ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՍԵՊՏԵՄԲԵՐԻ 4-Ի N 952 –Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 ՀԻՄՆԱՎՈՐՈՒՄ

«ՀՀ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՍԵՊՏԵՄԲԵՐԻ 4-Ի  ԹԻՎ 952 –Ն» ԿԱՌԱՎԱՐՈՒԹՅԱՆ ՈՐՈՇՈՒՄԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

1. Ընթացիկ իրավիճակը և իրավական ակտի ընդունման անհրաժեշտությունը

Ներկայումս Հայաստանի Հանրապետության առողջապահական համակարգում  գործում է  ՀՀ կառավարության 2014 թվականի սեպտեմբերի 4-ի «Հայաստանի Հանրապետության բժշկական, ստոմատոլոգիական, դեղագիտական, հանրային առողջապահական և դեղագործական հիմնական մասնագիտությունների և նեղ մասնագիտությունների ցանկերը հաստատելու մասին» թիվ 952 –Ն կառավարության որոշումը:  Սակայն վերջին տարիները առողջապահության ոլորտի մասնագետների մասնագիտական գործունեության ընթացքում  ի հայտ  եկած  տարաբնույթ խնդիրները, նպաստեցին վերանայել գործող  Հայաստանի Հանրապետություն բժշկական, ստոմատոլոգիական, դեղագիտական, հանրային առողջապահական և դեղագործական հիմնական մասնագիտությունների և նեղ մասնագիտությունների ցանկերը և իրականցնել որոշ  օրենսդրորեն փոփոխություններ առկա բացերը լրացնելու և ուղղելու նպատակով: Բնակչության բժշկական օգնության և սպասարկման մասին Հայաստանի Հանրապետության օրենքի 29-րդ հոդվածի 2-րդ մասի սահմանվել է` առողջապահության բնագավառի լիազոր մարմնի կողմից է հաստատվում Առողջապահության բնագավառի մասնագիտական գործունեության հիմնական մասնագիտությունների, նեղ և լրացուցիչ մասնագիտացումների կազմակերպման սկզբունքները և դրանց ցանկերը, ինչով պայմանավորված անհրաժեշտություն է առաջացել ուժը կորցրած ճանաչել հիշյալ կառավարության որոշումը:

2. Առաջարկվող կարգավորման բնույթը

 Նախագծով առաջարկվում է  ուժը կորցրած ճանաչել ՀՀ կառավարության 2014 թվականի սեպտեմբերի 4-ի «Հայաստանի Հանրապետության բժշկական, ստոմատոլոգիական, դեղագիտական, հանրային առողջապահական և դեղագործական հիմնական մասնագիտությունների և նեղ մասնագիտությունների ցանկերը հաստատելու մասին» թիվ 952 –Ն որոշումը, քանի որ` հիմք ընդունելով «Բնակչության բժշկական օգնության և սպասարկման մասին» Հայաստանի Հանրապետության օրենքի 29-րդ հոդվածի 2-րդ մասը, ՀՀ առողջապահության նախարարի 2025 թվականի փետրվարի 17-ի թիվ 23-Ն հրամանով հաստատվել են Առողջապահության բնագավառի մասնագիտական գործունեության հիմնական մասնագիտությունների, նեղ և լրացուցիչ մասնագիտացումների կազմակերպման սկզբունքները և դրանց ցանկերը:

Միաժամանակ նախագծով նախատեսվել են կարգավորումներ հետբուհական մասնագիտական բժշկական  կրթություն իրականացնող կազմակերպություններում ուսումնական կրթական ծրագրերը Հայաստանի Հանրապետության առողջապահության նախարարի հիշյալ հրամանին համապատասխանեցման և համապատասխանեցված նոր կրթական ծրագրերով հետբուհական մասնագիտական կրթության ուսումնառության գործընթացը մեկնարկելու ժամկետի մասով:

3. Ակնկալվող արդյունքը

Հիմք ընդունելով «Բնակչության բժշկական օգնության և սպասարկման մասին» Հայաստանի Հանրապետության օրենքի 29-րդ հոդվածի 2-րդ մասը` կսահմնվի «Առողջապահության բնագավառի մասնագիտական գործունեության  հիմնական մասնագիտությունների, նեղ և լրացուցիչ մասնագիտացումների կազմակերպման սկզբունքները և դրանց ցանկերը» առողջապահության նախարարի հրաման,  որի արդյունքում    կկանոնակարգի Հայաստանի Հանրապետությունում բժշկական և միջին մասնագիտական բժշկական գործունեւոթյուն ծավալելու իրավունք տվող մասնագիտությունների ցանկը` համահունչ դարձնելով այն համաշխարհային առողջապահական փորձի պահանջներին, կհստակեցնի հիմնական և նեղ բժշկական, ինչպես նաև միջին մասնագիտական բժշկական մասնագիտությունների տարանջատումը և կստեղծի իրավական հիմք հետագայում համապատասխան հիմնական և նեղ բժշկական և միջին մասնագիտական բժշկական մասնագիտություններով կադրերի պատրաստման համար, ինչպես նաև կհամապատասխանեցնի բժիշկ-մասնագետների կազմը առողջապահական համակարգի ներկայիս և սպասվող պահանջներին:

4. Նախագծի մշակման գործընթացում ներգրավված ինստիտուտները, անձինք և նրանց դիրքորոշումը

Նախագծի կազմմանը մասնակցել են Հայաստանի Հանրապետության առողջապահության նախարարությունը:

5. Լրացուցիչ ֆինանսական միջոցների անհրաժեշտություն և պետական բյուջեի եկամուտներում և ծախսերում սպասվելիք փոփոխություններ

Նախագծի ընդունումը Հայաստանի Հանրապետության պետական բյուջեում ծախսերի և եկամուտների էական ավելացում կամ նվազեցում չի առաջացնում:

6. Կապը ռազավարական փասաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարութուններ

Նախագծի անհրաժեշտությունը պայմանավորված է  ՀՀ կառավարության 2021 թվականի նոյեմբերի 18-ի N 1902-Լ որոշման հավելվածի 1-ի  «Առողջապահության նախարարություն» բաժնի 9.2-րդ և «Հայաստանի Հանրապետության առողջապահության համակարգի 2023-2026 թվականների զարգացման» ՀՀ կառավարության 2023 թվականի փետրվարի 9-ի N 174-Լ հավելված 2 -ի որոշման 2.5. «Առողջապահության ոլորտի մարդկային ներուժ և կրթություն բաժնի»  2.5.1. «Բժշկական կրթության որակի բարելավում» ենթաբաժնի 3-րդ կետերով սահմանված «Առողջապահության բնագավառի մասնագի­տական գործունեության  հիմնական մասնագիտու­թյուն­ների և նեղ մաս­նա­գիտացումների ցանկե­րը սահմանելու մասին» Առողջապահության նա­խարարի հրամանի ընդունում» միջոցառումից:

2025 թվականի փետրվարի 17-ի թիվ 23-Ն ընդունվել է  «Առողջապահության բնագավառի մասնագի­տական գործունեության  հիմնական մասնագիտու­թյուն­ների  և նեղ մաս­նա­գիտացումների ցանկե­րը սահմանելու մասին» առողջապահության նախարարի հրամանը, ուստի անհրաժեշտություն է առաջացել  ուժը կորցնել  2014 թվականի սեպտեմբերի 4-ի  թիվ 952–Ն ՀՀ կառավարության որոշումը: