««Գնումների մասին» օրենքում փոփոխություններ և լրացումներ կատարելու մասին» և «Հայաստանի Հանրապետության բյուջետային համակարգի մասին օրենքում լրացումներ կատարելու մասին» Հայաստանի Հանրապետության օրենքների նախագծերին հավանություն տալու մասին

ՀԻՄՆԱՎՈՐՈՒՄ

«ԳՆՈՒՄՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ», «ՀՀ ԲՅՈՒՋԵՏԱՅԻՆ ՀԱՄԱԿԱՐԳԻ ՄԱՍԻՆ ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՕՐԵՆՔՆԵՐԻ ՆԱԽԱԳԾԵՐԻ ԸՆԴՈՒՆՄԱՆ

                   1. Անհրաժեշտությունը

         «Գնումների մասին» օրենքը, թեև վերջին տարիներին ենթարկվել է փոփոխությունների, սակայն պահպանել է իր սկզբնական կառուցվածքը և կիրառման տրամաբանությունը։ Գործող կարգավորումները բավարար չափով չեն ապահովում գնումների համակարգի զարգացման ներկա փուլին, միջազգային լավագույն փորձին և ժամանակակից տեխնոլոգիական հնարավորություններին։ Դրա հետևանքով գնումների գործընթացները չեն ապահովում բավարար արդյունավետություն, բնորոշվում են վարչարարական ծանրաբեռնվածությամբ, սահմանափակ ճկունությամբ և հաշվետվողականությամբ, ինչպես նաև թափանցիկության ու թվայնացման սահմանափակ մակարդակով։ Ուստի նպատակահարմար է օրենսդրական փոփոխություններով խթանել գնումների համակարգի արդիականացումը, վարչարարության պարզեցումը և արդյունավետության բարձրացումը՝ ձևավորելով ավելի թափանցիկ, մրցակցային և տեխնոլոգիապես զարգացած միջավայր։

                   2. Ընթացիկ իրավիճակը և խնդիրները

          Գնումների գործընթացների ոչ բավարար արդյունավետություն, վարչարարական ծանրաբեռնվածություն, սահմանափակ ճկունություն, թափանցիկության, հաշվետվողականության և թվայնացման սահմանափակ մակարդակ:

                   3. Տվյալ բնագավառում իրականացվող քաղաքականությունը

         Տվյալ բնագավառում իրականացվող քաղաքականության փոփոխություն չի նախատեսվում:     

                   4. Կարգավորման նպատակը և բնույթը

          Առաջարկվող կարգավորումները նպատակ ունեն բարելավել և արդիականացնել գնումների գործընթացները՝ ապահովելով բավարար արդյունավետություն, թափանցիկություն, հաշվետվողականություն և մրցակցային միջավայր: Այն ստեղծում է հիմք նորարար մոտեցումների և տեխնոլոգիական լուծումների կիրառման համար:

5. Նախագծի մշակման գործընթացում ներգրավված ինստիտուտները և ան­ձինք

                   Նախագիծը մշակվել է ՀՀ ֆինանսների նախարարության կողմից:

                   6. Ակնկալվող արդյունքը

          Կարգավորումն ուղղված է գնումների արդյունավետության, թափանցիկության և հաշվետվողականության բարձրացմանը, մրցակցային միջավայրի խթանմանը և նոր մեխանիզմների փորձարկման հնարավորության ապահովմանը։

          7. Տեղեկատվություն նախագծի ընդունմամբ այլ իրավական ակտերի ընդունման անհրաժեշտության կամ բացակայության մասին

          Նախագծերի հաստատման պարագայում անհրաժեշտություն կառաջանա փոփոխություններ կատարել օրենքների կիրարկումն ապահովող ենթաօրենսդրական ակտերում:

          8. Տեղեկատվություն՝ լրացուցիչ ֆինանսական միջոցների անհրաժեշտության և պետական կամ տեղական ինքնակառավարման մարմնի բյուջեի եկամուտներում և ծախսերում սպասվելիք փոփոխությունների մասին

Նախագծերի ընդունման կապակցությամբ պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների ավելացում կամ նվազեցում չի նախատեսվում:

          9.  Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ:

          ՀՀ վարչապետի 25.08.2022թ. թիվ 977-Լ որոշմամբ հաստատված գնումների համակարգի զարգացման հայեցակարգից բխող միջոցառումների ծրագրի 3.3. կետով նախատեսված՝ «Համակարգային վերլուծությունների աջակցություն և իրականացում» միջոցառում /ակնկալվող արդյունքը՝ մրցութային, պլանավորման և պայմանագրերի կառավարման գործընթացների շարունակական ուսումնասիրությունների իրականացման արդյունքում՝ ռիսկերի բացահայտում և կառավարում,  արդյունավետության բարձրացում, ժամկետը՝ շարունակական/: