«Հայաստանի Հանրապետությունում ԱՏԳ ԱԱ 2204, 2205, 2206 00, 2207 և 2208 ծածկագրերին դասվող ապրանքների՝ Եվրասիական տնտեսական միության շրջանակներում նույնականացման միջոցներով դրոշմավորման կանոնները սահմանելու մասին» ՀՀ կառավարության որոշման նախագիծ

Առաջարկվող նախագծի 1-ին և 2-րդ կետերի մեջ ակնհայտ անհստակություն կա. հստակ չէ, թե հարկային օրենսգրքի 389-րդ հոդվածի 1-ին մասով սահմանված ԱՏԳ ԱԱ 2204, 2205, 2206 00, 2207 և 2208 ծածկագրերին դասվող` ակցիզային դրոշմանիշերով դրոշմավորման ենթակա ապրանքների դրոշմավորումը արդյո՞ք պետք է կատարվի հիմնական մոդելի համաձայն (1-ին կետ) թե՞ կարող է չդրոշմավորվել այդ մոդելի համաձայն (2-րդ կետ): Առաջարկում ենք հստակեցնել, թե կոնկրետ ո՞ր դեպքերում կարող են նշված ծածկագրերով ապրանքները դրոշմավորվել Հայաստանի Հանրապետության կառավարության 2017 թվականի հուլիսի 6-ի N773-Ն որոշման համաձայն, և ո՞ր դեպքերում պետք է պարտադիր դրոշմավորվեն հիմնական մոդելի համաձայն։