В стадии разработки
0 - За
0 - Против
Իրավական ակտի ընդունման անհրաժեշտությունը պայմանավորված է ՀՀ վարչապետի հանձնարարականով: Հայեցակարգի նպատակն է հանրակրթության բոլոր մակարդակներում հստակեցնել օտար լեզուների դասավանդման խնդիրները` օտար լեզուների խորացված ուսուցմամբ դպրոցների օտար լեզվի դասաժամերի բաշխումը ուսուցիչների վերապատրաստման ձևաչափի փոփոխություն և օտար լեզուների ուսուցիչներին ներկայացվող չափորոշչային պահանջների սահմանում և համապատասխան մեթոդաբանության մշակման այլ խնդիրներ: Նպատակն է ապահովել իրական գործնական արդյունք, այն է՝ օտար լեզվով հաղորդակցության հիմքերի ստեղծում, անձի հոգևոր և մտավոր զարգացում: Ուսումնադաստիարակչական ամբողջ գործընթացը օտար լեզուների ուսուցման պարագայում ուղղված է հաղորդակցական կոմպետենցիայի ձևավորմանը, որը դիտարկվում է որպես օտար լեզուների ուսուցման/ուսումնառության գլխավոր նպատակ և իրականացվում է հանրակրթական դպրոցի բոլոր աստիճաններում (տարրական, միջին և ավագ):
1.1. Կարգավորման հարաբերությունների ներկա վիճակը և առկա խնդիրները
1.2. Առկա խնդիրների առաջարկվող լուծումները
Ապահովել օտար լեզվի ուսումնառությունը դպրոցներում, տարբեր առարկայական ծրագրերում օտար լեզվի ուսուցման ինտեգրման սկզբունքով: Օտար լեզվի ուսուցումը սովորողներին հնարավորություն կտա ձեռք բերելու գիտելիք ու հմտություններ՝ միմյանց հետ արդյունավետ համագործակցելու, գիտելիքներ ստանալու տվյալ երկրի, ժողովրդի, նրա պատմության ու մշակույթի ամենաբնորոշ երևույթների մասին:
Օտար լեզվի ուսուցմամբ զարգացնել սովորողի բանավոր և գրավոր հաղորդակցման կարողությունները:
Կրթության բոլոր մակարդակներում լիարժեքորեն կապահովվի օտար լեզվի ուսուցման կազմակերպումն ու զարգացումը: Սովորողների մոտ կձևավորվի լեզվամտածողություն, կստեղծվեն հնարավորություններ՝ արդյունավետ համագործակցության համար:
ՏԵՂԵԿԱՆՔ 1
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՈՒՄ ՕՏԱՐ ԼԵԶՈՒՆԵՐԻ ԴԱՍԱՎԱՆԴՄԱՆ ՀԱՅԵՑԱԿԱՐԳԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ԱՅԼ ԻՐԱՎԱԿԱՆ ԱԿՏԵՐԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՄԱՍԻՆ
«Հայաստանի Հանրապետության հանրակրթական ծրագրեր իրականացնող ուսումնական հաստատությունում օտար լեզուների դասավանդման հայեցակարգին հավանություն տալու մասին» ՀՀ կառավարության որոշման ընդունման կապակցությամբ այլ իրավական ակտերի ընդունման անհրաժեշտություն չի ծագում:
ՏԵՂԵԿԱՆՔ 2
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՈՒՄ ՕՏԱՐ ԼԵԶՈՒՆԵՐԻ ԴԱՍԱՎԱՆԴՄԱՆ ՀԱՅԵՑԱԿԱՐԳԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ՊԵՏԱԿԱՆ ԿԱՄ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄՆԻ ԲՅՈՒՋԵՈԻՄ ԾԱԽՍԵՐԻ ԵՎ ԵԿԱՄՈՒՏՆԵՐԻ ԷԱԿԱՆ ԱՎԵԼԱՑՄԱՆ ԿԱՄ ՆՎԱԶԵՑՄԱՆ ՄԱՍԻՆ
«Հայաստանի Հանրապետության հանրակրթական ծրագրեր իրականացնող ուսումնական հաստատությունում օտար լեզուների դասավանդման հայեցակարգին հավանություն տալու մասին» ՀՀ կառավարության որոշման ընդունման կապակցությամբ պետական կամ տեղական ինքնակառավարման մարմնի բյուջեում ծախսերի և եկամուտների էական ավելացում կամ նվազեցում չի նախատեսվում:
Обсуждалось
31.07.2017 - 20.08.2017
Тип
Протокольное решение
Область
Образование и наука
Министерство
Министерство образования, науки, культуры и спорта
Просмотры 15918
Принт31.07.2017
Պետք է ավելացնել և ռուսաց , և մյուս լեզուների դասաժամերը, բայց պետք է կատարել աստիճանաբար: Եթե ուզում ենք լավ արդյունք, ապա երկրորդ դասարանից սկսած ամեն օր դասավանդվի ռուսաց լեզու, որպեսզի հիմքը լավ դրվի: Հաջորդ դասարանում նույն ձևով վերաբերվել նաև մյուս լեզուների հետ: Միջին դպրոցում այժմ կարելի է խմբակների ժամերը հատկացնել: