Հանրային կառավարման բարեփոխումների մինչև 2030 թվականի ռազմավարության փաթեթը հաստատելու մասին

Նախագիծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո  Ր  Ո  Շ  Ո Ւ  Մ

հուլիսի 2021 թվականի  N    - Լ

ՀԱՆՐԱՅԻՆ ԿԱՌԱՎԱՐՄԱՆ ԲԱՐԵՓՈԽՈՒՄՆԵՐԻ ՄԻՆՉԵՎ 2030 ԹՎԱԿԱՆԻ ՌԱԶՄԱՎԱՐՈՒԹՅԱՆ ՓԱԹԵԹԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության Սահմանադրության 146-րդ հոդվածով և Հայաստանի Հանրապետության կառավարության 2019 թվականի փետրվարի 8-ի N 65-Ա որոշմամբ՝ Հայաստանի Հանրապետության կառավարությունը որոշում է.

1. Հաստատել «Հանրային կառավարման բարեփոխումների մինչև 2030 թվականի ռազմավարության փաթեթը»` համաձայն N 1 հավելվածի, ներառյալ՝

1) Ռազմավարական տեսլականը, բարեփոխումների օրակարգ. փուլ 1-ը և հանրային կառավարման բարեփոխումների կառավարումը,

2) Հավելված 1. ՀԿԲ ռազմավարության 2021 – 2023 թթ․ ճանապարհային քարտեզը,

3) Հավելված 2. ՀԿԲ ռազմավարության 2021 – 2023 թթ․ արդյունքային շրջանակը։

2. Հանրային կառավարման բարեփոխումների ոլորտը համակարգող փոխվարչապետին՝ ճանապարհային քարտեզով սահմանված ժամկետների համաձայն ապահովել՝

1) Հանրային կառավարման բարեփոխումների համակարգման ժամանակավոր թիմի և գրասենյակի ձևավորումը,

2) Հանրային կառավարման բարեփոխումների ռազմավարության 2021–2023 թթ. ճանապարհային քարտեզի մանրամասն ծախսային գնահատումը,

3) Հանրային կառավարման բարեփոխումների շուրջ զարգացման գործընկերների հետ երկխոսությունը և գործընկերության միասնական շրջանակի ձևավորումը,

4) Հանրային կառավարման բարեփոխումների իրազեկման և հաղորդակցության ծրագրի մշակումը:

3. Սույն որոշմամբ հաստատված՝ ՀԿԲ ռազմավարության 2021 - 2023 թթ. ճանապարհային քարտեզով նախատեսված գործողությունների՝ Հայաստանի Հանրապետության պետական բյուջեի միջոցներից ֆինանսավորումը նախատեսել տվյալ տարվա բյուջեի նախագծում:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՊԱՇՏՈՆԱԿԱՏԱՐ                                                                                          ՆԻԿՈԼ ՓԱՇԻՆՅԱՆ