրավունքը վերականգնելու համար դիմումը ներկայացվում է կիսամյակների ուսումնական պարապմունքները սկսելուն նախորդող և հաջորդող երկու շաբաթների ընթացքում` այն Հաստատության տնօրենին (ռեկտորին), որտեղ դիմողը ցանկանում է վերականգնել իր ուսանողական իրավունքը: Այլ ժամկետում ուսանողական իրավունքի վերականգնումը կատարվում է կրթության պետական կառավարման լիազորված մարմնի համաձայնությամբ:
31. Ուսման վճարը չվճարելու հիմքով հեռացված անձը ազատման/հեռացման հրամանի օրվանից հետո՝ 10 աշխատանքային օրվա ընթացքում ուսանողական իրավունքի վերականգնման դիմում ներկայացնելու և վարձավճարը վճարելու դեպքում կարող է շարունակել իր ուսումնառությունը, բացառությամբ այն դեպքերի, երբ այդ օրերը համընկնում են կիսամյակային քննաշրջանի հետ:
32. Ուսանողական իրավունքը վերականգնելու մասին դիմումին կցվում են Հաստատությունից ազատման կամ հեռացման հրամանի պատճենը, ակադեմիական տեղեկանքը և հետևյալ փաստաթղթերը՝

1) 4 լուսանկար (3x4 չափսի),

2) կրթության մասին փաստաթղթի բնագիրը կամ դրա նոտարական հաստատումով վավերացված պատճենը,

3) անձը հաստատող փաստաթուղթ (անձնագիր, կամ ծննդյան վկայական՝ մինչև 16 տարեկան դիմորդի համար, կամ զինվորական գրքույկ, կամ Հայաստանի Հանրապետության կառավարությանն առընթեր Հայաստանի Հանրապետության ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական),

4) կցագրման վկայական (զորակոչային տարիք ունեցող դիմորդից ընդունվում են զինհաշվառման փաստաթղթերում տարկետման իրավունք տվող համապատասխան նշումի կամ չզորակոչվելու պատճառը հաստատող այլ նշումների առկայության դեպքում, իսկ նախկինում առողջության պատճառով տարկետում ունեցողներից՝ Հանրապետական զորակոչային հանձնաժողովի նշումների առկայության դեպքում),

5) ՀՀ օրենսդրությամբ սահմանված արտոնության իրավունքը հաստատող փաստաթղթերը (դրանց առկայության դեպքում), որը Հաստատության տնօրենը (ռեկտորը) ուսանողներին հրամանագրելուց հետո՝ 2 աշխատանքային օրվա ընթացքում ներկայացնում է Լիազորված մարմնին,

6) աշխատանքային գործունեության կամ մասնագիտական աշխատանքի վերաբերյալ համապատասխան տեղեկանքը (դրա առկայության դեպքում):

33. Դիմումը(ները) ստանալուց հետո` 7 աշխատանքային օրվա ընթացքում Հաստատության տնօրենը (ռեկտորը)` սույն կարգի 23-րդ կետով սահմանված սկզբունքների և 29-րդ կետով սահմանված պահանջների ապահովման դեպքում՝ տալիս է ուսանողական իրավունքը վերականգնած ուսանողի ընդունման ժամանակավոր հրաման, որին կցվում է ակադեմիական տարբերությունների ցանկը և դրանց մարման անհատական ժամանակացույցը` ուսանողին կցագրելով համապատասխան խմբում և թույլատրելով մասնակցելու ուսումնական պարապմունքներին:
34. Ակադեմիական տարբերությունների հանձնման առավելագույն ժամկետը մեկ ամիս է: Հաստատությունը պարտավոր է անհրաժեշտ պայմաններ ստեղծել ուսանողի կողմից դասընթացների ծրագրային տարբերությունների ուսումնասիրման համար:
35. Սույն կարգի 23-րդ կետով սահմանված սկզբունքների և 29-րդ կետի պահանջների չպահպանման դեպքում՝ տնօրենի (ռեկտորի) կողմից պատճառաբանված մերժվում է դիմումը: Ուսումնառության ընդհատման տևողությունը ուսանողական իրավունքի վերականգնելու վերաբերյալ դիմումը մերժելու հիմք չէ:
36. Եթե Հաստատությունում ընդհանուր դիմորդների թիվը գերազանցում է տվյալ մասնագիտության գործունեության թույլտվությամբ (լիցենզիայով) հատկացված տեղերի թիվը, ապա դիմումների ընդունման ժամկետի ավարտից հետո 3 աշխատանքային օրվա ընթացքում անցկացվում է մրցույթ և առաջնահերթությունն ըստ հաջորդականության տրվում է՝

