Գոհար Վարդանյան
31.03.2025
1. Խնդրի նկարագրություն Տվյալ պահին ֆիզիկական անձանց փոխադրամիջոցների տեխնիկական զննության անցկացման գործընթացը խիստ կապակցված է գույքահարկի պարտավորությունների կատարմանը։ Գործող կարգավորմամբ հարկատուն պետք է ամբողջությամբ մարի գույքահարկի բոլոր պարտքերը՝ ներառյալ ընթացիկ տարվա համար, ինչը հաճախ ֆինանսական բեռ է առաջացնում։ 2. Առաջարկվող լուծում Նոր կարգավորմամբ հարկատուները կպարտավորվեն մարել միայն նախորդ տարիների գույքահարկը, իսկ ընթացիկ տարվա վճարումները կշարունակեն իրականացվել սահմանված ժամկետներում։ Այս փոփոխությունը կթեթևացնի հարկ վճարողների ֆինանսական ծանրաբեռնվածությունը՝ միաժամանակ ապահովելով հարկերի հավաքագրման արդյունավետությունը։ 3. Ակնկալվող արդյունքներ Հարկատուների ֆինանսական բեռի նվազեցում, Հարկային պարտավորությունների կատարման ավելի լավ կազմակերպում, Տրանսպորտային միջոցների տեխնիկական զննության արդյունավետության բարձրացում։