«Հայաստանի Հանրապետության կառավարության 2016 թվականի դեկտեմբերի 29-ի թիվ 1313-Ն որոշման մեջ փոփոխություններ և լրացումներ կատարելու և գումար հատկացնելու մասին» ՀՀ կառավարության որոշման նախագիծ

1.

Անհրաժեշտությունը

        Որոշման նախագծի ընդունումը պայմանավորված է Հայաստանի Հանրապետության Նախագահի 2009 թվականի սեպտեմբերի 25-ի ՆԿ-161-Ն կարգադրությամբ հաստատված մթնոլորտի և մթնոլորտային երևույթների վրա ակտիվ ներգործության, Հայաստանի Հանրապետության կառավարության 2017 թվականի ապրիլի 13-ի թիվ 15-32 արձանագրային որոշմամբ հավանության արժանացած բնակլիմայական աղետներից գյուղատնտեսությանը հասցվող վնասների կանխարգելման հայեցակարգերի և  Հայաստանի Հանրապետության վարչապետի 2017 թվականի մարտի 23-ի թիվ 29.6/398554)-17 (12) հանձնարարականի կատարումն ապահովելու անհրաժեշտությամբ:

2.

Ընթացիկ իրավիճակը և խնդիրները

Հայաստանի Հանրապետությունում բնական տարբեր աղետներից` գարնանային ցրտահարություններից, կարկտահարությունից գյուղատնտեսական մշակաբույսերի և բազմամյա տնկարկների տարածքներ, որը խիստ բացասաբար է անդրադառնում գյուղատնտեսությամբ զբաղվող տնտեսվարողների հետագա արտադրական գործունեության ու սոցիալական  վիճակի վրա: Միայն 2016 թվականի ընթացքում կարկտահարություններից գյուղատնտեսությանը հասցվել է մոտ 34 մլրդ. դրամի վնաս:

    Կարկտահարություններից առաջացած վնասների կանխարգելման ներկա վիճակի վերլու­ծությունը փաստում  է, որ այս բնագավառում հրատապ անհրաժեշտություն է առաջացել  հակակարկտային պաշտպանության նոր եղանակների կիրառումը:

         Հրթիռային պաշտպանության նոր եղանակի ներդրման աշխատանքները սկսելու կապակցությամբ անհրաժեշտություն է առաջացել սույն ՀՀ կառավարության որոշման նախագծի ընդունումը:

3.

Տվյալ բնագավառում իրականացվող քաղաքականություն

գյուղատնտեսու­թյան  ոլորտում բնակլիմայական աղետների վնասների կանխարգելմանը կարևոր դեր է հատկացվում ոլորտում տարվող պետական քաղաքա­կանության մեջ: Մասնավորապես, Հայաս­տանի Հանրա­պե­տության 2014-2025 թվականների Հեռանկարային զարգացման ռազմավարա­կան ծրագրի կարևոր խնդիրներից է նաև գյուղատնտեսական  ռիսկերի մեղմա­ցումը:

Սույն որոշման նախագիծը համահունչ է աղետների ռիսկի նվազեցման Սենդայի 2015-2030 թվականների գործողությունների ծրագրի գերակա ուղղություններին և ՄԱԿ-ի Գլխավոր Ասամբլեայի կողմից 2015 թվականի սեպտեմբերի 25-ին ընդունված Փոխակերպելով աշխարհը. մինչև 2030 թվականը կայուն զարգաց­ման օրակարգը բանաձևի աղետների ռիսկի կառավարման և աղետներին դիմակայունության  միջոցառում­ներին:

4.

Կարգավորման նպատակը և բնույթը

Որոշման նախագծի ընդունման նպատակը պայմանավորված է ընթացիկ տարում հրթիռային պաշտպանության նոր եղանակի ներդրման աշխատանքները սկսելու կապակցությամբ:

5.

Նախագծի մշակման գործընթացում ներգրավված ինստիտուտները

     Իրավական ակտի նախագիծը մշակվել է Հայաստանի Հանրապետության արտակարգ իրավիճակների նախարարությունում:

6.

Ակնկալվող արդյունքը

     Նշված որոշման ընդունումը կնպաստի գյուղատնտեսական արտադրանքի կորուստների նվազեցմանը և գյուղատնտեսությունում տնտեսավարողների գործու­նեության համար բարենպաստ պայմանների ստեղծմանը, եկամուտների ավելաց­մանը և գյուղում աղքատության հաղթա­հարմանը, հնարավորություններ կստեղ­ծի գյուղատնտեսության առկա ռեսուրսային ներուժի օգտագործման և շուկայի պա­հանջ­ներին համապատասխան արտադրության ծավալների ապահովման համար, կխթանի   հանրապետության գյուղատնտեսու­թյան հետագա զարգացումը, արդյունավետության ու մրցունակության բարձրացումը և արդյունքում՝ կնպաստի երկրի պարենային անվտան­գության հիմնախնդրի աստիճանական լուծմանը: