«Հայաստանի Հանրապետության տարածք ներմուծվող՝ ԱՏԳ ԱԱ 2204, 2205, 2206, 2207, 2208, 2402 ծածկագրերին դասվող ապրանքների փաստաթղթավորման կարգն ու արտահանման ժամկետները սահմանելու մասին» Հայաստանի Հանրապետության կառավարության որոշման նախագիծ

Ապրանքների դրոշմավորման կանոնները սահմանված են ՀՀ հարկային օրենսգրքի 394-րդ հոդվածով, որի 6-րդ մասի համաձայն՝ ՀՀ տարածք ներմուծվող` ԱՏԳ ԱԱ 2204, 2205, 2206 00, 2207, 2208, 2402 ծածկագրերին դասվող ապրանքների՝ ակցիզային դրոշմանիշերով դրոշմավորումն իրականացվում է մինչև այդ ապրանքների՝ ՀՀ տարածք ներմուծումը, բացառությամբ նույն մասով սահմանված դեպքերի: 24.11.2022թ. ՀՕ-454-Ն օրենքով վերոնշյալ մասը լրացվել է նոր պարբերությամբ, որի համաձայն՝ նույն մասի առաջին պարբերությամբ սահմանված դրոշմավորման կանոնը չի կիրառվում ՀՀ տարածք ներմուծվող՝ ԱՏԳ ԱԱ 2204, 2205, 2206, 2207, 2208, 2402 ծածկագրերին դասվող և Կառավարության սահմանած կարգով փաստաթղթավորված այն ապրանքների նկատմամբ, որոնք հետագայում Կառավարության սահմանած ժամկետներում արտահանվելու են ՀՀ-ից։