ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ԴԵԿՏԵՄԲԵՐԻ 26-Ի N1919-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2020 ԹՎԱԿԱՆԻ ՊԵՏԱԿԱՆ ԲՅՈՒՋԵՈՎ ՆԱԽԱՏԵՍՎԱԾ ՀԱՏԿԱՑՈՒՄՆԵՐԻ ՀԱՇՎԻՆ ԱՂԵՏԻ ԳՈՏՈՒ ԲՆԱԿԱՎԱՅՐԵՐՈՒՄ ԵՐԿՐԱՇԱՐԺԻ ՀԵՏԵՎԱՆՔՈՎ ԱՆՕԹԵՎԱՆ ՄՆԱՑԱԾ ԸՆՏԱՆԻՔՆԵՐԻ ԲՆԱԿԱՐԱՆԱՅԻՆ ԱՊԱՀՈՎՄԱՆ ՊԵՏԱԿԱՆ ԱՋԱԿՑՈՒԹՅԱՆ ՄԻՋՈՑԱՌՈՒՄՆԵՐԸ ՀԱՍՏԱՏԵԼՈՒ ՄԱՍԻՆ

4 - Agree
0 - Disagree

ՀԻՄՆԱՎՈՐՈՒՄ

«Հայաստանի Հանրապետության կառավարության 2019 թվականի դեկտեմբերի 26-ի N1919-Ն որոշման մեջ լրացումներ և փոփոխություններ կատարելու, Հայաստանի Հանրապետության 2020 թվականի պետական բյուջեով

նախատեսված հատկացումների հաշվին աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային ապահովման պետական աջակցության միջոցառումները հաստատելու մասին»

ՀՀ կառավարության որոշման նախագծի ընդունման

1. Կարգավորման ենթակա ոլորտի կամ խնդրի սահմանումը

Որոշման նախագիծը մշակվել է՝ հիմք ընդունելով ՀՀ կառավարության 2019 թվականի մայիսի 16-ի N650-Լ որոշման 1-ին կետով հաստատված՝ Հայաստանի Հանրապետության կառավարության 2019-2023 թվականների գործունեության միջոցառումների ծրագրի կատարումն ապահովող միջոցառումների ցանկի 369.1 կետը և պայմանավորված է աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման նպատակով պետական աջակցությամբ իրականացավող բնակապահովման ծրագրի (այսուհետ՝ Ծրագիր) շարունակական իրականացման և ավարտման համար ՀՀ 2020 թվականի պետական բյուջեով նախատեսված հատկացումների հաշվին իրականացվելիք միջոցառումներն ամրագրելու անհրաժեշտությամբ:

2. Առկա իրավիճակը

Ծրագրի շրջանակներում ՀՀ Շիրակի, Լոռու և Արագածոտնի մարզերի բնակավայրերում շահառու ճանաչված 5405 ընտանիքից (ներառում է նաև բնակարանային պայմանների բարելավման իրավունքը վերականգնած ընտանիքների թիվը) 2008-2017 թվականներին՝ մոտ 65 մլրդ. դրամ միջոցների հաշվին, լուծվել է 4839 ընտանիքի բնակարանային խնդիր:

ՀՀ 2018 թվականի պետական բյուջեով հատկացված 560.0 մլն. դրամի հաշվին՝ ՀՀ կառավարության 2018 թվականի նոյեմբերի 22-ի N1339-Ն որոշման համաձայն, ներկայումս լուծման ընթացքում է գտնվում ՀՀ Լոռու մարզի գյուղական բնակավայրերի 44 ընտանիքի բնակարանային խնդիր, իսկ տնտեսված միջոցների հաշվին կառուցման փուլում է գտնվում ևս 7 ընտանիքի բնակարանային խնդիր:

ՀՀ 2019 թվականին հատկացված 1,851.6 մլն. դրամի հաշվին լուծման փուլում է գտնվում 288 ընտանիքի խնդիր, որից ՀՀ 2019 թվականի պետական բյուջեով Ծրագրի իրականացման համար նախատեսված 560.0 մլն դրամի հաշվին 61, իսկ ՀՀ կառավարության պահուստային ֆոնդի հաշվին հատկացված 1,291.6 մլն. դրամի հաշվին՝ 227 ընտանիքի բնակարանային խնդիր:

Արդյունքում, դեռևս լուծման կարիք ունի 228 ընտանիքի բնակարանային խնդիրը, որը՝ ՀՀ կառավարության 2019 թվականի մայիսի 16-ին կայացած նիստում հավանության արժանացած՝ ՀՀ կառավարության 2019-2023 թվականների գործունեության միջոցառումների ծրագրի համաձայն, նախատեսված է լուծել 2020 թվականին:

3. Կարգավորման նպատակները, ակնկալվող արդյունքը

Նախագծի նպատակն է ամրագրել Ծրագրի շարունակական իրականացման և ավարտման համար ՀՀ 2020 թվականի պետական բյուջեով նախատեսված հատկացումների հաշվին իրականացվելիք միջոցառումները:

Նշված միջոցառումների իրականացման արդյունքում ակնկալվում է լուծել Ծրագրի շահառու ճանաչված 228 ընտանիքի բնակարանային խնդիր և դրանով ավարտել Ծրագրի շահառու ճանաչված ընտանիքների նկատմամբ ձևավորված պետական պարտավորությունների կատարումը:

4. Իրավական ակտի նախագիծը մշակող պատասխանատու մարմինը, ինչպես նաև, անհրաժեշտության դեպքում, նախաձեռնողի, հեղինակների և մշակմանը մասնակցող անձանց մասին տեղեկություններ.

Հաշվի առնելով ՀՀ աշխատանքի և սոցիալական հարցերի նախարարության համաձայնությունը՝ նախագիծը մշակվել է ՀՀ քաղաքաշինության կոմիտեի կողմից՝ մարզպետարանների, «Հայաստանի Ֆուլեր տնաշինական կենտրոն» բարեգործական հասարակական կազմակերպության ղեկավարի հետ քննարկումների արդյունքում:

5. Տեղեկություն այն աղբյուրների մասին, որոնցից օգտվել են հարցը կարգավորելիս

Նախագիծը մշակելիս հիմք են ընդունվել ծրագրի ընթացքի վերաբերյալ ՀՀ քաղաքաշինության կոմիտեի տրամադրության տակ առկա տեղեկատվությունը, ՀՀ կառավարության 2005 թվականի փետրվարի 24-ի N309-Ն, 2017 թվականի հուլիսի 6-ի N812-Ա, 2018 թվականի ապրիլի 12-ի N424-Ն, 2018 թվականի նոյեմբերի 22-ի N1339-Ն որոշումները, ՀՀ անշարժ գույքի կադաստրի կոմիտեի կողմից հրապարակված տվյալները, ՀՀ Լոռու, Շիրակի և Արագածոտնի մարզպետարանի կողմից ներկայացված տեղեկատվությունը:

6. Իրավական ակտի՝ նորմատիվ բնույթի հիմնավորվածությունը.

Իրավական ակտի նորմատիվ բնույթը հիմնավորվում է «Նորմատիվ իրավական ակտերի մասին» ՀՀ օրենքի 34-րդ հոդվածի 2-րդ մասի դրույթներով, այն է՝ մեկ այլ նորմատիվ իրավական ակտի մեջ փոփոխություններ կատարելու անհրաժեշտությամբ:

7. Ներկայացվող հարցի կապակցությամբ լրացուցիչ ֆինանսական միջոցների պահանջի անհրաժեշտությունը, ինչպես նաև Հայաստանի Հանրապետության պետական բյուջեի եկամուտներում և ծախսերում սպասվելիք փոփոխությունների մասին.

Նախագծի ընդունման դեպքում պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների ավելացումներ չեն առաջանում:

Discussed

31.03.2020 - 15.04.2020
Type

Decision
Area

Urban planning
Ministry

Urban Development Committee

Send a letter to the draft author

Your suggestion will be posted on the site within 10 working days