ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի №523-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
-
9 - За
-
3 - Против
ՀԻՄՆԱՎՈՐՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2019 ԹՎԱԿԱՆԻ ԴԵԿՏԵՄԲԵՐԻ 25-Ի №523-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
1․ Իրավական ակտի ընդունման անհրաժեշտությունը
Նախագծով առաջարկվող փոփոխությունները պայմանավորված են Հայաստանի Հանրապետության հանրային ծառայությունները կարգավորող հանձնաժողովի 2019 թվականի դեկտեմբերի 25-ի «Հայաստանի Հանրապետության էլեկտրաէներգետիկական շուկայի բաշխման ցանցային կանոնները հաստատելու և Հայաստանի Հանրապետության հանրային ծառայությունները կարգավորող հանձնաժողովի մի շարք որոշումներ ուժը կորցրած ճանաչելու մասին» №523-Ն որոշման հավելվածի (այսուհետ՝ ԷԲՑ կանոններ) 281-րդ կետով ամրագրված պահանջով, որի համաձայն՝ սկսած 2025 թվականից, բաշխողը սպառողի էլեկտրամատակարարումը պարտավոր է վերականգնել վթարային ընդհատման պահից ոչ ուշ, քան քաղաքային համայնքների վարչական տարածքի բնակավայրի սահմանում՝ 3 ժամում, իսկ գյուղական համայնքների վարչական տարածքի բնակավայրի սահմանում՝ 6 ժամում։
2․ Ընթացիկ իրավիճակը և խնդիրները
Հաշվի առնելով, որ էլեկտրաէներգիայի վերականգնման հիմնական ժամկետներն ամրագրված են ԷԲՑ կանոնների 135-րդ կետով, իսկ ԷԲՑ կանոնների 38-րդ գլխով, այդ թվում՝ տվյալ գլխի 281-րդ կետով սահմանվում են սպասարկման որակի ցուցանիշները, անհրաժեշտ է 2025 թվականի համար ԷԲՑ կանոնների 281-րդ կետով նախատեսված կարգավորումները սահմանել՝ հիմնական ժամկետները սահմանող դրույթում։ Համապատասխան փոփոխություն կատարվել է նաև ԷԲՑ կանոնների 281-րդ կետում, թողնելով միայն ապագայում կիրառվելիք կարգավորումները։
Միևնույն ժամանակ, հստակեցվել է ԷԲՑ կանոնների 115-րդ և 281-րդ կետերում նշված «արտապլանային ընդհատում» եզրույթը։
3․ Կարգավորման նպատակը և բնույթը
Նախատեսվող փոփոխությունները պայմանավորված են ԷԲՑ կանոնների 281-րդ կետով ամրագրված պահանջով։
4․ Նախագծի մշակման գործընթացում ներգրավված ինստիտուտները և անձինք
Նախագիծը լրամշակվել է Հայաստանի Հանրապետության հանրային ծառայությունները կարգավորող հանձնաժողովի կողմից։
5․ Ակնկալվող արդյունքը
Նախագծի լրամշակման արդյունքում նախատեսվում է հստակեցնել գործող իրավակարգավորումները, ինչպես նաև բարելավել բաշխողի և սպառողի կարգավորվող փոխհարաբերությունները։
-
Обсуждалось
19.02.2025 - 07.03.2025
-
Тип
Pешение
-
Область
Энергетика (системы электричество, теплоснабжение, газоснабжения)
-
Министерство
Комиссия по регулированию общественных услуг РА
Просмотры 550
Принт