«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ 2014 ԹՎԱԿԱՆԻ ՄԱՐՏԻ 17-ի N 78-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԻԾ

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ

 2014 ԹՎԱԿԱՆԻ ՄԱՐՏԻ 17-ի N 78-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ

 ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ

1.Անհրաժեշտությունը

Նախագծի ընդունումը պայմանավորված է ՀՀ քաղաքաշինության նախարարի 2014 թվականի մարտի 17-ի N 78-Ն հրամանով հաստատված ՀՀՇՆ 21-01-2014 «Շենքերի և շինությունների հրդեհային անվտանգություն» շինարարական նորմերով (այսուհետ՝ Նորմեր) սահմանված հակահրդեհային ընդհանուր պահանջներին չբավարարող շենքերի և շինությունների նախագծման և կառուցման գործընթացների կանոնակարգման անհրաժեշտությամբ:

2. Ընթացիկ իրավիճակը և խնդիրները

Նորմերի 5-րդ կետի համաձայն այն շենքերի համար, որոնց վերաբերյալ բացակայում են հակահրդեհային նորմեր, ինչպես նաև 75 մ-ից ավելի բարձրությամբ սույն նորմերի 39-րդ կետի 1-ին ենթակետում նշված Գ1.3 գործառական հրդեհային վտանգավորության դասի շենքերի, 50 մ-ից ավելի բարձրությամբ գործառական հրդեհային վտանգավորության այլ դասերի շենքերի և մեկից ավելի թվով ստորգետնյա հարկերով շենքերի, ինչպես նաև առանձնահատուկ բարդության և յուրահատուկ կառուցվածքով շենքերի համար, սույն նորմերի պահանջների պահպանումից բացի, լրացուցիչ ինժեներատեխնիկական և կազմակերպչական միջոցառումների համալիրի ներգրավմամբ պետք է մշակվեն դրանց հակահրդեհային պաշտպանվածության առանձնահատկություններն արտահայտող տեխնիկական պայմաններ: Նշված տեխնիկական պայմանները պետք է համաձայնեցվեն քաղաքաշինության բնագավառի պետական կառավարման և հրդեհային հսկողություն իրականացնող պետական մարմինների հետ ու հաստատվեն պատվիրատուի կողմից:

Սակայն, ելնելով շենքերի և շինությունների բարձրությունից և կոնստրուտիվ համակարգի առանձնահատկությունից՝ արձանագրվում են դեպքեր, երբ վերը նշված տեխնիկական պայմանների մշակման շրջանակներում Նորմերի պահանջները հնարավար չէ ապահովել։ Մասնավորապես, ներքին կոշտ երկաթբետոնե միջուկով 75 մ գերազանցող շենքերի դեպքում Նորմերով սահմանված չծխապատվող սանդղավանդակների մասով պահանջը հնարավոր չէ ապահովել։

Միաժամանակ, հրդեհաշիջման և մարդկանց անվտանգ տարհանման ապահովման համատեկստում շենքերի և շինությունների առավելագույն բարձրության վերաբերյալ տեղեկատվություն ստանալուն նպատակով ՀՀ քաղաքաշինության կոմիտեն հարցում է կատարել ՀՀ ներքին գործերի նախարարության փրկարար ծառայություն։

Ներկայացված տեղեկատվության համաձայն ՀՀ ներքին գործերի նախարարության փրկարար ծառայություն հաշվեկշռում առկա նյութատեխնիկական միջոցները թույլ են տալիս իրականացնել հրդեհաշիջում մինչև 60մ բարձրությամբ շինություններում։

Վերոգրյալով պայմանավորված ամբողջությամբ վերանայվել է Նորմերի 5-րդ կետը։ Շենքերի հարկայնությունը 75մ-ի փոխարեն սահմանվել է 60 մ, իսկ տեխնիկական պայմանների մշակման դեպքում Նորմերի պահանջների պահպանման մասով դրույթը հանվել է։

Հաշվի առնելով, որ շենքերի և շինությունների հրդեհային անվտանգության ապահովման բնագավառում լիազոր մամիններ են հանդիսանում ՀՀ ներքին գործերի նախարարությունը և ՀՀ քաղաքաշինության, տեխնիկական և հրդեհային անվտանգության տեսչական մարմինը, Նորմերի 6-րդ կետում սահմանվել է պահանջ, որի համաձայն «Հատուկ տեխնիկական պայմանները» պետք է համաձայնեցվեն նաև ՀՀ ներքին գործերի նախարարության և ՀՀ հրդեհային անվտանգության հսկողություն իրականացնող պետական լիազոր մարմնի հետ։

2.1 Կապը ռազմավարական փաստաթղթերի հետ

- ՀՀ կառավարության 2021 թվականի օգոստոսի 18-ի N 1363-Ա որոշում,

- ՀՀ կառավարության 2021 թվականի նոյեմբերի 18-ի N 1902-Լ որոշում,

- ՀՀ կառավարության ապրիլի 8-ի «ՀՀ քաղաքաշինության բնագավառի ռազմավարական ծրագիրը և ծրագրի իրագործումն ապահովող միջոցառումների ցանկը հաստատելու մասին» N 531-Լ որոշում:

Միաժամանակ հարկ է նշել, որ «Հայաստանի Հանրապետության քաղաքաշինության նախարարի 2014 թվականի մարտի 17-ի N 78-Ն հրամանում փոփոխություններ կատարելու մասին» ՀՀ քաղաքաշինության կոմիտեի նախագահի հրամանի նախագծի ընդունման կապակցությամբ լրացուցիչ ֆինանսական միջոցների անհրաժեշտություն, պետական բյուջեի եկամուտներում  և ծախսերում փոփոխություններ չեն սպասվում։

3. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ քաղաքաշինության կոմիտեի կողմից:

4. Ակնկալվող արդյունքը

Նորմերով սահմանված հակահրդեհային ընդհանուր պահանջներին չբավարարող շենքերի և շինությունների նախագծման և կառուցման գործընթացների կանոնակարգման և իրագործելիության ապահովում՝ հրդեհային անվտանգության միջազգային փորձի և պահանջների համապատասխան։

ՏԵՂԵԿԱՆՔ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ

 2014 ԹՎԱԿԱՆԻ ՄԱՐՏԻ 17-ի N 78-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ

 ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ԿՈՄԻՏԵԻ ՆԱԽԱԳԱՀԻ ՀՐԱՄԱՆԻ ՆԱԽԱԳԾԻ ՔՆՆԱՐԿՄԱՆԸ ՀԱՍԱՐԱԿՈՒԹՅԱՆ ՄԱՍՆԱԿՑՈՒԹՅԱՆ ՄԱՍԻՆ

Հասարակությանը նախագծի վերաբերյալ իրազեկումը

 «Հայաստանի Հանրապետության քաղաքաշինության նախարարի 2014 թվականի մարտի 17-ի N 78-Ն հրամանում փոփոխություններ կատարելու մասին» ՀՀ քաղաքաշինության կոմիտեի նախագահի հրամանի նախագիծը տեղադրվել է ՀՀ քաղաքաշինության կոմիտեի www.minurban.am կայքէջում:

Հասարակության մասնակցությունը

«Հայաստանի Հանրապետության քաղաքաշինության նախարարի 2014 թվականի մարտի 17-ի N 78-Ն հրամանում փոփոխություններ կատարելու մասին» ՀՀ քաղաքաշինության կոմիտեի նախագահի հրամանի նախագծի վերաբերյալ առաջարկություններ դեռ չեն ներկայացվել: