ՆԱԽԱԳԻԾ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
___________________ 2019 թվականի N –Ն
ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՄԱՅԻՍԻ 5-Ի N 665-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱUԻՆ
Համաձայն «Պետական կենսաթոշակների մասին» Հայաստանի Հանրապետության օրենքի 33-րդ հոդվածի 9-րդ և 10-րդ մասերի` Հայաստանի Հանրապետության կառավարությունը որոշում է.
- 1. Հայաստանի Հանրապետության կառավարության 2011 թվականի մայիսի 5‑ի ««Պետական կենսաթոշակների մասին» Հայաստանի Հանրապետության օրենքի կիրարկումն ապահովելու մասին» N 665-Ն որոշման (այսուհետ` որոշում) մեջ կատարել հետևյալ լրացումները և փոփոխությունները.
ա. 11-րդ կետը «օրն է» բառից հետո լրացնել «, երբվանից նշանակվում է կենսաթոշակը։ Ընդ որում Օրենքի 34-րդ հոդվածի 1-ին մասի 2-րդ կետում նշված եռամսյա ժամկետը հաշվարկվում է «Փորձաքննությունը կատարվել է» տողում նշված երկրորդ ամսաթվից» բառերով,
բ. 14.4-րդ կետից հետո լրացնել հետևյալ բովանդակությամբ 14.5-րդ կետ.
«14.5. Մինչև 1996 թվականի նոյեմբերի 10-ն աշխատած ժամանակահատվածի համար սոցիալական վճարներ կատարելը կամ աշխատավարձ ստանալը հաստատող փաստատուղթ չի պահանջվում, եթե անձն աշխատել է քաղաքային, շրջանային, ավանային, գյուղական խորհուրդների գործադիր կոմիտեներում առանց ենթակա կազմակերպությունների:»,
գ. 25-րդ կետից հետո լրացնել հետևյալ բովանդակությամբ 25.1-ին, 25.2–րդ և 25.3‑րդ կետեր.
«25.1. Քաղաքացիական ավիացիայի թռիչքահրամանատարական, թռիչքահրահանգչական և թռիչքային անձնակազմերում ծառայելու ժամանակաշրջանի մեջ հաշվառվում են նաև զինված ուժերի, ավիացիոն տրանսպորտային էսկադրիլիայի ավիաէսկադրիլիայի թռիչքային և թռիչքափորձարկման անձնակազմերի պաշտոններում ծառայելու աշխատելու ժամանակահատվածները:
25.2. Քաղաքացիական ավիացիայի ինժեներատեխնիկական ծառայության աշխատողների ծառայելու ժամանակահատվածների մեջ հաշվառվում են նաև զինված ուժերի ինժեներատեխնիկական ծառայությունում, ավիացիոն տրանսպորտային էսկադրիլիայի ավիաէսկադրիլիայի ինժեներաավիացոն ծառայությունում սույն որոշմամբ հաստատված N 5 հավելվածի 4-րդ կետում նշված պաշտոններում աշխատելու ժամանակահատվածները:
25.3. Օդանավերի տեխնիկական սպասարկման աշխատանքներ կատարող կազմակերպությունում 2009 թվականի մայիսի 1-ից հետո սույն որոշմամբ հաստատված N 5 հավելվածի 4-րդ կետում նշված պաշտոններում աշխատած ժամանակահատվածները հաշվառվում են այդ կազմակերպության` օդանավերի տեխնիկական սպասարկման աշխատանքներ կատարելու իրավունք տվող սերտիֆիկատի վավերականության ժամանակահատվածում:»,
դ. 28-րդ և 29-րդ կետերը ճանաչել ուժը կորցրած,
ե. 41-րդ կետի 7-րդ ենթակետում «լրացուցիչ փաստաթուղթ» բառերը փոխարինել «փաստաթուղթ (տեղեկատվություն)» բառերով, իսկ կետը լրացնել հետևյալ պարբերությամբ.
«Սույն կետի 6-րդ և 7-րդ ենթակետերի դրույթները տարածվում են նաև այն դեպքերի վրա, երբ այդ ենթակետերում նշված փաստաթղթերը հայտնաբերվել են զինծառայողի անձնական գործում:»,
զ. 42-րդ կետի 2-րդ նախադասությունը շարադրել հետևյալ խմբագրությամբ.
