ՀԻՄՆԱՎՈՐՈՒՄ
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՆՏԵՍԱԿԱՆ ՔԱՂԱՔԱԿԱՆՈՒԹՅԱՆ ՀԱՅԵՑԱԿԱՐԳԸ ՀԱՍՏԱՏԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ (ԱՅՍՈՒՀԵՏ՝ ՆԱԽԱԳԻԾ) ԸՆԴՈՒՆՄԱՆ
- Իրավական ակտի ընդունման անհրաժեշտությունը (նպատակը)
Նախագծի ներկայացվում է ի կատարումն ՀՀ կառավարության 2022թ․ նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների N1902-L որոշման 1-ին կետի 1-ին ենթակետով հաստատված Հավելված 1-ի «ՀՀ էկոնոմիկայի նախարարություն» բաժնի «1.1 Տնտեսական զարգացման քաղաքականության մշակում և իրականացում «Տնտեսական զարգացման քաղաքականությունը հաստատելու մասին» ՀՀ կառավարության որոշման հաստատում միջոցառման։
Նպատակն է սահմանել Հայաստանի Հանրապետության տնտեսական զարգացման քաղաքականության գերակայությունները՝ արձանագրելով տնտեսական քաղաքականության կարևորագույն հենասյուները, որոնց համատեքստում է անհրաժեշտ դիտարկել ոլորտային ընթացիկ և հաջորդող ռազմավարությունները։
- Ընթացիկ իրավիճակը և խնդիրները.
Վերջին տարիներին համաշխարհային տնտեսությունում տեղի ունեցող սրընթաց գործընթացներն իրենց ազդեցությունն են թողնում Հայաստանի տնտեսության վրա։ Վերջինիս գումարվեցին նաև կովիդի համավարակը և Արցախյան 44-օրյա պատերազմի հետևանքները, ինչպես նաև ռուս–ուկրաինական պատերազմը։
Հայաստանի տնտեսության զարգացման տեսանկյունից կարևոր է տնտեսական նոր իրողությունների շրջանակում տնտեսական զարգացման համապարփակ ռազմվավարության հաստատումը, ինչը հիմք կհանդիսանա ինչպես ընդհանուր, այնպես էլ՝ ոլորտային հետագա հայեցակարգերի, ռազմավարությունների և համապատասխան ծրագրերի մշակման համար։
Սույն հայեցակարգով կարևորվում են ինչպես ՀՀ տարածքների համաչափ տնտեսական զարգացումը, այնպես էլ՝ սոցիալական ուղղվածություն ունեցող ոլորտներում տնտեսական և գործարարության կոմպոնենտների ձևավորումն ու զարգացումը, ինչը ենթադրում է համապատասխան ոլորտային տնտեսական քաղաքականությունների մշակում և իրականացում, դրանց ներքո նոր գործիքակազմերի մշակում և կիրառում։ Վերոնշյալ քաղաքականությունների իրականացումը կհանգեցնի այդ ոլորտների ոչ միայն սոցիալական, այլ նաև՝ տնտեսական զարգացմանը, դրանով իսկ առավել բարձրացնելով մատուցվող ծառայությունների որակը։
- Առաջարկվող կարգավորման բնույթը
Սույն նախագծով առաջարկվում է սահմանել տնտեսական զարգացման հիմնական գերակայությունները, որոնք հիմք կհանդիսանան հետագա հայեցակարգերի, ռազմավարությունների ու ռազմավարական ծրագրերի և համապատասխան միջոցառումների մշակման համար։
- Նախագծի մշակման գործընթացում ներգրավված ինստիտուտները և անձիք.
Նախագիծը մշակվել է Հայաստանի Հանրապետության էկոնոմիկայի նախարարության կողմից:
- Իրավական ակտի կիրառման դեպքում ակնկալվող արդյունքները
Հայեցակարգի ընդունումը կնպաստի ՀՀ կառավարության 2021 թվականի օգոստոսի 18-ի «ՀՀ կառավարության ծրագրի մասին» N1363-Ա որոշմամբ և ՀՀ կառավարության 2021թ․ նոյեմբերի 18-ի N1902-Լ որոշմամբ հաստատված ՀՀ կառավարության 2021-2026թ․թ․ գործունեության միջոցառումների տնտեսական զարգացման թիրախների ապահովմանը։
- Այլ տեղեկություններ
Նախագծի ընդունման դեպքում պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների ավելացումներ կամ նվազեցումներ չեն նախատեսվում:
- Կապը ռազմավարական փաստաթղթերի հետ․
ՀՀ կառավարության 2022թ․ նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների N1902-L որոշման 1-ին կետի 1-ին ենթակետով հաստատված Հավելված 1-ի «ՀՀ էկոնոմիկայի նախարարություն» բաժնի «1.1 Տնտեսական զարգացման քաղաքականության մշակում և իրականացում «Տնտեսական զարգացման քաղաքականությունը հաստատելու մասին» ՀՀ կառավարության որոշման հաստատում» միջոցառում։
ՀՀ կառավարության 2021թ․ օգոստոսի 18-ի «ՀՀ կառավարության ծրագրի մասին» N 1363-Ա որոշմամբ հաստատված հավելվածի «2. Տնտեսություն», «3․ Ենթակառուցվածքների զարգացում» և «4․ Մարդկային կապիտալի զարգացում» բաժիններ։
«Հայաստանի վերափոխման ռազմավարություն 2050» փաստաթղթի մեգանպատակներ և գործողություններ։