ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՐԵԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հոդված 1. 2021 թվականի հունիսի 30-ի Հայաստանի Հանրապետության քրեական դատավարության օրենսգրքի 268-րդ հոդվածի 2-րդ մասում «կողմից» բառից հետո լրացնել «, բացառությամբ այն դեպքի, երբ կողմերի համաձայնության դեպքում դատարանը, ելնելով արդարադատության արդյունավետության շահերից, որոշում է կայացնում իրեղեն ապացույցը, ապացուցողական և վարութային այլ գործողության արձանագրությունը, արտավարութային փաստաթուղթը, փորձագետի եզրակացությունը կամ փորձագետի կարծիքը հետազոտված համարելու մասին՝ առանց տվյալ ապացույցը սույն օրենսգրքի 331-րդ կամ 332-րդ հոդվածի համապատասխան մասով նախատեսված կարգով հետազոտելու, եթե դա չի կարող բացասաբար անդրադառնալ վարույթի արդարացիության վրա» բառերով:
Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
Обсуждалось
21.03.2025 - 05.04.2025
Тип
Закон
Область
Юстиция, Уголовный процесс
Министерство
Министерство юстиции
Просмотры 2259
Принт31.03.2025
Շատ հաճախ դատավորների փոփոխությամբ պայմանավորված, ստիպված են լինում նույն ապացույցները բազմաթիվ անգամներ հետազոտել: Այս իրավակարգավորման պայմաններում հնարավոր կլինի ապահովել դատաքննության անհարկի ձգձգումների բացառումը:
