ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ ՓՈԽՎԱՐՉԱՊԵՏԻ 2019 ԹՎԱԿԱՆԻ ՀՈՒՆՎԱՐԻ 11-Ի N 3-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

1.

Ընթացիկ իրավիճակը և իրավական ակտի ընդունման անհրաժեշտությունը

      «Քաղաքացիական ծառայության մասին» 2018 թվականի մարտի 23-ի ՀՕ-205-Ն օրենքի (այսուհետ՝ Օրենք) 5-րդ հոդվածի 7-րդ մասի համապատասխան` 2019 թվականի հունվարի 11-ին ընդունվել է Հայաստանի Հանրապետության առաջին փոխվարչապետի «Քաղաքացիական ծառայության պաշտոնի գնահատման, դասակարգման, անվանումների, քաղաքացիական ծառայության պաշտոնների անձնագրերի կազմման, պաշտոնների ընդհանուր համակարգում տեղակայման, իրավունքների և պարտականությունների, անվանացանկի վարման, ինչպես նաև տվյալ քաղաքացիական ծառայության պաշտոնն զբաղեցնելու համար քաղաքացիական ծառայողին մասնագիտական գիտելիքների ու կոմպետենցիաների տիրապետման տեսանկյունից ներկայացվող պահանջներ սահմանելու մեթոդաբանությունը հաստատելու մասին» N 3-Ն որոշումը (այսուհետ՝ Որոշում): Որոշման հավելվածի Ցանկ N 3-ով սահմանվել են համապատասխան մարմինների պայմանանիշերը: Հաշվի առնելով այն հանգամանքը,  որ մի շարք համապատասխան մարմիններ վերակազմակերպվել կամ անվանափոխվել են, անհրաժեշտություն է առաջացել փոփոխություն կատարել Որոշման մեջ՝ հստակեցնելով համապատասխան մարմինների անվանումները և պայմանանիշերը:

2.

Կարգավորման նպատակը

   Որոշման նախագծով առաջարկվում է վերանայել համապատասխան մարմինների պայմանանիշերը:

3.

Նախագծի մշակման գործընթացում ներգրավված ինստիտուտները և անձինք

      Որոշման նախագիծը մշակվել է Վարչապետի աշխատակազմի քաղաքացիական ծառայության գրասենյակի կողմից:

4.

Ակնկալվող արդյունքը

     Որոշման նախագծի ընդունման արդյունքում «Քաղաքացիական ծառայության պաշտոնի գնահատման, դասակարգման, անվանումների, քաղաքացիական ծառայության պաշտոնների անձնագրերի կազմման, պաշտոնների ընդհանուր համակարգում տեղակայման, իրավունքների և պարտականությունների, անվանացանկի վարման, ինչպես նաև տվյալ քաղաքացիական ծառայության պաշտոնն զբաղեցնելու համար քաղաքացիական ծառայողին մասնագիտական գիտելիքների ու կոմպետենցիաների տիրապետման տեսանկյունից ներկայացվող պահանջներ սահմանելու մեթոդաբանությունը հաստատելու մասին» N 3-Ն որոշման մեջ համապատասխան մարմինների անվանումները կհամապատասխանեցվեն «Կառավարության կառուցվածքի և գործունեության մասին» և «Պետական կառավարման համակարգի մարմիների մասին»  օրենքներին:

5․

Նախագծի ընդունման կապակցությամբ լրացուցիչ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին     

Որոշման նախագծի ընդունմամբ լրացուցիչ ֆինանսական միջոցների անհրաժեշտություն չի առաջանում կամ պետական բյուջեում ծախսերի և եկամուտների էական ավելացումներ կամ նվազեցումներ չեն նախատեսվում։

6․

Կապը ռազմավարական փաստաթղթերի հետ

Ոորոշման նախագծի ընդունումը չի բխում որևէ ռազմավարական փաստաթղթից։