ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԹԱՆԳԱՐԱՆԱՅԻՆ ՀԱՎԱՔԱԾՈՒԻ ՊԵՏԱԿԱՆ ՄԱՍՈՒՄ ԸՆԴԳՐԿՎԱԾ ԹԱՆԳԱՐԱՆԱՅԻՆ ԱՌԱՐԿԱՆ ԿԱՄ ՀԱՎԱՔԱԾՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԹԱՆԳԱՐԱՆԱՅԻՆ ՀԱՎԱՔԱԾՈՒԻ ԱՌԱՐԿԱՅԱՑՈՒՑԱԿԻՑ ՀԱՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

                                   ՏԵՂԵԿԱՆՔ ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԹԱՆԳԱՐԱՆԱՅԻՆ ՀԱՎԱՔԱԾՈՒԻ ՊԵՏԱԿԱՆ ՄԱՍՈՒՄ ԸՆԴԳՐԿՎԱԾ ԹԱՆԳԱՐԱՆԱՅԻՆ ԱՌԱՐԿԱՆ ԿԱՄ ՀԱՎԱՔԱԾՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԹԱՆԳԱՐԱՆԱՅԻՆ ՀԱՎԱՔԱԾՈՒԻ ԱՌԱՐԿԱՅԱՑՈՒՑԱԿԻՑ ՀԱՆԵԼՈՒ ԿԱՐԳԸ ՍԱՀՄԱՆԵԼՈՒ»

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ

1. Իրավական ակտի ընդունման անհրաժեշտությունը

«Հայաստանի Հանրապետության թանգարանային հավաքածուի պետական մասում ընդգրկված թանգարանային առարկան կամ հավաքածուն Հայաստանի Հանրապետության թանգարանային հավաքածուի առարկայացուցակից հանելու կարգը սահմանելու մասին» Հայաստանի Հանրապետության կառավարության որոշման ընդունումը բխում է Հայաստանի Հանրապետության վարչապետի «Թանգարանների մասին» 2024 թվականի փետրվարի 28-ի ՀՕ-93-Ն օրենքի կիրարկումն ապահովող միջոցառումների ցանկը հաստատելու մասին» 2024 թվականի մայիսի 21-ի N 467-Ա որոշման հավելվածի 19-րդ կետի պահանջի կատարման անհրաժեշտությունից:

    2․ Ընթացիկ իրավիճակը և խնդիրները

           Ինչպես ամբողջ  աշխարհում, այնպես էլ Հայաստանի Հանրապետությունում  մշակութային ժառանգության ոլորտում պետական քաղաքականության հիմնական ուղղություններից են նյութական և ոչ նյութական արժեքների և հավաքածուների ուսումնասիրման, օգտագործման, հանրահռչակման շարունակականության ապահովումը: Թանգարանների հիմնական գործառույթներից է թանգարանային հավաքածուն համալրել նոր թանգարանային առարկաներով, ապահովել դրանց հաշվառումը, պահպանությունը  և պաշտպանությունը:

      Հայաստանի Հանրապետության թանգարանային հավաքածուի առարկայա-ցուցակը պետական կամ համայնքային թանգարանների թանգարանային հավաքածուում հաշվառված թանգարանային առարկայի կամ հավաքածուի թվայնացված տեղեկույթն է, որը թանգարանի գլխավոր մատյանի բնութագրիչներով պետական կամ համայնքային թանգարանների կողմից  տեղեկույթը ներմուծվում է մեկ միասնական էլեկտրոնային շտեմարան (այսուհետ՝ շտեմարան): Շտեմարանից թանգարանային առարկան կամ հավաքածուն հանվում է՝  թանգարանային առարկայի կամ հավաքածուի քայքայման դեպքում, օրինական ուժի մեջ մտած դատական ակտով, թանգարանային առարկայի կամ հավաքածուի փոխանակման և մեկ այլ թանգարանի փոխանցման դեպքում, ինչպես նաև,  երբ թանգարանային առարկան կամ հավաքածուն կորցնում է իր մշակութային արժեքը:

    Թանգարանային առարկան կամ հավաքածուն շտեմարանից դուրս է գրվում  միայն նախարարության  դրական եզրակացության հիման վրա թանգարանի կողմից ներկայացվող հետևյալ փաստաթղթերի հիման վրա. հիմնավորում թանգարանային առարկայի կամ հավաքածուի, փորձագիտական եզարակացության, թանգարանի ֆոնդային-գնահատող հանձնաժողովի նիստի արձանագրության և արձանագրության քաղվածքի առկայության դեպքում: Շտեմարանից թանգարանային առարկան կամ հավաքածուն հաշվառումից հանելու, դուրս գրելու եզրակացությունը տալիս է նախարարությանը կից գործող Թանգարանների խորհուրդը, որի արդյունքում թանգարանի ղեկավարը, հիմք ընդունելով Թանգարանների խորհրդի արձանագրության քաղվածքը հրամանով շտեմարանից դուրս է գրում թանգարանային առարկան կամ հավաքածուն  և գործընթացի ավարտի վերաբերյալ տեղեկատվություն ներկայացնում  նախարարություն:

        Անկախ թանգարանի ուղղվածությունից և սեփականության ձևից, կարգի ընդունումը հնարավորություն կընձեռնի ստեղծել իրավական դաշտ թանգարանային առարկաների կամ հավաքածուների կառավարման և պահպանման գործընթացում: Շտեմարանը հնարավորություն կտա ապահովել միասնական վերահսկողություն, թափանցիկություն, հավաքագրում և վերլուծություն իրականացնելու համար:

3․ Կարգավորման նպատակը և բնույթը

«Հայաստանի Հանրապետության թանգարանային հավաքածուի պետական մասում ընդգրկված թանգարանային առարկան կամ հավաքածուն Հայաստանի Հանրապետության թանգարանային հավաքածուի առարկայացուցակից հանելու կարգը սահմանելու մասին» Հայաստանի Հանրապետության կառավարության որոշման ընդունման նպատակը պետության կողմից մշակութային արժեքների պետական վերահսկողության իրականացումն է:

4․ Նախագծի մշակման գործընթացում ներգրավված ինստիտուտները և ան­ձինք.

Իրավական ակտի նախագիծը մշակել են Հայաստանի Հանրա­պե­տության կրթության, գիտության, մշակույթի և սպորտի նախարարության մասնագետները:

      5․ Իրավական ակտի կիրարկման դեպքում ակնկալվող արդյունքը

Կապահովվի Հայաստանի Հանրապետության թանգարանային հավաքածուի առարկայացուցակում ընդգրկված թանգարնային առարկաների կամ հավաքածուների  շարժի նկատմամբ  պետական վերահսկողություն:

      6․ Իրավական ակտի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի ավելացման կամ նվազեցման անհրաժեշտություն

Հայաստանի Հանրապետության կառավարության որոշման ընդունման կապակցությամբ Հայաստանի Հանրապետության պետական կամ տեղական ինքնակառավարման մարմնի բյուջեում եկամուտների և ծախսերի ավելացում կամ նվազեցում չի առաջանում:

7․ Իրավական ակտի ընդունման կապակցությամբ այլ նորմատիվ իրավական ակտերի ընդունման անհրաժեշտություն

1. Այլ իրավական ակտերում փոփոխությունների և/կամ լրացումների անհրաժեշտությունը.

Չի առաջացնում:

2. Միջազգային պայմանագրերով ստանձնած պարտավորությունների հետ համա­պա­տասխանությունը.

Համապատասխանում է:

8․ «Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ».

Որոշման նախագիծը մշակվել է հիմք ընդունելով ՀՀ կառավարության 2021 թ. օգոստոսի 18-ի N 1363-Ա որոշմամբ հաստատված ՀՀ կառավարության 2021-2026 թվականների ծրագրի 4-րդ գլխի 4.9 բաժնում ամրագրված մշակութային ժառանգության ոլորտում պետական քաղաքականության հիմնական ուղղություն-ները, մասնավորապես «հայկական պատմամշակութային ժառանգության (նյութական և ոչ նյութական) պահպանության, ուսումնասիրման, օգտագործման և հանրայնացման շարունակականության ապահովում», «իրավական դաշտի կատարելագործում», «թանգարանների և գրադարանների՝ որպես սոցիալ-կրթական ինստիտուտների կայացում, հասարակության բոլոր շերտերի և խմբերի համար ոչ ֆորմալ կրթության և ժամանցի միջավայրի ապահովում» կետերը:

9․ Այլ տեղեկություններ.

Չկան: