<<2017 թվականի ձմեռային զորակոչը կազմակերպելու մասին>>

Տ Ե Ղ Ե Կ Ա Ն Ք  - Հ Ի Մ Ն Ա Վ Ո Ր Ո Ւ Մ

<>

ՀՀ կառավարության որոշման նախագծի ընդունման

1. Անհրաժեշտությունը:

     Սույն որոշման ընդունումը պայմանավորված է <<Զինապարտության մասին>> ՀՀ օրենքի 11-րդ և <<Այլընտրանքային ծառայության մասին>> ՀՀ օրենքի 6-րդ հոդվածների և <> Հայաստանի Հանրապետության Նախագահի 2017 թվականի ----- ---ի N ՆՀ----Ն հրամանագրի կատարմամբ:

2. Ընթացիկ իրավիճակը և խնդիրները, իրականացվող քաղաքականությունը:

   <<Զինապարտության մասին>> ՀՀ օրենքի 11-րդ հոդվածի համաձայն` պարտադիր զինվորական ծառայության են զորակոչվում 18-ից մինչև 27 տարեկան արական սեռի զորակոչիկները, որի հիման վրա շարքային կազմի զորակոչը և զորացրումը կատարվում է Հանրապետության Նախագահի հրամանագրով` տարին երկու անգամ, իսկ զորակոչի ենթակա շարքային կազմի թվաքանակը և զորակոչի անցկացման ու կազմակերպման գործընթացը սահմանում է ՀՀ կառավարությունը:

3. Կարգավորման նպատակը և բնույթը:

    ՀՀ կառավարության որոշման նախագծով նախատեսվում է կարգավորել 2017 թվականի ձմեռային զորակոչի պատշաճ կազմակերպման ու անցկացման գործընթացը:

4. Նախագծի մշակման գործընթացում ներգրավված ինստիտուտները և անձինք:

   ՀՀ կառավարության որոշման նախագիծը մշակվել է ՀՀ զինված ուժերի գլխավոր շտաբի և ՀՀ պաշտպանության նախարարության համակարգի այլ կառուցվածքային ստորաբաժանումների կողմից ներկայացված առաջարկությունների հիման վրա:

5. Ակնկալվող արդյունքը:

   Նախագծի ընդունմամբ ակնկալվում է կարգավորել 2017 թվականի հոկտեմբեր–2018 թվականի հունվար ամիսների ընթացքում Հայաստանի Հանրապետությունում ձմեռային զորակոչի  սահմանված կարգով անցկացման հետ կապված հարաբերությունները, ինչպես նաև Հայաստանի Հանրապետության վարչատարածքային միավորներում ձմեռային զորակոչի անցկացման աշխատանքների համակարգումը:

Տ Ե Ղ Ե Կ Ա Ն Ք

<>

ՀՀ կառավարության որոշման նախագծի ընդունման կապակցությամբ այլ իրավական ակտերում փոփոխություններ կամ լրացումներ կատարելու մասին

1. Այլ իրավական ակտերում փոփոխություններ և/կամ լրացումների անհրաժեշտությունը

    <> ՀՀ կառավարության որոշման նախագծի ընդունման կապակցությամբ այլ իրավական ակտերում փոփոխություններ կամ լրացումներ կատարելու անհրաժեշտություն չի առաջանում:

2. Միջազգային պայմանագրերով ստանձնած պարտավորությունների հետ համապատասխանությունը

      Որոշման նախագծով կարգավորմանն առաջարկվող հարցերի մասով միջազգային պայմանագրերով պարտավորություններ չեն ստանձնվել:

Տ Ե Ղ Ե Կ Ա Ն Ք

<>

ՀՀ կառավարության որոշման նախագծի ընդունման կապակցությամբ պետական բյուջեում ծախսերի և եկամուտների ավելացման կամ նվազեցման մասին