«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ 2022 ԹՎԱԿԱՆԻ ՀՈԿՏԵՄԲԵՐԻ 3-Ի N 25-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԻԾ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ

ՆԱԽԱԳԱՀԻ 2022 ԹՎԱԿԱՆԻ ՀՈԿՏԵՄԲԵՐԻ 3-Ի N 25-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ

1. Անհրաժեշտությունը

Նախագծի ընդունումը պայմանավորված է Հայաստանի Հանրապետության քաղաքաշինության կոմիտեի նախագահի 2022 թվականի հոկտեմբերի 3-ի N 25-Ն հաստատված ՀՀՇՆ 31-03.04-2022 «Նախադպրոցական հաստատությունների շենքեր. Նախագծման նորմեր» շինարարական նորմերում ՀՀ կրթության, գիտության, մշակույթի և սպորտի նախարարության, ՀՀ Ազգային ժողովի պատգամավոր Սոնա Ղազարյանի, Մասնավոր նախադպրոցական հաստատությունների աջակցման ասոցիացիայի առաջարկներով՝ սակավակազմ նախադպրոցական ուսումնական ոչ պետական, մասնավոր հաստատությունների նախագծման համար առանձին կարգավորումների սահմանման, ինչպես նաև դրանց լիցենզավորման համար առավել դյուրին ընթացակարգի ձևավորման անհրաժեշտությամբ:

2. Ընթացիկ իրավիճակը և խնդիրները

Իրավաբանական անձի կարգավիճակ ունեցող ոչ պետական սակավակազմ նախադպրոցական ուսումնական հաստատությունների նախագծման հիմնական պահանջները սահմանված են Հայաստանի Հանրապետության քաղաքաշինության կոմիտեի նախագահի 2022 թվականի հոկտեմբերի 3-ի N 25-Ն հաստատված ՀՀՇՆ 31-03.04-2022 «Նախադպրոցական հաստատությունների շենքեր. Նախագծման նորմեր» շինարարական նորմերով (այսուհետ՝ Նորմեր)։

Ներկայումս ՀՀ տարածքում գործում են նախադպրոցական կրթական ծրագրեր իրականացնող ոչ պետական բազմաթիվ սակավակազմ նախադպրոցական ուսումնական հաստատություններ, որոնք ՀՀ կառավարության 2009 թվականի հուլիսի 9-ի N 808-Ն որոշման համաձայն ենթակա են լիցենզավորման։

Վերը նշված որոշման համաձայն նախադպրոցական ուսումնական հաստատությունների լիցենզավորման պահանջների և պայմանների շրջանակներում սահմանված է դրանց զբաղեցրած ուսումնական տարածքների (այդ թվում՝ խմբասենյակի, խաղասենյակի, ննջասենյակի, հանդերձարանի, բուֆետային մասի, զուգարանի, մարզադահլիճի, հանդիսությունների դահլիճի, մեթոդկաբինետի, բակային տարածքի) համապատասխանությունը Նորմերին։

Նորմերով սակավակազմ նախադպրոցական ուսումնական հաստատությունների համար սահմանված խիստ պահանջներով պայմանավորված դրանց լիցենզավորման գործընթացում առաջանում են խնդիրներ, կապված նշանակության, ծավալահատակագծային լուծումների, սենքերի հիմնական կազմի, մակերեսների և այլ պահանջների հետ։

Վերոգրյալով պայմանավորված Նախագծի շրջանակներում վերանայվել են Նորմերով սահմանված սակավակազմ նախադպրոցական ուսումնական ոչ պետական, մասնավոր հաստատությունների նախագծման պահանջները՝ հաշվի առնելով ներկայումս գործող համանման հաստատությունների զբաղեցրած տարածքների սահմանափակ պայմանները։

Հարկ է նշել, որ ՀՀ կրթության, գիտության, մշակույթի և սպորտի նախարարության և ՀՀ քաղաքաշինության կոմիտեի ներկայացուցիչների մասնակցությամբ 2022-2025թթ ընթացքում կայացել են համատեղ մի շարք քննարկումներ, որոնք բացահայտել են նաև առաջարկվող փոփոխությունների ռիսկերը: Սակայն հաշվի առնելով տվյալ ժամանակահատվածում պետական կարգավիճակ ունեցող մանկապարտեզների գերծանրաբեռնված լինելը, ՀՀ բնակչության պահանջարկը և որպես առկա խնդրի լուծման հակակշիռ՝ նախադպրոցական ծրագրեր իրականացնող մասնավոր հաստատությունների գործունեության կարևորությունը, ՀՀ քաղաքաշինության կոմիտեն ներկայումս մշակել և շահագրգիռ մարմիններ քննարկման է ներկայացնում տվյալ Նախագծի նախնական տարբերակը:

 2.1 Կապը ռազմավարական փաստաթղթերի հետ

- ՀՀ կառավարության 2021 թվականի օգոստոսի 18-ի N 1363-Ա որոշում,

- ՀՀ կառավարության 2021 թվականի նոյեմբերի 18-ի N 1902-Լ որոշում,

- ՀՀ կառավարության ապրիլի 8-ի «ՀՀ քաղաքաշինության բնագավառի ռազմավարական ծրագիրը և ծրագրի իրագործումն ապահովող միջոցառումների ցանկը հաստատելու մասին»                N 531-Լ որոշում:

Միաժամանակ հարկ է նշել, որ «Հայաստանի Հանրապետության քաղաքաշինության կոմիտեի նախագահի 2022 թվականի հոկտեմբերի 3-ի N 25-Ն հրամանում փոփոխություններ և լրացում կատարելու մասին» ՀՀ քաղաքաշինության կոմիտեի նախագահի հրամանի նախագծի ընդունման կապակցությամբ լրացուցիչ ֆինանսական միջոցների անհրաժեշտություն, պետական բյուջեի եկամուտներում  և ծախսերում փոփոխություններ չեն սպասվում։

3. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ քաղաքաշինության կոմիտեի կողմից՝ ՀՀ կրթության, գիտության, մշակույթի և սպորտի նախարարության առաջարկների հիմքով:

4. Ակնկալվող արդյունքը

Սակավակազմ նախադպրոցական ուսումնական հաստատությունների լիցենզավորման գործընթացների կանոնակարգում և իրագործելիության ապահովում։

ՏԵՂԵԿԱՆՔ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ

ՆԱԽԱԳԱՀԻ 2022 ԹՎԱԿԱՆԻ ՀՈԿՏԵՄԲԵՐԻ 3-Ի N 25-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ ՔՆՆԱՐԿՄԱՆԸ ՀԱՍԱՐԱԿՈՒԹՅԱՆ ՄԱՍՆԱԿՑՈՒԹՅԱՆ ՄԱՍԻՆ

Հասարակությանը նախագծի վերաբերյալ իրազեկումը

«Հայաստանի Հանրապետության քաղաքաշինության կոմիտեի նախագահի 2022 թվականի հոկտեմբերի 3-ի N 25-Ն հրամանում փոփոխություններ և լրացում կատարելու մասին» ՀՀ քաղաքաշինության կոմիտեի նախագահի հրամանի նախագիծը տեղադրվել է ՀՀ քաղաքաշինության կոմիտեի www.minurban.am կայքէջում:

Հասարակության մասնակցությունը

«Հայաստանի Հանրապետության քաղաքաշինության կոմիտեի նախագահի 2022 թվականի հոկտեմբերի 3-ի N 25-Ն հրամանում փոփոխություններ և լրացում կատարելու մասին» ՀՀ քաղաքաշինության կոմիտեի նախագահի հրամանի նախագծի վերաբերյալ առաջարկություններ դեռ չեն ներկայացվել: