ՀԻՄՆԱՎՈՐՈՒՄ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ ԱԲՈՎՅԱՆ ՀԱՄԱՅՆՔՈՒՄ ՃԱՆԱՊԱՐՀԱՅԻՆ ԵՐԹևԵԿՈՒԹՅԱՆ ԿԱԶՄԱԿԵՐՊՄԱՆ ՍԽԵՄԱՆ ՀԱՍՏԱՏԵԼՈՒ ՄԱՍԻՆ ԱԲՈՎՅԱՆ ՀԱՄԱՅՆՔԻ ԱՎԱԳԱՆՈՒ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՄԱՍԻՆ
«Հայաստանի Հանրապետության Կոտայքի մարզի Աբովյան համայնքում «ճանապարհային երթևեկության կազմակերպման սխեման հաստատելու մասին» Աբովյան համայնքի ավագանու որոշման նախագծը մշակվել է հիմք ընդունելով «Տեղական ինքնակառավարման մասին» օրենքի 18-րդ հոդվածի 1-ին մասի 4.3-րդ կետի և 35-րդ հոդվածի 1-ին մասի 19-րդ կետի և Հայաստանի Հանրապետության կառավարության 2006 թվականի հունիսի 29-ի N 1206-Ն որոշման պահանջները։
Իրավական ակտի ընդունման նպատակը և կարգավորման անհրաժեշտությունը.
Հայաստանի Հանրապետության Կոտայքի մարզի Աբովյան համայնքում ճանապարհային անվտանգ երթևեկությունն ապահովելու նպատակով համայնքի ղեկավարն իր լիազորությունների շրջանակներում պետք է կազմի և լիազոր մարմնի հետ համաձայնեցնելուց հետո համայնքի ավագանու հաստատմանը ներկայացնի համայնքում ճանապարհային երթևեկության կազմակերպման սխեման՝ ներհամայնքային, տեղական և հանրապետական տարանցիկ հատվածների ճանապարհների մասով:
Իրավական ակտի ընդունման կապակցությամբ այլ իրավական ակտերի ընդունման անհրաժեշտության մասին.
Նախագծի ընդունումն այլ իրավական ակտերի ընդունման կամ փոփոխություններ կատարելու անհրաժեշտություն չի առաջացնում:
Իրավական ակտի ընդունման կապակցությամբ բյուջեում եկամուտների և ծախսերի ավելացման և նվազեցման մասին.
Նախագծի ընդունման կապակցությամբ համայնքի բյուջեում ծախսերի նվազեցում ևեկամուտների ավելացում չի նախատեսվում:
Նախագծով առաջարկվող կարգավորումների բնույթն ու նպատակը.
Նախագիծը կրում է նորմատիվ բնույթ, քանի որ պարունակում է վարքագծի պարտադիր կանոններ համայնքի վարչական տարածքում անորոշ թվով անձանց համար և նպատակ է հետապնդում հասնելու Աբովյան համայնքի վարչական տարածքում ճանապարհային անվտանգ երթևեկության պահանջների հստակեցմանը և սահմանմանը։
Իրավական ակտի կիրառման դեպքում ակնկալվող արդյունքը.
Նախագծի ընդունման արդյունքում ակնկալվում է կարգավորել Աբովյան համայնքի վարչական տարածքում ճանապարհային անվտանգ երթևեկությունն։