1) ակադեմիական արձակուրդից, մեկ տարուց ավելի տևողությամբ նպատակային արձակուրդից, ինչպես նաև պարտադիր զինվորական ծառայությունից վերադարձած անձին.

2) սույն կարգով դիմած անձին.

3) Հայաստանի Հանրապետության կրթության և գիտության նախարարի 2011 թվականի  դեկտեմբերի 5-ի «Ուսանողների (ունկնդիրների) մեկ մասնագիտական ուսումնական հաստատությունից այլ ուսումնական հաստատություն տեղափոխման կարգը հաստատելու մասին» N 1278-Ն  հրամանով  դիմած անձին.

4) Հայաստանի Հանրապետության կրթության և գիտության նախարարի 2011 թվականի  մարտի 12-ի «Մեկից ավելի արհեստագործական և միջին մասնագիտական կրթություն ստանալու կարգը հաստատելու մասին» N 194-Ն հրամանով  դիմած անձին.

5) առավել քիչ ակադեմիական տարբերություն ունեցողին.

6) առավելագույն մասնագիտական ստաժ ունեցողին:

37. Ակադեմիական տարբերությունների ցանկը և ուսանողի կողմից դրանց հանձնման անհատական ժամանակացույցը կազմվում է այն Հաստատության կողմից, որտեղ վերականգնվելու է ուսանողական իրավունքը:
38. Ակադեմիական տարբերությունների բացակայության կամ ակադեմիական տարբերությունները դրական հանձնելու դեպքում Հաստատության տնօրենը 3 աշխատանքային օրվա ընթացքում հրամանագրում է Հաստատությունում ուսանողական իրավունքը վերականգնած ուսանողին:
39. Ուսանողական իրավունքը վերականգնած ուսանողի հետ կնքվում է պայմանագիր, նրա համար կազմվում է նոր անձնական գործ, որտեղ ընդգրկվում են նաև սույն կարգի 32-րդ կետով նախատեսված փաստաթղթերը, իսկ ուսանողին տրվում է ուսանողական տոմս, առաջադիմության գրքույկ և նրա հետ կնքած պայմանագրի երկրորդ օրինակը:
40. Հայաստանի Հանրապետության պետական և հավատարմագրված ոչ պետական բարձրագույն ուսումնական հաստատություններից հեռացված կամ ազատված անձինք կարող են իրենց ուսանողական իրավունքը վերականգնել Հաստատությունում` սույն կարգի 29-րդ կետի պահանջների համաձայն:
41. Oտարերկրյա Հաստատությունում ուսումնառությունն անավարտ թողած անձի ուսանողական իրավունքը վերականգնվում է Հաստատությունում կրթության պետական կառավարման լիազորված մարմնի համաձայնությամբ` պահպանելով սույն կարգի 29-րդ կետով սահմանված պահանջները:
42. Հաստատությունը` ուսանողին հրամանագրելուց հետո 3 աշխատանքային օրվա ընթացքում տեղեկատվությունը մուտքագրում է կրթության տեղեկատվական համակարգ, իսկ յուրաքանչյուր ուսումնական կիսամյակի ավարտից հետո 10 օրյա ժամկետում Լիազորված մարմնին է ներկայացնում ուսանող(ներ)ի ուսանողական իրավունքի վերականգնման վերաբերյալ հաշվետվություն` նշելով ուսանողական իրավունքի վերականգնման հիմքը, կրթական ծրագիրը, կիսամյակը, ուսուցման ձևը, մասնագիտությունը և որակավորումը:»: