ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՆԵՐԿԱԶՄԱԿԵՐՊԱԿԱՆ (ԲԺՇԿԱԿԱՆ ՀԱՍՏԱՏՈՒԹՅԱՆ ՆԵՐՍՈՒՄ) ՄԱԿԱՐԴԱԿՈՒՄ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԵՐԵՔ ՀԻՄՆԱԿԱՆ ԲԱՂԱԴՐԻՉԻ՝ ԿԱՌՈՒՑՎԱԾՔԻ, ԳՈՐԾԸՆԹԱՑԻ ԵՎ ԱՐԴՅՈՒՆՔԻ ՀԱՄԱԼԻՐ ԳՆԱՀԱՏՄԱՆ ԵՎ ԲԱՐԵԼԱՎՄԱՆ ԱՆԸՆԴՀԱՏՈՒԹՅՈՒՆՆ ԱՊԱՀՈՎՈՂ ԳՈՐԾԸՆԹԱՑԻ ԻՐԱԿԱՆԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

ՀԻՄՆԱՎՈՐՈՒՄ

«ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՆԵՐԿԱԶՄԱԿԵՐՊԱԿԱՆ (ԲԺՇԿԱԿԱՆ ՀԱՍՏԱՏՈՒԹՅԱՆ ՆԵՐՍՈՒՄ) ՄԱԿԱՐԴԱԿՈՒՄ ԲԺՇԿԱԿԱՆ ՕԳՆՈՒԹՅԱՆ և ՍՊԱՍԱՐԿՄԱՆ ԵՐԵՔ ՀԻՄՆԱԿԱՆ ԲԱՂԱԴՐԻՉԻ՝ ԿԱՌՈՒՑՎԱԾՔԻ, ԳՈՐԾԸՆԹԱՑԻ ԵՎ ԱՐԴՅՈՒՆՔԻ ՀԱՄԱԼԻՐ ԳՆԱՀԱՏՄԱՆ ԵՎ ԲԱՐԵԼԱՎՄԱՆ ԱՆԸՆԴՀԱՏՈՒԹՅՈՒՆՆ ԱՊԱՀՈՎՈՂ ԳՈՐԾԸՆԹԱՑԻ ԻՐԱԿԱՆԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ» ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՀՐԱՄԱՆԻ

1․ Ընթացիկ իրավիճակը և իրավական ակտի ընդունման անհրաժեշտությունը.

Բնակչության բժշկական օգնության և սպասարկման մասին օրենքի 2-րդ հոդվածի 1-ին մասի 27-րդ կետով սահմանված է բժշկական օգնության և սպասարկման որակի շարունակական բարելավումը, որպես առողջապահության բնագավառում ներկազմակերպական (բժշկական հաստատության ներսում) և արտակազմակերպական (մարզային, ազգային) մակարդակներում բժշկական օգնության և սպասարկման երեք հիմնական բաղադրիչի՝ կառուցվածքի, գործընթացի և արդյունքի համալիր գնահատման և բարելավման անընդհատությունն ապահովող գործընթաց, որն իրականացվում է լիազոր մարմնի սահմանած կարգով, որը ներկայում սահմանված չէ և բացակայում են որակի շարունակական բարելավման մեխանիզմները։

2․ Առաջարկվող կագավորումների բնույթը. Սույն հրամանով կարգավորվում են բժշկական հաստատության ներսում բժշկական օգնության և սպասարկման երեք հիմնական բաղադրիչի՝ կառուցվածքի, գործընթացի և արդյունքի համալիր գնահատման և բարելավման կարգի հետ կապված հարաբերությունները։ Նախագծի ընդունումը կարող է նպաստել նաև բժշկական օգնություն և սպասարկում իրականացնող կազմակերպություններում պետության կողմից երաշխավորված ամենամյա առողջապահական պետական նպատակային ծրագրերի շրջանակներում անվճար և արտոնյալ պայմաններով բժշկական օգնության ու սպասարկման կազմակերպման և պայմանագիր կնքելու մրցակցային գործընթացին։

3. Նախագծի մշակման գործընթացում ներգրավված ինստիտուտները և անձինք. Նախագիծը մշակվել է ՀՀ առողջապահության նախարարության մասնագետների կողմից։

4. Ակնկալվող արդյունքը. Նախագծի ընդունման արդյունքում կստեղծվեն գործուն ընթացակարգեր կազմակերպություններում բժշկական օգնության և սպասարկման որակի բարելավման, ինչպես նաև վերջինիս մշտադիտարկման համար։

5. Նախագծի ընդունման կապակցությամբ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին․ Նախագծի ընդունման կապակցությամբ պետական կամ տեղական ինքնակառավարման մարմնի բյուջեում ծախuերի և եկամուտների ավելացում կամ նվազեցում չի նախատեսվում:

6. Կապը ռազմավարական փաստաթղթերի հետ. Նախագիծը անմիջականորեն փոխկապակցված չէ ռազմավարական փաստաթղթերի հետ։