ՍՊՈՐՏԻ ԿԱՌԱՎԱՐՄԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՎԱՐՄԱՆ ԵՎ ՍՊՈՐՏԻ ՈԼՈՐՏԻ ՊԵՏԱԿԱՆ ՎԱՐՉԱԿԱՆ ՌԵԳԻՍՏՐՆԵՐԻ ՄՇԱԿՄԱՆ, ՆԵՐԴՐՄԱՆ ՈՒ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Տ Ե Ղ Ե Կ Ա Ն Ք -  Հ Ի Մ Ն Ա Վ Ո Ր Ո Ւ Մ

ՍՊՈՐՏԻ ԿԱՌԱՎԱՐՄԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՎԱՐՄԱՆ ԵՎ 

ՍՊՈՐՏԻ ՈԼՈՐՏԻ ՊԵՏԱԿԱՆ ՎԱՐՉԱԿԱՆ ՌԵԳԻՍՏՐԻ ՄՇԱԿՄԱՆ, ՆԵՐԴՐՄԱՆ ՈՒ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

1.      Անհրաժեշտությունը

Սպորտի կառավարման տեղեկատվական համակարգի վարումը և պետական վարչական ռեգիստրի մշակումը, ներդրումն ու վարումը անհրաժեշտ է, քանի որ ապահովում է տվյալների կենտրոնացումն ու իրավական կարգավորումը, ինչպես նաև բարձրացնում է արդյունավետությունը՝ միաժամանակ ապահովելով կառավարման համակարգված և միջազգային ստանդարդներին համապատասխան թափանցիկ և արդյունավետ կառավարում։

2.    Ընթացիկ վիճակը և խնդիրները

  Սպորտի ոլորտում տվյալների հավաքագրումը և պահպանումը հաճախ իրականացվում է տարբեր կազմակերպություններում՝ առանց միասնական համակարգի։ Ստացված տեղեկատվությունը մասնակի է, երբեմն էլ թերի շատ հաճախ էլ ոչ թարմացված: Տեղեկատվական տվյալներ պարունակող միակ բազան գեներացված է թղթային եղանակով ինչը ոչ միշտ է արագացնում որոշումների կայացման գործընթացն ու համակարգված աշխատանքի կայուն որակը, երբեմն էլ մարզական կազմակերպությունների, մարզիկների և միջոցառումների մասին տվյալները հաճախ չեն համադրվում իրար հետ և  ամբողջական պատկեր ստանալը, վերլուծելն ու մշակելը դառնում է չափից ավելի դժվար: Խնդիր է դառնում ավելորդ վարչարարությունը, ժամանակի վատնումը, իսկ թղային տարբերակով աշխատելը նվազեցնում է թափանցիկությունն ու վերահսկողությունը:

3.    Տվյալ բնագավառում իրականացվող քաղաքականությունը

Սպորտի բնագավառում Հայաստանի Հանրապետության կառավարության որդեգրած քաղաքականությունն առաջին հերթին ձևաորվում է 2024-2030թթ․ զարգացման ռազմավարության հիման վրա, որը ուղղված է մասսայական սպորտի տարածման միջոցով բնակչության առողջության ամրապնդմանը և միջազգային մրցունակության բարձրացմանը:

Նշված հրամանով հաստատված կարգը Ֆիզիկական կուլտուրայի և սպորտի ազգային համակարգի կատարելագործման գործում կարևոր քայլ կհանդիսանա:

4.Կարգավորման բնույթը և նպատակը

Կարգավորման հիմք հանդիսանալով՝ սահմանվում է սպորտի կառավարման տեղեկատվական համակարգի և պետական վարչական ռեգիստրի մշակման, վարման և ներդրման սկզբունքները: Այն ունի վարչական-իրավական բնույթ և ապահովում է․

ա) նախարարության, մարզական կազմակերպությունների, մարզիչների և մարզիկների միասնական հաշվառումը,

բ) գնահատման միասնական մեխանիզմը,

գ) տվյալների ստույգ հավաքագրման, պահպանման և մշակման կանոնների թափանցիկությունը։

Նպատակն է ունենալ միասնական տվյալների բազա, որտեղից կարելի է ստանալ ճշգրիտ տեղեկատվություն սպորտի ոլորտի վերաբերյալ, որով էլ կապահովի արդյունավետ կառավարումը և տեղեկատվական բազայից ստացված տվյալները՝ բացառելով վարչարարական բարդությունները: Այսպիսով կարագանա որոշումների կայացման գործընթացը և կհեշտացնի աշխատանքի կառավարումը։

 5.    Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Նախարարության կողմից:

 6.   Ակնկալվող արդյունքը

Ունենալ միասնական տվյալների բազա, արդյունավետ վարչարարություն, անկաշկանդ վերլուծության հնարավորություն, թափանցիկություն և հաշվետվողականություն, ինչպես նաև կունենանք միջազգային ստանդարտների հետ համընթաց քայլելու հնարավորություն, որով էլ կբարձրացվի հանրային վստահությունը:

Իրավական ակտի ընդունման կապակցությամբ պետական կամ տեղական ինքնակառավարման մարմնի բյուջեում եկամուտների և ծախսերի ավելացման կամ նվազեցման անհրաժեշտություն.

2026 թվականին հավելյալ ծախս չի նախատեսվում:   

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ.

Հրամանի նախագիծը բխում է  ՀՀ կառավարության 2023 թվականի դեկտեմբերի 7-ի «Հայաստանի Հանրապետության ֆիզիկական կուլտուրայի և սպորտի ոլորտների 2024-2030 թվականների ռազմավարությունը և ռազմավարության գործողությունների պլանը հաստատելու մասին» N 2145 որոշման հավելված 2-ի մասնավոր նպատակ 2.3-ի 6-րդ գործողության դրույթներից, այն է՝ սպորտի բնագավառում տվյալների բազայի կառավարման համակարգի ստեղծում՝ տվյալների հավաքագրման և կառավարման գործընթացի թվայնացում և դրա միջոցով վարչական ռեգիստրի վարում:

7. Իրավական ակտի ընդունման կապակցությամբ այլ նորմատիվ իրավական ակտերի ընդունման անհրաժեշտություն.

1. Այլ իրավական ակտերում փոփոխությունների և/կամ լրացումների անհրաժեշտությունը.

Չի առաջացնում:

2. Միջազգային պայմանագրերով ստանձնած պարտավորությունների հետ համապատասխանությունը.

Համապատասխանում է:

 8.Այլ տեղեկություններ.

    Չկան: