«Ազգային արխիվի Տավուշի մարզային մասնաճյուղի, Արարատի և Թումանյանի տարածքային ներկայացուցչությունների գործունեությունը դադարեցնելու և Հայասատանի Հանրապետության կառավարության 2002 թվականի օգոստոսի 22-ի N1406-Ն որոշման մեջ փոփոխություններ կատարելու մասին» Հայաստանի Հանրապետության կառավարության որոշում

Հ Ի Մ Ն Ա Վ Ո Ր ՈՒ Մ

«Հայաստանի ազգային արխիվ» պետական ոչ առևտրային կազմակերպության Տավուշի մարզային մասնաճյուղի, Արարատի և Թումանյանի տարածքային ներկայացուցչությունների գործունեությունը դադարեցնելու և Հայսատանի Հանրապետության կառավարության 2002 թվականի օգոստոսի 22-ի N 1406-Ն որոշման մեջ փոփոխություններ կատարելու մասին» Հայաստանի Հանրապետության կառավարության որոշման նախագծի ընդունման անհրաժեշտության

1. Կարգավորման ենթակա ոլորտի կամ խնդրի սահմանումը.

«Հայաստանի ազգային արխիվ» պետական ոչ առևտրային կազմակերպության (այսուհետ՝ Ազգային արխիվ) տարածքային ստորաբաժանումների ծանրաբեռնվածության անհամամասնությունից ելնելով, ինչպես նաև նպատակ ունենալով արդյունավետ բաշխել Ազգային արխիվի ռեսուրսները՝ անհրաժեշտություն է առաջացել իրականացնել տարածքային ստորաբաժանումների վերակազմավորման մի շարք աշխատանքներ:

2. Առկա իրավիճակը

Ազգային արխիվն ունի 11 մարզային մասնաճյուղ, որոնցից 9-ը տեղաբաշխված են պետության, 1-ը համայնքի, 1-ը իրավաբանական անձի սեփականություն համարվող շենքերում, 21 տարածքային ներկայացուցչություն, որոնցից 4-ը՝ պետության, 15-ը՝ համայնքի, 2-ը՝ ֆիզիկական և իրավաբանական անձանց սեփականություն համարվող շենքերում։

Համայնքային տարածքները տրամադրված են անհատույց օգտագործման իրավունքով, իսկ ֆիզիկական և իրավաբանական անձանց տարածքները՝ վարձակալության:

Ընդորում Տավուշի մարզային մասնաճյուղը և Թումանյանի տարածքային ներկայացուցչությունը տեղաբաշխված են իրավաբանական անձանց սեփականություն համարվող շենքերում, իսկ Արարատի ներկայացուցչությունը ֆիզիկական անձի սեփականություն համարվող շենքում, որոնք հանձնված են վարձակալության իրավունքով:

Նշված ստորաբաժանումների կողմից վարձակալվող շենքերը գտնվում են ոչ բարվոք վիճակում և նման պայմաններում շենքի շահագործումը և փաստաթղթերի պահման համար անհրաժեշտ չափորոշիչների պահպանման ապահովումը պահանջում է մեծ ռեսուրսներ:

Հարկ է նշել նաև, որ 2021 թվականի մարտի 13-ից Տավուշի մարզկենտրոն Իջևան քաղաքում ՀՀ Արդարադատության նախարարության կողմից գործարկվել է Հանրային ծառայությունների միասնական գրասենյակը, որտեղ ներկայումս աշխատում է Ազգային արխիվի աշխատակիցը՝ իրականացնելով Ազգային արխիվին վերաբերող հարցերով քաղաքացիների սպասարկում, ինչի պարագայում վերանում է Տավուշի մարզային մասնաճյուղի գործունեության անհրաժեշտությունը:

Ըստ մարզերի և տարածաշրջանների, գոյություն ունի շահառուների քանակի և դրանով պայմանավորված աշխատանքային ծանրաբեռնվածության հսկայական անհամամասնություն։

Ազգային արխիվի տարածքային ստորաբաժանումների կողմից ծառայությունների մատուցման ծավալը 2021 թվականի առաջին եռամսյակի

Ստացվում է նշված ժամանակահատվածում յուրաքանչյուր տարածքային ստորաբաժանման համար անձամբ ներկայացած շահառուների միջինացված թիվը կազմում է մոտավորապես 44, իսկ տրամադրվող տեղեկանքների թիվը՝ 312: 

Մինչդեռ նշված ժամանակահատվածում

ա/Տավուշի մարզային մասնաճյուղը սպասարկել է 23 քաղաքացու և կազմել է 234 տեղեկանք,

բ/ Արարատի տարածքային ներկայացուցչությունը սպասարկել է 8 քաղաքացու և կազմել է 264տեղեկանք,

գ/ Թումանյանի տարածքային ներկայացուցչությունը՝ սպասարկել է 16 քաղաքացու և կազմել է 204 տեղեկանք,

Համեմատության համար կարող ենք նշել նաև, որ նշված ժամանակահատվածում օրինակ Շիրակի մարզային մասնաճյուղը սպասարկել է 86 քաղաքացու և կազմել է 887 տեղեկանք, Սյունիքի մարզային մասնաճյուղը սպասարկել է 49 քաղաքացու և կազմել է 282 տեղեկանք,Կոտայքի մարզային մասնաճյուղը սպասարկել է 40 քաղաքացու և կազմել է 504 տեղեկանք, իսկ Աբովյանի տարածքային ներկայացուցչությունը սպասարկել է 165 քաղաքացու և կազմել է 704 տեղեկանք, Մարտունու տարածքային ներկայացուցչությունը սպասարկել է 71 քաղաքացու և կազմել է 502 տեղեկանք:

Համեմատելով այլ մարզային մասնաճյուղերի և տարածքային ներկայացուցչությունների հետ՝ կարող ենք հասկանալ, որ գոյություն ունի անհամամասնություն աշխատողների ամսական ծանրաբեռնվածության ծավալներում։

3. Կարգավորման նպատակները, ակնկալվող արդյունքը.

1) կրճատել տարածքային ստորաբաժանումների չծանրաբեռնված կարողությունները,

2) հարկ եղած դեպքում դադարեցնել այն ստորաբաժանումների գործունեությունը, որոնք գործում են սահմանված չափորոշիչներից շատ ցածր արդյունքով,

3) արդյունավետ օգտագործել հաստիքային միավորները,

4) կրճատել Ազգային արխիվի ծախսերը վարձակալական և այլ վճարների մասով,

5) կրճատված ծախսերի հաշվին ապահովել աշխատողների աշխատավարձի բարձրացում.

4. Իրավական ակտի նախագիծը մշակող պատասխանատու մարմինը, ինչպես նաև, անհրաժեշտության դեպքում, նախաձեռնողի, հեղինակների և մշակմանը մասնակցող անձանց մասին տեղեկություններ.

Նախագիծը մշակվել է Արդարադատության նախարարության և Ազգային արխիվի կողմից:

5. Նախագծերի ընդունման կապակցությամբ պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին.

«Ազգային արխիվի Տավուշի մարզային մասնաճյուղի, Արարատի և Թումանյանի տարածքային ներկայացուցչությունների գործունեությունը դադարեցնելու և Հայասատանի Հանրապետության կառավարության 2002 թվականի օգոստոսի 22-ի N1406-Ն որոշման մեջ փոփոխություններ կատարելու մասին» Հայաստանի Հանրապետության կառավարության որոշման նախագծի ընդունման կապակցությամբ Հայաստանի Հանրապետության պետական բյուջեում ծախսերի և եկամուտների ավելացումներ կամ նվազեցումներ չեն նախատեսվում: