«Հայաստանի Հանրապետության քրեական օրենսգրքում փոփոխություն և լրացում կատարելու մասին», «Առևտրի և ծառայությունների մասին» օրենքում լրացում կատարելու մասին», «Ոստիկանության մասին» օրենքում լրացում կատարելու մասին», «Ճանապարհային երթևեկության անվտանգության ապահովման մասին» օրենքում փոփոխություն և լրացումներ կատարելու մասին» և «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին» օրենքների նախագծեր

67%33%

2 - За
1 - Против

«Հայաստանի Հանրապետության քրեական օրենսգրքում փոփոխություն և լրացում կատարելու մասին» օրենքի նախագծով առաջարկվում է տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելու համար օրենքով սահմանված պատասխանատվության կիրառումից հետո` մեկ տարվա ընթացքում նույն արարքի կատարումը նախատեսել որպես հանցագործություն։

«Առևտրի և ծառայությունների մասին» օրենքում լրացում կատարելու մասին» օրենքի նախագծով նախատեսվում է արգելել 18 տարին չլրացած անձանց սառը զենքերին կառուցվածքով նմանվող իրերի և առարկաների վաճառքը, իսկ «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին» օրենքի նախագծով առաջարկվում է նախատեսել վարչական պատասխանատվություն 18 տարին չլրացած անձանց սառը զենքերին կառուցվածքով նմանվող իրեր և առարկաներ վաճառելու, ինչպես նաև՝ նշված անձանց այդ առարկաների կամ իրերի վաճառքին ներգրավելու համար։

Միաժամանակ, «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ և լրացումներ կատարելու մասին» օրենքի նախագծով առաջարկվում է ՀՀ քաղաքացուն ազատել վարչական պատասխանատվությունից, եթե իրավախախտումը հայտնաբերած պաշտոնատար անձը էլեկտրոնային համակարգի միջոցով հնարավորություն ունի ստուգել գործող վարորդական վկայականի առկայությունը։

«Ճանապարհային երթևեկության անվտանգության ապահովման մասին» օրենքում փոփոխություն և լրացումներ կատարելու մասին» օրենքի նախագծով առաջարկվում է սահմանել կարգավորում, որը հնարավորություն կտա՝ ՀՀ քաղաքացիների (այդ թվում՝ երկքաղաքացի հանդիսացող)՝ այլ երկրներում ստացած վարորդական վկայականները ՀՀ մուտք գործելու պահից մինչև 1 ամիս ժամկետով ճանաչել գործող, որը հնարավորություն կտա ապահովել հարցի վերաբերյալ ՀՀ վարչապետի հանձնարարականի կատարումը։

«Ոստիկանության մասին» օրենքում լրացում կատարելու մասին» օրենքի նախագծով ոստիկանության համար նախատեսվում է իրավունք, որը ոստիկանությանը հնարավորություն կտա՝ շարժական տեսաձայնագրող կամ լուսանկարահանող տեխնիկական միջոցներով նույնականացնելու ենթադրյալ վարչական իրավախախտում կատարած անձանց։

Обсуждалось

25.12.2024 - 09.01.2025
Тип

Закон
Область

Экономическая, Уголовное законодательство, Гражданское и коммерческое законодательство, Конституционное и административное законодательство, Защита общественного порядка, обеспечение общественной безопасности и общественная полиция, Безопасность дорожного движения, Административные правонарушения
Министерство

Министерство внутренних дел

Отправить письмо автору проекта

Ваше предложение будет опубликовано на сайте в течение 10 рабочих дней

Просмотры 2696

Принт

Предложения

Արա Սաղումյան

27.12.2024

Ներկայացված նախագծերի վերաբերյալ առարկություններ չունեմ, սակայն, օգտվելով առիթից, ցանկանում եմ ուշադրություն հրավիրել ներքոշարադրյալի վերաբերյալ: Վիեննայի՝ 1968 թ. «Ճանապարհային երթևեկության մասին» կոնվենցիայի «Վարորդական վկայականների գործողության կասեցումը» վերտառությամբ 42-րդ հոդվածում բազմիցս կիրառված է «վարորդական վկայականից օգտվելու իրավունքից զրկում» եզրույթը, իսկ մեր ներպետական օրենսդրությամբ կիրառվում է «վարելու իրավունքից զրկում» եզրույթը, որը նույնականացվում է վարորդական վկայականի ուժը կորցնելու հետ՝ համաձայն «Ճանապարհային երթևեկության անվտանգության ապահովման մասին» ՀՀ օրենքի (այսուհետ՝ Օրենք) 29-րդ հոդվածի: Օրենքի 29-րդ հոդվածի 4-րդ մասով սահմանված է, որ վարելու իրավունքը վերականգնվում է վարելու իրավունքը դադարելու հիմքը վերանալուց հետո` որակավորման քննությունները հանձնելուց հետո: Այս առումով հակված եմ կարծելու, որ կրկին որակավորման քննությունները հանձնելու պահանջը ժամանակին կիրառվել է կոռուպցիոն նկատառումներից ելնելով... Արտադատական կարգով վարորդական վկայականի ուժը կորցնելը տրամաբանական չեմ համարում հետևյալ պատճառաբանությամբ: Ենթադրենք հանրային ծառայողը դատական ակտով որոշակի ժամկետով զրկվել է որոշակի պաշտոն (եթե պաշտոնի անձնագրով սահմանված է նաև բարձրագույն կրթության պահանջ) զբաղեցնելու իրավունքից, ապա դա չի ենթադրում, որ բուհի շնորհած դիպլոմը ուժը կորցնում է և, պաշտոն զբաղեցնելու իրավունքը դադարելու հիմքը վերանալուց հետո, տվյալ անձը պետք է դարձյալ պետական ավարտական քննություններ հանձնի, դիպլոմային աշխատանքը պաշտպանի և կրկին ստանա բուհի դիպլոմ: Հետևաբար, առաջարկում եմ քննարկել Օրենքի 29-րդ հոդվածի 4-րդ մասում «որակավորման քննությունները հանձնելուց հետո» բառակապակցությունը ուժը կորցրած ճանաչելու վերաբերյալ հարցը:

Узнать больше