29.01.2026
Առաջարկում եմ նախագծի «ՎԿԱՅԱԿԱՆ
CERTIFICATE
ՎԱՐՈՐԴԻ ՄԱՍՆԱԳԻՏԱԿԱՆ ՈՐԱԿԱՎՈՐՈՒՄԸ ՀԱՎԱՍՏՈՂ
DRIVER PROFESSIONAL QUALIFICATION» վերնագրով հավելվածում «2․ Անունը» ձևակերպումը փոխարինել «2․ Անունը(ները)» ձևակերպմամբ։
Առաջարկը պայմանավորված է նրանով, որ տվյալ ձևակերպման անգլերեն տարբերակում կիրառված է «Name(s)» ձևը, որը բառացի և բովանդակային առումով համապատասխանում է «Անունը(ները)» ձևակերպմանը։ Նշված անհամապատասխանությունը կարող է հանգեցնել հայերեն և անգլերեն տարբերակների միջև թարգմանական և կիրառական անճշտությունների։
Բացի այդ, «Անունը(ները)» ձևակերպման կիրառումը առավել ճշգրիտ է, քանի որ այն ապահովում է այն անձանց տվյալների լիարժեք և ճիշտ արտացոլումը, որոնք կարող են ունենալ մեկից ավելի անուն (օրինակ՝ երկակի անուններ), ինչպես նաև համապատասխանում է վարչարարական և փաստաթղթաշրջանառության միջազգային ընդունված պրակտիկային։
Ուստի առաջարկվող փոփոխությունը միտված է փաստաթղթի լեզվական հստակության բարձրացմանը, երկլեզու տարբերակների բովանդակային համարժեքության ապահովմանը և հնարավոր իրավական կամ գործնական մեկնաբանությունների անհամապատասխանությունների կանխարգելմանը։
