2 - Agree
4 - Disagree
Ներկայում կրթության կազմակերպման մանկավարժահոգեբանական աջակցության ծառայությունները տրամադրվում են ՀՀ կրթության և գիտության նախարարի 2017 թվականի ապրիլի 13-ի N 370-Ն հրամանով սահմանված կարգով: Կուտակված փորձառությունը թույլ է տալիս գնահատել համակարգի խնդիրները և առաջարկել մոտեցումներ, որոնք հնարավորություն կտան բարելավելու կրթության առանձնահատուկ պայմանների կարիք ունեցող երեխաներին տրամադրվող կրթական ծառայությունների որակը՝ նպաստելով իրական ներառմանը։ Խոսքը, մասնավորապես, տարբեր մակարդակներում գործառույթների և պատասխանատվությունների հստակ բաշխման, կրթական առանձնահատուկ պայմանների կարիքի առավել հասցեական սահմանման և գնահատման, գործընթացի թվայնացման, մոնիտորինգի և գնահատման մեխանիզմների ներդրման մասին է։
Նախագծով առաջարկվող փոփոխություններն ուղղված են նաև ներառական կրթությանը վերաբերող դրույթներում առավելապես կրթական քաղաքականությունն ուղղորդելու և բժշկական մոտեցումներից խուսափելու սկզբունքի հետևողական կիրառմանը։ Առավել ամբողջական մոտեցմանն է ուղղված մյուս փոփոխությունը, ըստ որի՝ կրթության առանձնահատուկ պայմանների կարիքի գնահատման գործընթացը դիտարկում է որպես մանկավարժահոգեբանական աջակցության ծառայությունների տրամադրման մաս:
Իրավական ակտի գործարկման արդյունքում հնարավոր կլինի առավել արդյունավետ իրականացնել կրթության առանձնահատուկ պայմանների կարիք ունեցող երեխաների կրթության կազմակերպման գործընթացը` ապահովելով յուրաքանչյուր երեխայի համար մատչելի և հասանելի կրթության հնարավորություն:
Discussed
06.10.2022 - 21.10.2022
Type
Order
Area
Education and science
Ministry
Ministry of Education, Science, Culture and Sport
Views 5609
Print18.10.2022
Ելնելով կարգի 34 կետից` կարո՞ղ ենք ասել, որ դպրոցներում բացի հոգեբանից պետք է լինի նաև սոցիալական մանկավարժ։ Եթե այո, ապա այս կարգի և հանրակրթական ուսումնական հաստատությունների ֆինանսավորման նոր կարգի միջև կլինի օրենսդրական հակասություն, քանի որ այնտեղ միայն հոգեբանի հաստիքն է ֆիքսված։ Եթե ոչ,ապա ինչու՞ եք շեշտել սոցիալական մանկավարժի մասնակցությունը, եթե ուսումնական հաստատությունում չպետք է լինի սոցիալական մանկավարժի հաստիք։ Կխնդեմ խելամիտ հիմնավորում տալ։