«Սյունիքի մարզի երեխայի և ընտանիքի աջակցության կենտրոն» պետական ոչ առևտրային կազմակերպություն ստեղծելու, գույք հետ վերցնելու և գույք ամրացնելու և Հայաստանի Հանրապետության կառավարության 2017 թվականի սեպտեմբերի 22-ի N 1398-Ն որոշումն ուժը կորցրած ճանաչելու մասին Հայաստանի Հանրապետության կառավարության որոշման նախագծի (այսուհետ` նախագիծ) մշակումը բխում է նախարարության որդեգրած ապաինստիտուցիոնալացման քաղաքականության հրամայականից՝ ստեղծել երեխաների խնամքի այլընտրանքային ծառայություններ, խնամքի կարիք ունեցող երեխաների հետագա խնամքն ընտանեկանին մոտ պայմաններում կազմակերպելու համար:
Սույն նախագծի ընդունմամբ Սյունիքի մարզում կստեղծվի «Սյունիքի մարզի երեխայի և ընտանիքի աջակցության կենտրոն» պետական ոչ առևտրային կազմակերպություն, որը կիրականացնի կյանքի դժվարին իրավիճակում հայտնված 0-ից մինչև 18 տարեկան երեխաների՝ առավելագույնը 6 ամիս ժամկետով շուրջօրյա աջակցությունն ու խնամքը (50 երեխա), ինչպես նաև կյանքի դժվարին իրավիճակում հայտնված 2-ից մինչև 18 տարեկան երեխաների առավելագույնը 1 տարի ժամկետով ցերեկային աջակցության ծառայություններ (100 երեխա)՝ ստեղծելով պայմաններ երեխաներին հասարակություն ներառման համար, օժանդակելու սոցիալական և առողջական խնդիրների լուծմանը, կանխարգելելու կյանքի դժվարին իրավիճակը:
Discussed
02.12.2020 - 17.12.2020
Type
Decision
Area
Social welfare
Ministry
Ministry of Labor and Social Affairs
Status
Views 7563
Print02.12.2020
Նախագծի 2-րդ կետի 1-ին ենթակետի 1-ին պարբերության «իրավիճակը» բառը փոխարինել «իրավիճակում հայտնվելը» բառերով։
02.12.2020
Նախագծի 2-րդ կետի 1-ին ենթակետի 2-րդ պարբերությունից հանել «կանխարգելիչ» բառը։
02.12.2020
Նախագծի 2-րդ կետի 2-րդ ենթակետի «ռիսկի գոտում հայտնված» բառերը փոխարինել «կյանքի դժվարին իրավիճակում հայտնվելու վտանգի (ռիսկի) ներքո գտնված» բառերով կամ հստակեցնել, թե ինչ ռիսկի մասին է խոսքը։
