ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
ՙ ՚ ---------- 2023 թվականի N -Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՕԳՈՍՏՈՍԻ
22-Ի N 1091-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ
ԿԱՏԱՐԵԼՈՒ ՄԱՍԻՆ
Ղեկավարվելով «Զինվորական ծառայության և զինծառայողի կարգավիճակի մասին» օրենքի 65-րդ հոդվածի 2-րդ և «Նորմատիվ իրավական ակտերի մասին» օրենքի 33-րդ ու 34-րդ հոդվածների 1-ին մասերով` Հայաստանի Հանրապետության կառավարությունը որոշում է.
- Հայաստանի Հանրապետության կառավարության 2019 թվականի օգոստոսի 22-ի «Սպայական և ավագ ենթասպայական կազմերի պայմանագրային զինծառայողների կողմից բնակարանի կամ բնակելի տան ձեռքբերմանը կամ բնակելի տան կառուցմանը պետական աջակցության նպատակային ծրագիրը հաստատելու և Հայաստանի Հանրապետության պաշտպանության նախարարության համակարգի սպայական և ավագ ենթասպայական կազմերի պայմանագրային զինծառայողների կողմից բնակարանի կամ բնակելի տան ձեռքբերման կամ բնակելի տան կառուցման նպատակով մատչելի և արտոնյալ պայմաններով երկարաժամկետ հիփոթեքային վարկավորման կարգը և պայմանները սահմանելու մասին» N 1091-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները.
1) որոշման 1-ին հավելվածում՝
ա. 6-րդ կետը շարադրել հետևյալ խմբագրությամբ.
«6. Ծրագրի շրջանակում յուրաքանչյուր վարկառուի մասով ձեռք բերվող բնակարանի կամ բնակելի տան, կամ կառուցվող բնակելի տան արժեքի առավելագույն չափ է ընդունվում 28.500.000 դրամը և սույն ծրագրով սահմանված պայմանները գործում են այդ առավելագույն չափի նկատմամբ, իսկ պետության կողմից կանխավճարի աջակցության չափ է սահմանվում 2.500.000 դրամը:»,
բ. 6-րդ կետից հետո լրացնել 6.1-ին կետ՝ հետևյալ բովանդակությամբ.
«6.1. Բնակելի տուն կառուցելու նպատակով սույն ծրագիրը գործում է` զինծառայողի անվամբ սեփականության (համատեղ կամ բաժնային) իրավունքով գրանցված տնամերձ կամ բնակելի կառուցապատման հողամասում բնակելի տուն կառուցելու շինարարական թույլտվության առկայության դեպքում (կառուցումը կարող է իրականացվել նաև իրավաբանական անձ կամ անհատ ձեռնարկատեր հանդիսացող կառուցապատողի կողմից):»,
գ. 7-րդ կետի 1-ին ենթակետի «ա» և «բ» պարբերություններում «բնակարանի (բնակելի տան) ձեռքբերման պայմանագրային արժեքի 10 տոկոսը, սակայն ոչ ավելի, քան սույն կարգի 6-րդ կետում սահմանված առավելագույն արժեքի 10 տոկոսը» բառերը փոխարինել «2.500.000 դրամ» բառերով,
դ. 7-րդ կետի 1-ին ենթակետի «գ» պարբերությունում «կարող է կազմել բնակարանի (բնակելի տան) ձեռքբերման պայմանագրային արժեքի 10 տոկոսը, սակայն ոչ ավելի, քան սույն կարգի 6-րդ կետում սահմանված առավելագույն արժեքի 10 տոկոսը» բառերը փոխարինել «կազմում է 2.500.000 դրամ» բառերով,
ե. 7-րդ կետի 1-ին ենթակետի «դ» պարբերությունը շարադրել հետևյալ խմբագրությամբ.
«դ. անհատական բնակելի տան կառուցման դեպքում պետության կողմից ֆինանսավորվում է 2.500.000 դրամ, իսկ վարկը տրամադրվում է կառուցվող անհատական բնակելի տան կառուցապատման արժեքի (նախահաշվի) մինչև 80 տոկոսի չափով՝ առանձին փուլերով, կամ միանվագ, երբ վարկը միանվագ տրամադրվում է և սառեցվում է բանկային հաշվին, ընդ որում, փուլերով տրամադրման դեպքում վերջին փուլի գումարը չի կարող գերազանցել վարկի գումարի 20%-ը։ Սառեցվող գումարը բաց է թողնվում փուլային տարբերակով` առնվազն 3 փուլով, յուրաքանչյուր փուլում բաց թողնվող գումարի չափը չգերազանցելով 40%-ը, իսկ կառուցապատումն ավարտին հասցնելու համար սահմանվում է վարկի տրամադրումից առավելագույնը 2 տարի ժամկետ։ Այլ բնակելի անշարժ գույքի գրավադրման դեպքում տրամադրվող հիփոթեքային վարկի գումարը չի կարող գերազանցել գրավադրված բոլոր անշարժ գույքերի արժեքի 70 տոկոսը.»,
զ. 7-րդ կետի 2-րդ ենթակետի «ա» պարբերության առաջին նախադասությունում «7» և «3» թվերը փոխարինել համապատասխանաբար «11» և «5» թվերով, իսկ երրորդ նախադասությունն ուժը կորցրած ճանաչել,
է. 7-րդ կետի 2-րդ ենթակետի «բ» և «գ» պարբերությունների առաջին նախադասություններում «վարկի առավելագույն տոկոսադրույքը չի կարող գերազանցել «Ազգային հիփոթեքային ընկերություն» ՎՎԿ» փակ բաժնետիրական ընկերության կողմից տրամադրված վերաֆինանսավորման վարկի տոկոսադրույք գումարած առավելագույնը 2 տոկոսային կետը, ընդ որում» բառերը փոխարինել «՝ առավելագույնը 13 տոկոս, որից պետության կողմից սուբսիդավորվում է վարկի տոկոսադրույքից՝ 5 տոկոսային կետը» բառերով,
ը. 7-րդ կետի 2-րդ ենթակետի «գ» պարբերության երրորդ նախադասության վերջում միջակետը փոխարինել վերջակետով և պարբերությունը լրացնել նոր նախադասությամբ՝ հետևյալ բովանդակությամբ.
«Մինչև վարկի վերաֆինանսավորման վերաբերյալ որոշման կայացումը վարկառուի կողմից լրիվ վճարված տոկոսավճարների մասով իրականացվում է սուբսիդավորման գումարների վերահաշվարկ` վարկի վերաֆինանսավորման վերաբերյալ որոշման կայացման պահին նախորդող ժամանակահատվածի համար, ընդ որում` սուբսիդավորման տրամադրումը կատարվում է միանվագ կարգով, որի դեպքում այդ գումարները շահառուի համար չեն համարվում եկամուտ և չեն հարկվում.»,
թ. 7-րդ կետի 5-րդ ենթակետում «՝ բացառությամբ ապահովագրությունների գծով գանձվող սպասարկման վճարների» բառերը հանել,
ժ. 7-րդ կետի 6-րդ ենթակետի «ա» և «բ» պարբերություններում «ծրագրի շրջանակում» բառերից հետո լրացնել «՝ ծրագրի բոլոր պահանջներին համապատասխան և ծրագրով սահմանված կարգով» բառերը,
ժա. 7-րդ կետի 6-րդ ենթակետի վերջում վերջակետը փոխարինել միջակետով և կետը լրացնել 7-րդ ենթակետով՝ հետևյալ բովանդակությամբ.
«7) սույն կետի 6-րդ ենթակետում նշված ընկերությունները սույն ծրագրի շրջանակում համագործակցում են Հայաստանի Հանրապետության տարածքում գործող բանկերի և վարկային կազմակերպությունների հետ:»,
ժբ. 8-րդ կետի 1-ին և 4-րդ ու 9-րդ կետի 1-ին ենթակետերում «ժամանակ» բառից հետո լրացնել «կամ հակառակորդի նախահարձակ գործողության հետևանքով» բառերը,
ժգ. 12-րդ կետի երկրորդ նախադասությունում «պաշտոնի» բառից հետո լրացնել «, բացառությամբ ընտանիքի՝ զինծառայող հանդիսացող այն անդամի, որն օրենքով սահմանված զինծառայողների բնակարանային ապահովության շրջանակներում ստացել է բնակարանային պայմանների բարելավում» բառերը,
ժդ. 12-րդ կետի երրորդ նախադասությունում «մարմին» բառը փոխարինել «մարմնի անձնակազմի հաշվառում վարող կադրային ստորաբաժանումը» բառերով.
2) որոշման 2-րդ հավելվածում.
ա. 6-րդ կետում «ստորաբաժանումը,» բառից հետո լրացնել «դիմումի տրման օրվան նախորդող 5 տարվա ընթացքում ռազմաուսումնական հաստատություն ավարտած լինելու դեպքում՝ ավարտելու տարեթիվը,» բառերը, իսկ «կապը)» բառից հետո լրացնել «, ամուսնացած լինելու դեպքում՝ զինծառայողի ամուսնու անունը, հայրանունը և ազգանունը» բառերը,
բ. 6-րդ կետի 1-ին ենթակետում «անդամների» բառից հետո լրացնել «, ամուսնացած լինելու դեպքում՝ զինծառայողի ամուսնու» բառերը, իսկ «վկայականի» բառից հետո լրացնել «, ամուսնության կամ ամուսնալուծության վկայականի, իսկ դիմումի տրման օրվան նախորդող 5 տարվա ընթացքում ռազմաուսումնական հաստատություն ավարտած լինելու դեպքում՝ դիպլոմի» բառերը,
գ. ուժը կորցրած ճանաչել 10.1-ին կետի երկրորդ և երրորդ նախադասությունները,
դ. 11-րդ կետում «մարմին» բառը փոխարինել «ստորաբաժանում» բառով:
2. Սահմանել, որ՝
1) սույն որոշման 1-ին կետի 1-ին ենթակետի «զ» և «է» պարբերությունների գործողությունը տարածվում է նաև մինչև սույն որոշումն ուժի մեջ մտնելը Հայաստանի Հանրապետության կառավարության 2019 թվականի օգոստոսի 22-ի N 1091-Ն որոշմամբ սահմանված ծրագրի շրջանակներում կնքված հիփոթեքային վարկավորման պայմանագրերի վրա՝ վարկառուի և վարկատու կազմակերպության փոխադարձ համաձայնությամբ՝ Հայաստանի Հանրապետության կառավարության 2019 թվականի օգոստոսի 22-ի N 1091-Ն որոշման 1-ին հավելվածի 7-րդ կետի 1-ին ենթակետի «ա» կամ «բ» կամ «գ» պարբերությունների շրջանակներում կնքված հիփոթեքային վարկավորման պայմանագրում փոփոխություններ կատարելու միջոցով.
2) սույն որոշման 1-ին կետի 1-ին ենթակետի «ը» պարբերության գործողությունը տարածվում է նաև մինչև սույն որոշումն ուժի մեջ մտնելը Հայաստանի Հանրապետության կառավարության 2019 թվականի օգոստոսի 22-ի N 1091-Ն 1-ին հավելվածի 7-րդ կետի 1-ին ենթակետի «դ» պարբերության շրջանակներում կնքված հիփոթեքային վարկավորման պայմանագրերի վրա.
3) մինչև սույն որոշումն ուժի մեջ մտնելը Հայաստանի Հանրապետության կառավարության 2019 թվականի օգոստոսի 22-ի N 1091-Ն որոշման 1-ին հավելվածի 7-րդ կետի 1-ին ենթակետի «ա» պարբերության շրջանակներում կնքված հիփոթեքային վարկավորման պայմանագրի շրջանակում կնքված վարկի ապահովագրության պայմանագրի գործողությունը և դրա սպասարկման համար սահմանված վճարների գանձումը դադարում է, եթե վարկառուն դիմում է ներկայացնում վարկատու կազմակերպությանը՝ դիմումի ներկայացման օրվա դրությամբ վարկի մայր գումարի մնացորդի նկատմամբ վարկի տարեկան տոկոսադրույքը 7.5 տոկոս սահմանելու առաջարկությամբ, որը հիմք է Հայաստանի Հանրապետության կառավարության 2019 թվականի օգոստոսի 22-ի N 1091-Ն որոշմամբ սահմանված ծրագրի շրջանակներում կնքված հիփոթեքային վարկավորման պայմանագրում փոփոխություններ կատարելու համար, իսկ կնքված վարկի ապահովագրության պայմանագրի գործողությունը և դրա սպասարկման համար սահմանված վճարների գանձումը դադարում է փոփոխված հիփոթեքային վարկավորման պայմանագրի կնքման օրվանից: Սույն ենթակետում նախատեսված դեպքում պետության կողմից վարկի տոկոսագումարի սուբսիդավորման չափը չի փոխվում, ինչպես նաև վարկառուի վրա տարածվում է Հայաստանի Հանրապետության կառավարության 2019 թվականի օգոստոսի 22-ի N 1091-Ն որոշման 1-ին հավելվածի 7-րդ կետի 2-րդ ենթակետի «ա» պարբերության չորրորդ նախադասությունում սահմանված իրավունքը:»:
- 3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հայաստանի Հանրապետության
վարչապետ Ն. Փաշինյան
2023 թ.
Երեւան