«Հայաստանի Հանրապետության պետական սահմանը oդային տարածությունում պահպանելիս հակաօդային պաշտպանության զորքերի կողմից հակաօդային պաշտպանության միջոցների օգտագործման կարգը հաստատելու մասին» Կառավարության որոշման նախագիծ

Տեղեկանք-հիմնավորում

«Հայաստանի Հանրապետության պետական սահմանը oդային տարածությունում պահպանելիս հակաօդային պաշտպանության զորքերի կողմից հակաօդային պաշտպանության միջոցների օգտագործման կարգը հաստատելու մասին» Կառավարության որոշման նախագծի

1. Իրավական ակտի անհրաժեշտությունը

Որոշման նախագծի ընդունումը պայմանավորված է պայմանավորված է ՀՀ Ազգային ժողովի «Պետական սահմանի մասին» Հայաստանի Հանրապետության օրենքում լրացում կատարելու մասին» 10.12.2021թ. ՀՕ-375-Ն օրենքով կատարված լրացման կիրարկումը, ինչպես նաև ՀՀ վարչապետի 12.01.2022թ. N 25-Ա որոշման կատարումն ապահովելու անհրաժեշտությամբ:

2. Ընթացիկ իրավիճակը և առկա խնդիրները

Պետական սահմանի մասին» Հայաստանի Հանրապետության օրենքում լրացում կատարելու մասին» 10.12.2021թ. ՀՕ-375-Ն օրենքով «Պետական սահմանի մասին» Հայաստանի Հանրապետության օրենքի 29-րդ հոդվածը լրացվել է 3-րդ մասով, որի համաձայն հակաօդային պաշտպանության զորքերի կողմից հակաօդային պաշտպանության միջոցների օգտագործման կարգը սահմանելու լիազորությունը վերապահվել է Հայաստանի Հանրապետության կառավարությանը:

Նախագծով նախատեսվում է հակաօդային պաշտպանության միջոցների օգտագործման շրջանակներում կարգավորել սահմանված կանոնների խախտմամբ ՀՀ պետական սահմանը հատած (հատող) օդանավերի կամ այլ թռչող սարքերի (այսուհետ՝ օդանավ-խախտողներ) հետ կապի հաստատման և համապատասխան ցուցումներ տալու  (այդ թվում՝ կործանիչների կողմից), չկանխամտածված կամ արտակարգ իրավիճակներում օդային սահմանը խախտած օդանավերին կողմոնորշման նպատակով օգնություն ցուցաբերլու, ռազմական ավիացիայի և վերգետնյա կառավարման կետերի կողմից հակօդային պաշտպանության միջոցների օգտագործումից առաջ նախազգուշացման նպատակով ռադիո և տեսողական ազդանշանների տրման, պետական սահմանի խախտումը կանխելու և կասեցնելու, առևանգված օդանավի կամ թռչող այլ սարքի կողմից օդային սահմանի խախտման դեպքում ռազմական ավիացիայի և վերգետնյա կառավարման կետերի կողմից ռադիոհրահանգների ու տեսողական ազդանշանների տրման, ինչպես նաև ՀՀ օդային տարածքում ահաբեկչական գործողությունների սպառնալիքների չեզոքացման նպատկաով օդանավ-խախտողին ոչնչացնելու գործընթացը: 

3. 3. Կարգավորման նպատակը և բնույթը

Նախագծով նախատեսվում է «Պետական սահմանի մասին» օրենքի 29-րդ հոդվածի 3-րդ մասի համաձայն սահմանել Հայաստանի Հանրապետության պետական սահմանը oդային տարածությունում պահպանելիս հակաօդային պաշտպանության զորքերի կողմից հակաօդային պաշտպանության միջոցների օգտագործման հետ կապված հարաբերությունները:

4. Լրացուցիչ ֆինանսական միջոցների անհրաժեշտությունը և պետական բյուջեի եկամուտներում ու ծախսերում սպասվելիք փոփոխությունները

Որոշման նախագծի ընդունումը 2021 թվականի պետական բյուջեում լրացուցիչ ֆինանսական միջոցների անհրաժեշտության և պետական բյուջեի եկամուտներում ու ծախսերում փոփոխությունների չի հանգեցնում:

5. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

          Որոշման նախագիծը կապված չէ ռազմավարական կամ ոլորտային այլ փաստաթղթերի հետ: