ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐՈՒՄ ԲՆԱԿՉՈՒԹՅԱՆԸ ՄԱՏՈՒՑՎՈՂ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՈՐԱԿԻ ԲԱՐԵԼԱՎՄԱՆ ՏԵՍԼԱԿԱՆԸ ՀԱՍՏԱՏԵԼՈՒ ՄԱՍԻՆ

10 - Agree
4 - Disagree

ՀԻՄՆԱՎՈՐՈՒՄ

«ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐՈՒՄ ԲՆԱԿՉՈՒԹՅԱՆԸ ՄԱՏՈՒՑՎՈՂ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՈՐԱԿԻ ԲԱՐԵԼԱՎՄԱՆ ՏԵՍԼԱԿԱՆԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ

Միջոցառումների իրականացման անհրաժեշտությունը և նպատակը

Հայաստանի Հանրապետության առողջապահական համակարգում բժշկական օգնության և սպասարկման որակի կառավարման, վերահսկման, բարելավման տեսլականի առկայությունն անհրաժեշտ է ոլորտի բարեփոխման հստակ ռազմավարություն և միջոցառումների ծրագիր մշակելու համար:

1.1 Կարգավորման հարաբերությունների ներկա վիճակը և առկա խնդիրները

Ներկայումս Հայաստանի Հանրապետության բժշկական հաստատություններում բացակայում է բժշկական օգնության և սպասարկման որակի վերահսկման համընդհանուր համակարգը: Բժշկական հաստատություններում վատ են պատկերացնում և հաճախ թերագնահատում են որակի հսկողության համակարգերի ներդրման կարևորությունը: Բացակայում են ծառայությունների որակի բարելավման ծրագրային փաստաթղթերը, մշակված չեն որակի վերաբերյալ հայեցակարգեր և գործելակարգեր, բժշկական հաստատություններում չկան կոնկրետ պատասխանատուներ, որոնք պետք է զբաղվեն որակի կառավարման հարցերով: Սա հանգեցնում է նրան, որ պարբերաբար չեն վերլուծվում ծառայությունների մատուցման ընթացքում ծագած խնդիրները, և վերջիններիս չի տրվում համակարգային լուծում: Բժշկական օգնության և սպասարկման որակի վերահսկման բացակայությունը նպաստում է նաև բուժման արդյունավետության և առողջապահական համակարգի ծախսարդյունավետության անկմանը:

1.2 Առկա խնդիրների առաջարկվող լուծումները

Առողջապահության նախարարության կողմից վերլուծվել և գնահատվել է բժշկական օգնության և սպասարկման որակի ներկա իրավիճակը, գույքագրվել են առկա խնդիրները, սահմանվել են բժշկական օգնության և սպասարկման որակի ապահովման նպատակներն ու առաջնահերթությունները, և մշակվել է բժշկական օգնություն և սպասարկում իրականացնող կազմակերպություններում բնակչությանը մատուցվող բժշկական օգնության և սպասարկման որակի բարելավման տեսլական, որի հաստատումը թույլ կտա ունենալ բնակչությանը մատուցվող բժշկական օգնության և սպասարկման ծառայությունների որակի բարելավմանն ուղղված ճանապարհային քարտեզ: Վերջինս իր մեջ կներառի ՀՀ բժշկական օգնության և սպասարկման որակի բարելավման ռազմավարական պլանը, որն էլ իր հերթին հիմք կհանդիսանա հետագա միջոցառումների իրականացման համար:

Միջոցառումների իրականացումից ակնկալվող արդյունքը

Բժշկական օգնություն և սպասարկում իրականացնող կազմակերպություններում բնակչությանը մատուցվող բժշկական օգնության և սպասարկման որակի բարելավման տեսլականի առկայության դեպքում Առողջապահության նախարարությունը, որպես ոլորտը կարգավորող լիազոր մարմին, ձեռնամուխ կլինի և կհամակարգի բժշկական օգնության և սպասարկման որակի բարելավման ռազմավարական պլանի իրագործումը` քայլ առ քայլ ներդնելով որակի կառավարման ոլորտի բարեփոխումներին ուղղված միջոցառումները ողջ հանրապետության տարածքում:

ՏԵՂԵԿԱՆՔ

Որոշման նախագծի ընդունման համար այլ իրավական ակտերում փոփոխություն կատարելու անհրաժեշտություն չկա:

ՏԵՂԵԿԱՆՔ

Որոշման նախագծի ընդունումը հետագա տարիների պետական բյուջեներում լրացուցիչ ծախսերի անհրաժեշտություն չի առաջացնում:

Discussed

10.01.2020 - 27.01.2020
Type

Decision
Area

Healthcare
Ministry

Ministry of Healthcare

Send a letter to the draft author

Your suggestion will be posted on the site within 10 working days