«Սույն կարգի 41-րդ կետի 7-րդ ենթակետում նշված դեպքում կենսաթոշակի չափը վերահաշվարկվում է այն օրվանից, երբվանից պետք է հաշվարկվեր (վերահաշվարկվեր` հաշվի առնելով կենսաթոշակի գործում հայտնաբերված փաստաթուղթը (տեղեկատվությունը), բայց ոչ շուտ, քան դիմումը (որի հետ ներկայացվել է այդ փաստաթուղթը) ներկայացնելու օրը: Եթե կենսաթոշակի գործում առկա չէ դիմում, որի հետ ներկայացվել է հայտնաբերված փաստաթուղթը տեղեկատվությունը), ապա կենսաթոշակը վերահաշվարկվում է այն օրվանից, երբ հայտնաբերվել է այդ փաստաթուղթը (տեղեկատվությունը)։»,
է. 43-րդ կետի 3-րդ ենթակետից հետո լրացնել հետևյալ բովանդակությամբ 3.1-ին ենթակետ.
«3.1) կենսաթոշակ ստանալու իրավունքը օրենքի 41-րդ հոդվածի 3-րդ մասի 3‑րդ կետով սահմանված կարգով վերականգնվելու դեպքում անձը ներկայացրել է տարիքային աշխատանքային կենսաթոշակ նշանակելուց հետո ընկած ժամանակահատվածում աշխատանքային ստաժի մասին փաստաթուղթ.»,
ը. 49-րդ կետից հետո լրացնել հետևյալ բովանդակությամբ 49.1-ին կետ.
«49.1. Եթե կենսաթոշակ ստանալու իրավունքը դադարեցնելու օրվա դրությամբ անձն ունեցել է այլ տեսակի կենսաթոշակի իրավունք և այդ տեսակի կենսաթոշակ նշանակելու դիմում ներկայացրել է 2018 թվականի հունվարի 1-ից հետո մինչև 2019թ. հուլիսի 25-ը` կենսաթոշակ ստանալու իր իրավունքը դադարելու օրվանից սկսած վեց ամսվա ընթացքում, ապա նրա կենսաթոշակի նշանակման օր է համարվում կենսաթոշակ ստանալու իրավունքը դադարեցնելու օրը, և նրան դիմելուն նախորդող ժամանակահատվածի համար վճարվում է չվճարված կենսաթոշակի գումար:».
թ. 50.2-րդ կետի «նշանակելու» բառը փոխարինել «ստանալու իրավունքը վերականգնելու» բառերով, իսկ կետը լրացնել հետևյալ բովանդակությամբ նոր նախադասությամբ.
«Սույն կետում նշված եռամսյա ժամկետը հաշվարկվում է «Փորձաքննությունը կատարվել է» տողում նշված երկրորդ ամսաթվից:»,
ժ. 61-րդ կետի «կենսաթոշակառուի հաշվառման վայրի կենսաթոշակ նշանակող ստորաբաժանում» բառերը փոխարինել «ծառայության կենսաթոշակ նշանակող ցանկացած ստորաբաժանում» բառերով,
ի. 69-րդ կետը «դեպքի» բառից հետո լրացնել «, ինչպես նաև վերափորձաքննության ներկայանալու և մինչև բժշկասոցիալական փորձաքննություն իրականացնող իրավասու պետական մարմնի կողմից այդ անձի վերաբերյալ որոշում կայացնելը մահանալու դեպքի» բառերով,
ա. 21.3-րդ կետի «ժամանակավորապես» բառը փոխարինել «անորոշ կամ որոշակի ժամկետով» բառերով.
բ. 28-րդ կետը շարադրել հետևյալ խմբագրությամբ.
«28. Հաշմանդամ երեխային մինչև նրա 18 տարին լրանալը խնամելու ժամանակահատվածը նրա ծնողի աշխատանքային ստաժում հաշվառվում է բժշկասոցիալական փորձաքննություն իրականացնող իրավասու պետական մարմնի տված` հաշմանդամ երեխա ճանաչելու, հաշմանդամության ժամանակահատվածի մասին վարչական ակտի քաղվածքով, իսկ հաշմանդամ երեխայի խնամակալ ճանաչված անձի աշխատանքային ստաժում` նաև խնամակալություն իրականացնող լիազոր մարմնի տված` խնամակալ ճանաչված լինելու և խնամակալության ժամանակահատվածի մասին տեղեկանքով:»,
գ. 28-րդ կետից հետո լրացնել հետևյալ բովանդակությամբ 28.1-ին կետ.
«28.1 Առաջին խմբի հաշմանդամին խնամելու ժամանակահատվածը խնամակալ ճանաչված անձի աշխատանքային ստաժում հաշվառվում է բժշկասոցիալական փորձաքննություն իրականացնող իրավասու պետական մարմնի տված` խնամարկյալի հաշմանդամության խմբի և ժամանակահատվածի մասին վարչական ակտի քաղվածքով և խնամակալություն իրականացնող լիազոր մարմնի տված` խնամակալ ճանաչված լինելու և խնամակալության ժամանակահատվածի մասին տեղեկանքով:»,
դ. 51-րդ կետը «մասնակի» բառերից հետո լրացնել «,կամ երկարամյա ծառայության» բառերով.
ա. 4-րդ կետի 1-ին ենթակետի «բոլոր անվանումներ» բառերից հետո լրացնել «այդ թվում` դիագնոստիկ լաբորատորիայի» բառերը.
բ. 4-րդ կետի 3-րդ ենթակետի «ավիացիոն» բառը փոխարինել «այդ թվում` վերահսկողության բաժնի» բառերով.
գ. 4-րդ կետի 4-րդ ենթակետը «պետեր» բառից հետո լրացնել «, նրանց տեղակալներ» բառերով,
- որոշման N 6 հավելվածի աղյուսակի`
ա. 8-րդ կետի 3-րդ սյունակը «մարզիչ» բառից հետո լրացնել «, դասատու, ուսուցիչ, մանկավարժ» բառերով,
բ. 9-րդ կետի 3-րդ սյունակը «խմբագիր,» բառից հետո լրացնել «ավագ,» բառով,
- որոշման N 10 հավելվածում`
ա. 9-րդ կետը լրացնել հետևյալ բովանդակությամբ նոր նախադասությունով.
«Օդանավերի տեխնիկական սպասարկման աշխատանքներ կատարող կազմակերպությունում աշխատած անձը` անհրաժեշտության դեպքում ներկայացնում է նաև այդ կազմակերպության հետ կնքած աշխատանքային պայմանագիրը և օդանավերի տեխնիկական սպասարկման վկայականը կամ քաղաքացիական ավիացիայի տեխնիկական սպասարկման վկայականը:».
բ. 28-րդ կետի 3-րդ ենթակետը «վկայականը» բառից հետո լրացնել «կամ մահվան փաստը հավաստող` օտարերկրյա պետության տված փաստաթուղթը` վավերացված ապոստիլով» բառերով,
գ. 28-րդ կետի 4-րդ ենթակետը «վկայականը» բառից հետո լրացնել «կամ մահվան փաստը հավաստող փաստաթուղթը» բառերով,
դ. 29-րդ կետից հետո լրացնել հետևյալ բովանդակությամբ 30-րդ կետ.
«30. Հաշմանդամության ժամկետը լրանալուց հետո` երեք ամսվա ընթացքում, վերափորձաքննության ներկայացած և մինչև բժշկասոցիալական փորձաքննություն իրականացնող իրավասու պետական մարմնի կողմից որոշում կայացնելը մահացած անձի դեպքում, բացի սույն ցանկի 28-րդ կետում նշված փաստաթղթերից, ներկայացվում է նաև բժշկասոցիալական փորձաքննություն իրականացնող իրավասու պետական մարմնի տված տեղեկանքը մահացած անձի` վերափորձաքննության ներկայանալու և նրա վերաբերյալ որոշում չկայացնելու մասին:»:
- Սույն որոշումն ուժի մեջ է պաշտոնական հրապարակմանը հաջորդող օրվանից: