10 - За
5 - Против
Սույն Նախագծի նպատակն է դեղատոմսային դեղերի դուրս գրման և դեղատնից դրանց բաց թողնելու կարգի աստիճանական ներդրման արդյունքում ապահովել ավելի մեղմ անցում դեպի նոր կարգավորիչ դաշտ:
Обсуждалось
27.03.2019 - 12.04.2019
Тип
Pешение
Область
Здравоохранение
Министерство
Министерство здравоохранения
Просмотры 15438
Принт09.04.2019
22. Հաշվի առնելով, որ «Հայաստանի Հանրապետությունում դեղերի առաքմանը ներկայացվող տեխնիկական և մասնագիտական պահանջները սահմանելու մասին» ՀՀ կառավարության որոշմամբ թույլատրվում է դեղատոմսով բացթողնվող դեղերի առաքումը, ուստի անհրաժեշտ է համապատասխան ընթացակարգ նախատեսել նաև նշված դեպքի համար:
09.04.2019
21. Առաջարկվում է Որոշման նախագծի N 1 հավելվածի 72-րդ կետը հանել՝ հաշվի առնելով, որ ՀՀ քաղաքացիական օրենսգրքի համաձայն՝ քաղաքացու գործունակությունը լրիվ ծավալով ծագում է չափահաս (18 տարեկան) դառնալու պահից, իսկ մինչև այդ անչափահասը քաղաքացիաիրավական հարաբերություններին մասնակցում է իր օրինական ներկայացուցիչների միջոցով: Միևնույն ժամանակ «Բնակչության բժշկական օգնության և սպասարկման մասին» ՀՀ օրենքի 7-րդ հոդվածի 3-րդ մասի համաձայն՝ 18 տարին չլրացած կամ օրենքով սահմանված կարգով անգործունակ ճանաչված պացիենտների առողջական վիճակի մասին տեղեկությունները տրվում են նրանց օրինական ներկայացուցիչներին: Վերոգրյալից հետևում է, որ բժշկական օգնություն և սպասարկում ստանալիս, այդ թվում՝ դեղատոմսեր բաց թողնելիս, անչափահասի անունից հանդես են գալիս նրա օրինական ներկայացուցիչները:
09.04.2019
20. Առաջարկվում է Որոշման նախագծի N 1 հավելվածի 60-րդ կետը խմբագրել՝ հաշվի առնելով, որ նպատակահարմար չէ դեղատան աշխատակցին վերապահել լիազորություն անվավեր ճանաչելու բուժաշխատողի կողմից ստորագրված դեղատոմսը, ինչպես նաև յուրաքանչյուր դեպքում բժշկին կամ անասնաբույժին տեղյակ պահելու վերջինիս պարտականության սահմանումը: