Հայաստանի Հանրապետության միգրացիայի քաղաքականության 2017-2021 թվականների ռազմավարության արդյունավետ իրականացումն ապահովող միջոցառումների ծրագիրը հաստատելու մասին

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

_______________ 2017 թվականի  N  _____ – Ն 

  ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻԳՐԱՑԻԱՅԻ ՔԱՂԱՔԱԿԱՆՈՒԹՅԱՆ 2017-2021 ԹՎԱԿԱՆՆԵՐԻ ՌԱԶՄԱՎԱՐՈՒԹՅԱՆ ԱՐԴՅՈՒՆԱՎԵՏ ԻՐԱԿԱՆԱՑՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

-----------------------------------------------------------------------------------------------

Հայաստանի Հանրապետության կառավարությունը ո ր ո շ ու մ է.

1. Հաստատել Հայաստանի Հանրապետության միգրացիայի քաղաքականության 2017-2021 թվական­ների ռազմավարության արդյունավետ իրականացումն ապահովող միջոցառումների ծրագիրը (այսուհետ` Ծրագիր)` համաձայն N 1 հավելվածի:
2. Սահմանել, որ Հայաստանի Հանրապետության պետական կառավարման մար­մինները Հայաստանի Հանրապետության կառավարության գոր­ծունեության յուրաքանչյուր տարվա միջոցառումների ծրագրի նախագծի մշակման ժամանակ միգրացիոն քաղաքականության մասով հիմք են ընդունում նաև Ծրագրում համապատասխան պետական կառավարման մարմնի համար սահմանված տվյալ տարվա միջոցառումները:
3. Հայաստանի Հանրա­պետության համապատասխան պետական մարմինների ղեկավարներին` Ծրագրի միջոցառումների ապահովման նպատակով Հայաստանի Հանրապետության պետական բյուջեում անհրաժեշտ ծախսերի նախատեսման հնարավորության հարցը քննարկել յուրաքանչյուր տարվա բյուջետային գործընթացի շրջանակում:
4. Ստեղծել Ծրագրի մոնիթորինգի միջգերատեսչական հանձնաժողով և հաստատել դրա կազմը՝ համաձայն N 2 հավելվածի:
5. Ծրագրի իրականացման ընդհանուր ղեկավարումը վերապահել Հայաստանի Հանրապետության տարածքային կառավարման և զարգացման նախարարին, իսկ հանձնաժողովի աշխատանքների համակարգումը՝ Հայաստանի Հանրապետության տարածքային կառավարման և զարգացման նախարարության միգրացիոն պետական ծառայության պետին:
6. Միջգերատեսչական հանձնաժողովի կազմում ընդգրկված հանրապետական գործադիր  մարմինների  ղեկավարներին միջգերատես­չական հանձ­նա­­­ժո­ղովում  ընդգրկելու նպատակով`  սույն որոշումն ուժի մեջ մտնելուց հետո 15-օրյա  ժամկետում ՀՀ տարածքային կառավարման և զարգացման նախարարին ներկայացնել տվյալ հանրապետական գործադիր  մարմնում միգրացիոն հարցերով պատասխանատու պաշտոնյայի թեկնածություն: 
7. ՀՀ տարածքային կառավարման ու զարգացման նախարարին` սույն որոշումն ուժի մեջ մտնելուց հետո մեկամսյա ժամ­կետում հաստատել միջգերատես­չական հանձնա­ժողովի աշխատա­կարգը, անհատական կազմը, հասարակական կազմակերպությունների ներկայացուցիչների և անհատ խորհրդատուների ընտրությանն  ներկայացվող պահանջները:
8. Սահմանել, որ միջգերատեսչական հանձնա­ժողովի գործունեու­թյան ապահով­ման կազմակերպատեխնիկական սպասարկումն իրականաց­նում է Հայաստանի Հանրա­պետության տարածքային կառավարման և զարգացման նախարարության միգրացիոն պետական ծառայությունը:
9. Սույն որոշմամբ հաստատված ծրագրի պատասխանատու կատարող պետական կառավարման մարմինների ղեկավարներին` սույն որոշումն ուժի մեջ մտնելուց հետո ամենամյա պարբերականությամբ՝ միջգերատեսչական հանձնաժողովին ներկա­յաց­­նել իրենց կողմից իրականացված միջոցառումների կատարման մասին հաշվետվու­թյուն` յուրաքանչյուր տարվա ավարտից հետո մինչև փետրվարի 15-ը:
10. Հայաստանի Հանրապետության տարածքային կառավարման և զարգացման նախարա­րության միգրացիոն պետական ծառայության պետին` յուրաքանչյուր տարվա ավարտից հետո երկամսյա ժամկետում Հայաստանի Հանրապետության կառավարություն ներ­կայացնել ծրագրի իրականացման աշխատանքների մասին հաշվետվություն:
11. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ

 ՎԱՐՉԱՊԵՏ                                                              Կ. ԿԱՐԱՊԵՏՅԱՆ

             2017 թ. .................

                        Երևան