3 - За
1 - Против
ՀԻՄՆԱՎՈՐՈՒՄ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ՓԵՏՐՎԱՐԻ
15-Ի N 142-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ
Իրավական ակտի ընդունման անհրաժեշտությունը
«Հայաստանի Հանրապետության կառավարության 2018 թվականի փետրվարի 15-ի N 142-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշման նախագծի ընդունումը պայմանավորված է Հայաստանի Հանրապետությունում սպանդանոցային մորթի անցման ժամկետների վերանայման անհրաժեշտությամբ:
Ընթացիկ իրավիճակը
Հայաստանի Հանրապետության կառավարության 2018 թվականի փետրվարի 15-ի N 142-Ն որոշմամբ սահմանվել է կենդանիների սպանդի կիրառման ժամանակացույցը, որի համաձայն 2018 թվականի հուլիսի 1-ից Երևան քաղաքի և ՀՀ մարզերի հանրային սննդի օբյեկտներում (տեղական արտադրության սպանդանոցային ծագման մթերք օգտագործելու դեպքում) և տեղական արտադրության սպանդանոցային ծագման մթերք իրացնող առևտրի օբյեկտներում և առևտրի իրականացման վայրերում պետք է վերամշակել (մշակել), իրացնել, վաճառել, մատակարարել բացառապես սպանդանոցում կենդանիների սպանդից գոյացած կենդանական ծագման մթերք և կենդանական ծագման հումք:
Հայաստանի Հանրապետության տարածքում սպանդանոցային մորթի գործընթացի լիարժեք կազմակերպման, ինչպես նաև սպանդանոցների համաչափ տեղաբաշխումն ապահովելու նպատակով անհրաժեշտ է ստեղծել նոր սպանդանոցներ:
Կենդանիների սպանդի կիրառման ժամկետների որոշումը պայմանավորված է նոր սպանդանոցների ստեղծմամբ:
Ներկայումս, ելնելով տարբեր հանգամանքներից, սպանդանոցները գտնվում են կառուցման կամ վերակառուցման փուլում և աշխատանքները հնարավոր կլինի ավարտին հասցնել մոտ չորս ամսվա ընթացքում:
Միաժամանակ «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամի և Ծառայության հետ համագործակցության արդյունքում կազմակերպվել է «Աջակցություն սկսնակ ձեռներեցներին» ծրագրի շրջանակներում սպանդանոցային կարողությունների զարգացման հատուկ դասընթաց: Արդյունքում հավանության արժանացած թվով 7 գործարար ծրագրերի շահառուներին Հայաստանի Հանրապետության կառավարության 2017 թվականի դեկտեմբերի 28-ի N 1731-Ա որոշմամբ որոշմամբ անհատույց օգտագործման իրավունքով հանձնվել են համապատասխան տարածքներ՝ բացառապես որպես սպանդանոցներ օգտագործելու պայմանով: Սակայն հնարավոր կլինի շահառուների հետ կնքել անհատույց օգտագործման պայմանագրեր և նշված անշարժ գույքը հանձնել միայն հողամասերը որպես նվիրատվություն Հայաստանի Հանրապետության կողմից ընդունումից և հողամասերի նվիրատվության պայմանագրերի կնքումից հետո:
Արդյունքում մինչև 2018 թվականի հուլիսի 1-ը հնարավոր չէ Հայաստանի Հանրապետությունում ավարտին հասցնել պարտադիր սպանդանոցային մորթի անցման գործընթացը:
Առաջարկվող կարգավորման նպատակը և բնույթը
Հայաստանի Հանրապետությունում սպանդանոցային մորթի անցման ժամկետների վերանայման արդյունքում հնարավոր կլինի սահմանել այնպիսի ժամկետ, ԵՐԲ սպանդանոցները պատրաստ կլինեն շահագործման, որը հնարավորույթուն կտա Հայաստանի Հանրապետության տարածքում լիարժեք կազմակերպել սպանդանոցային մորթի գործընթացը:
Նախագծերի ընդունման գործընթացում ներգրավված ինստիտուտները և անձինք
Նախագիծը մշակվել է Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության աշխատակազմի կողմից:
Ակնկալվող արդյունքը
Նախագծի ընդունումը կնպաստի Հայաստանի Հանրապետությունում պարտադիր սպանդանոցային մորթի անցման գործընթացի կազմակերպմանը:
Обсуждалось
14.06.2018 - 30.06.2018
Тип
Pешение
Область
Сельское хозяйство
Просмотры 9869
Принт20.06.2018
Մինչև 01. 01. 2019թ. պարտադիր սպանդանոցային մորթի ժամկետի հետաձգումը քննարկվել է արդյոք սպանդանոցների տերերի հետ, հաշվի են առնվել վերջիններիս բիզնես շահերը, քանի որ նրանք պլանավորել են հուլիս ամսից սկսած ակտիվ գործունեություն ծավալել, իսկ այս առաջարկի ընդունման պարագայում, այն կհետաձգվի ևս 6 ամիս:
19.06.2018
Սպանդանոցային մորթի իրականացման նպատակն առողջ միս, մսամթերք, ենթամթերքներ ստանալն է, այսպես է ամբողջ աշխարհում: Ենթադրվում է, որ կարևոր է թե որտեղ է կառուցվում սպանդանոցը հատկապես <<առողջ>> բառի համատեքստում: Այնինչ <<Հայաստանի Հանրապետության կառավարության 2017 թվականի դեկտեմբերի 28-ի N 1731-Ա որոշման>> համաձայն <<հավանության արժանացած թվով 7 գործարար ծրագրերի շահառուներին>> են հանձնվում Հայաստանի Հանրապետության սեփականությունը հանդիսացող` Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության ենթակայության «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» պետական ոչ առևտրային կազմակերպությանը պատկանող անասնաբուժական սպասարկման կենտրոնների շենքերը և դրանց կից շինությունները: Սրանք այն շենքերն ու շինություններն են, որտեղ, որոշ դեպքերում շուրջ 70-80 տարի, ամենօրյա ռեժիմով, անասնաբուժական աշխատակազմը գործ է ունեցել վարակիչ և ոչ վարակիչ հիվանդություններ կրող սուբյեկտների հետ: Ընդ որում այս շինքերին կից գործել են Բեկարի հորեր, որի փաստը ևս լրացուցիչ մտահոգության առիթ է դառնում: Հաշվի են առնվել արդյոք վերը նշված փաստերը, հատկապես այդ շենքերում սպանդանոցներ հինելու մտադրության ժամանակ, ուր են տեղափոխվում այդ շենքերում աշխատող մասնագետները, որտեղ են նրանք իրականացնելու իրենց պրոֆեսիոնալ պարտականությունները: ԵՎ ի լրումն, ինչպիսի արձագանք կարող է լինել ներքին և արտաքին շուկաներում, եթե բացահայտվի, որ այն միսը, մսամթերքը, որը տվյալ սպանդանոցի տերերը պետք է առաջարկեն պոտենցիալ հաճախորդներին ստացվել է վարակիչ և ոչ վարակիչ հիվանդությունների դեմ շուրջ 70-80 տարի ամենօրյա ռեժիմով աշխատող շենքերի տարածքներում: Տեղեկացված են արդյոք այն 7 շահառուները, որ իրենք ներդրում են անում <<ոչ առողջ>> տարածքներում և ինչ ռիսկեր են իրենց սպառնում:
19.06.2018
Առաջարկում եմ տեքստում ներկայացնել հիմնավորումներ, առ այն, որ Հայաստանի Հանրապետության կառավարության 2017 թվականի դեկտեմբերի 28-ի N 1731-Ա որոշմամբ անհատույց օգտագործման իրավունքով թվով 7 գործարար ծրագրերի շահառուների կողմից հիմնվող սպանդանոցների գործարկումը բավարար է ՀՀ-ում ամբողջապես անցնել սպանդանոցային մորթի: