«Հայաստանի Հանրապետության կրթության, գիտության, մշակույթի և սպորտի նախարարի 2020 թվականի սեպտեմբերի 8-ի N 28-Ն հրամանում փոփոխություն և լրացում կատարելու մասին» ՀՀ կրթության, գիտության, մշակույթի և սպորտի նախարարի հրամանի նախագիծ

Առաջարկում եմ եռօրյա ժամկետը փոխարինել հինգ աշխատանքային օրով։

ՀՀ կրթության, գիտության, մշակույթի և սպորտի նախարարի 2020 թվականի սեպտեմբերի 8-ի «Հանրակրթական ուսումնական հաստատություններում գործածվող փաստաթղթերի ցանկը սահմանելու, դրանց լրացման (գործածման) կարգը հաստատելու և Հայաստանի Հանրապետության կրթության և գիտության նախարարի 2011 թվականի հունվարի 18-ի N 23-Ն հրամանը ուժը կորցրած ճանաչելու մասին» N 28-Ն հրամանում (այսուհետ՝ Հրաման) փոփոխություն և լրացում կատարելու մասին ՀՀ կրթության, գիտության, մշակույթի և սպորտի նախարարի հրամանի նախագծի 1.1 ենթակետի 11-րդ պարբերության նոր խմբագրությամբ առաջարկվում է ուսուցիչներին կիսամյակային և տարեկան գնահատականները հաստատել համակարգի կողմից հաշվարկի ավարտից հետո եռօրյա ժամկետում: Այս ժամկետն իրատեսական չէ՝ հաշվի առնելով այդ օրերին ծանրաբեռնվածության պատճառով համակարգի խափանումները: Նախագծի հիմնավորման մեջ եռօրյա ժամկետի մասին ոչինչ չկա գրված և դժվար էլ կլինի այդ ժամկետը հիմնավորելը: Ուստի, առաջարկում եմ եռօրյա ժամկետը դարձնել 5 աշխատանքային օր, ինչը փոքր-ինչ կդյուրինացնի ուսուցիչների գործը:

11-րդ կետում հարկավոր է մատնանշել ոչ թե օրացույցային այլ աշխատանքային օրեր։ Նաև հարկավոր է 3 օրը դարձնել 5, քանի որ այդ օրերին տեխնիկական խնդիրները 10-ապատկվում են և մեկ գնահատականի հաստատումը տևում է 10 րոպեից մինչև 1 օր։