«Հաշմանդամություն ունեցող անձանց իրավունքների օրակարգ» ՀԿ
30.09.2025
Առաջարկում ենք բացառել «արատ» բառի օգտագործումը։ Ստեփան Մալխասեանցի «Հայերէն բացատրական բառարան»-ում (Հայկական ՍՍՌ Պետական Հրատարակչութիւն, Երեւան, 1944) «արատ» բառը բացատրվում է բացասական ու նվաստացուցիչ երանգներով՝ որպես մարմնի գործարանների որևէ պակասություն (օրինակ՝ կաղություն), մարմնի որևէ պակասություն (օրինակ՝ բիծ, քոս) կամ առարկայի որևէ պակասավոր հատկություն, որը նվազեցնում է դրա արժեքը։ Այս իմաստաբանությունը վկայում է, որ «արատ» բառը իր արմատով կապվում է թերության գաղափարի հետ, ինչն անընդունելի է մարդու իրավունքների և հաշմանդամություն ունեցող անձանց արժանապատվության հարգման համատեքստում։ Փոխարենն առաջարկում ենք օգտագործել «առողջական խնդիրներ» բառերը։
