«Հայաստանի Հանրապետության կառավարության 2020 թվականի դեկտեմբերի 3-ի N1976-Ն որոշման մեջ լրացում կատարելու մասին» ՀՀ կառավարության որոշման նախագիծ

«Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագծով (Պ-1222-18.12.2025-ՏՀ-011/1) առաջարկվում է սահմանել, որ էլեկտրոնային առողջապա­հութ­յան համակարգին միացած բժշկական օգնության և սպա­սարկ­ման ծառայութ­յուն­ներ մատուցող կազմակերպությունների և անհատ ձեռնարկատերերի կողմից վճա­րա­յին տեխնոլոգիաների հիման վրա կիրառվող վճարային գործիքների միջո­­ցով վճարումն ընդունելու դեպքում էլեկտրո­նային ՀԴՄ-ի կիրառությունը պարտադիր է: Միաժամանակ, նախատեսվում է հարկային հաշվում/հաշիվ վավերագրում, ինչպես նաև ՀԴՄ կտրոնում որպես պարտադիր լրացման տվյալ սահմանել բժշկական օգնության և սպասարկման ծառայությունների մատուցման դեպքում՝  յուրաքանչյուր մատուցված ծառայության համար էլեկտրոնային առողջապահության համակարգի կողմից գեներացված՝ համապատասխան բժշկական ծառայության անհատականացված նույնականացման ծածկագիրը։

ՀՀ կառավարության 03.12.2020թ. N1976-Ն որոշման N7 հավելվածի 2-րդ կետով սահմանված են էլեկտրոնային ՀԴՄ-ի էլեկտրոնային կտրոնում լրացվող տվյալները։

Օրենքի նախագծի ընդունման արդյունքում անհրաժեշտություն է առաջանում էլեկտրոնային ՀԴՄ-ի էլեկտրոնային կտրոնում լրացվող տվյալներում ևս կատարել համապատասխան լրացում։