«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՌԱԶՄԱԿԱՆ ՆՇԱՆԱԿՈՒԹՅԱՆ ԱՊՐԱՆՔԻ, ԴՐԱ ԼՐԱՄԱՍԵՐԻ, ԲԱՂԱԴՐԻՉՆԵՐԻ, ՓՈՐՁԱՆՄՈՒՇՆԵՐԻ, ՀԱՏՈՒԿ ԳԻՏԱՀԵՏԱԶՈՏԱԿԱՆ ԵՎ ՓՈՐՁԱԿՈՆՍՏՐՈՒԿՏՈՐԱԿԱՆ ԱՇԽԱՏԱՆՔՆԵՐԻ ԱՐԴՅՈՒՆՔՆԵՐԻ ՊԵՏԱԿԱՆ ՓՈՐՁԱՐԿՈՒՄՆԵՐԻ ԱՆՑԿԱՑՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ» ՀՀ կառավարության որոշման նախագիծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

____ ________  2025 թվականի N –Ն

 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՌԱԶՄԱԿԱՆ ՆՇԱՆԱԿՈՒԹՅԱՆ ԱՊՐԱՆՔԻ, ԴՐԱ ԼՐԱՄԱՍԵՐԻ, ԲԱՂԱԴՐԻՉՆԵՐԻ, ՓՈՐՁԱՆՄՈՒՇՆԵՐԻ, ՀԱՏՈՒԿ ԳԻՏԱՀԵՏԱԶՈՏԱԿԱՆ ԵՎ ՓՈՐՁԱԿՈՆՍՏՐՈՒԿՏՈՐԱԿԱՆ ԱՇԽԱՏԱՆՔՆԵՐԻ ԱՐԴՅՈՒՆՔՆԵՐԻ ՊԵՏԱԿԱՆ ՓՈՐՁԱՐԿՈՒՄՆԵՐԻ ԱՆՑԿԱՑՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ

 Հիմք ընդունելով «Ռազմարդյունաբերական համալիրի մասին» Հայաստանի Հանրապետության օրենքի 6-րդ հոդվածի 1-ին մասի 2-րդ կետի «ժէ» ենթակետը` Հայաստանի Հանրապետության կառավարությունը որոշում է հաստատել.

1. Ռազմական նշանակության ապրանքի, դրա լրամասերի, բաղադրիչների, փորձանմուշների, հատուկ գիտահետազոտական և փորձակոնստրուկտորական աշխատանքների արդյունքների պետական փորձարկումների անցկացման կարգը` համաձայն հավելվածի.
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության

վարչապետ                                                                        Ն. Փաշինյան

2025 թ. ____________      ___

Երևան

Հավելված

ՀՀ կառավարության 2025 թվականի

________________ _____-ի N -Ն որոշման 

ՌԱԶՄԱԿԱՆ ՆՇԱՆԱԿՈՒԹՅԱՆ ԱՊՐԱՆՔԻ, ԴՐԱ ԼՐԱՄԱՍԵՐԻ, ԲԱՂԱԴՐԻՉՆԵՐԻ, ՓՈՐՁԱՆՄՈՒՇՆԵՐԻ, ՀԱՏՈՒԿ ԳԻՏԱՀԵՏԱԶՈՏԱԿԱՆ և ՓՈՐՁԱԿՈՆՍՏՐՈՒԿՏՈՐԱԿԱՆ ԱՇԽԱՏԱՆՔՆԵՐԻ ԱՐԴՅՈՒՆՔՆԵՐԻ ՊԵՏԱԿԱՆ ՓՈՐՁԱՐԿՈՒՄՆԵՐԻ ԱՆՑԿԱՑՄԱՆ ԿԱՐԳԸ

1. Սույն կարգով կարգավորվում են ռազմական նշանակության ապրանքի, դրա լրամասերի, բաղադրիչների (բաղկացուցիչ մաս), փորձանմուշների (փորձնական նմուշ) (այսուհետ՝ Հատուկ գույք) փորձարկման անցկացման հետ կապված իրավահարաբերությունները։
2. Հատուկ գիտահետազոտական և փորձակոնստրուկտորական աշխատանքների (այսուհետ՝ նաև ԳՀՓԿԱ) արդյունքների նախնական և պետական փորձարկումների անցկացման համար պայմանագրով սահմանված փորձարկում ներառող փուլը հանձնելուն պատրաստ լինելու դեպքերում, ինչպես նաև «Ռազմական կարիքների համար ռազմական նշանակության ապրանքի փորձանմուշների պատրաստման աշխատանքների ձևավորման, համակարգման և կատարման կարգը հաստատելու մասին» ՀՀ կառավարության որոշմամբ (այսուհետ՝ Որոշում) սահմանված կարգով ստացված ապրանքի փորձանմուշների փորձարկման համար, ֆիզիկական կամ իրավաբանական անձը (այսուհետ՝ դիմումատու) Կոմիտեին ներկայացնում է ծանուցագիր՝ համաձայն ՀՀ ազգային ռազմական ստանդարտների։
3. Մնացած դեպքերում փորձարկումների կազմակերպման համար դիմումատուն ներկայացնում է դիմում՝ համաձայն Ձև 1-ի։
4. Փորձարկումների իրականացման համար իրավունք ունի դիմել միայն «Հայաստանի Հանրապետության ռազմարդյունաբերական համալիրի գործունեության սուբյեկտների վերաբերյալ ամփոփ ցուցակի մշակման և վարման` քարտագրման համակարգի ներդրման, ինչպես նաև ռազմարդյունաբերական համալիրի ամփոփ ցուցակում ռազմարդյունաբերական համալիրի գործունեության սուբյեկտների գրանցման և ռազմական կարիքների համար պետական պատվեր կատարող կազմակերպությանը բազայինի կարգավիճակ տալու կարգը հաստատելու մասին» ՀՀ կառավարության 08 սեպտեմբերի 2016 թվականի N 920-Ն որոշման համաձայն ռազմարդյունաբերական համալիրի գործունեության սուբյեկտների ամփոփ ցուցակում (այսուհետ Ռեեստր) գրանցված սուբյեկտը։
5. Դիմումի հետ դիմումատուն Կոմիտեին ներկայացնում է տեխնիկական բնութագիր (ՏԲ) և առկայության դեպքում փորձարկումների ծրագիր և մեթոդիկա (այսուհետ՝ ԾՄ)։
6. Այն դեպքում, երբ դիմումի հետ ներկայացվել է նաև ԾՄ, փորձարկումների անցկացման համար անհրաժեշտ ռազմական կամ երկակի նշանակության գույքի մասով, որը ենթադրաբար գտնվում է պետական կառավարման համակարգի որևէ մարմնի տնօրինության ներքո, դիմումատուն Կոմիտեին դիմումի կամ ծանուցագրի հետ ներկայացնում է նաև սույն որոշման Ձև 2-ով սահմանված դիմում։
7. Կոմիտեն 5 աշխատանքային օրվա ընթացքում ուսումնասիրում է փորձարկումների կազմակերպման համար ներկայացրած դիմումն ու փաստաթղթերը և ուղարկում դրանք`

1) Հատուկ գույքի մասով հնարավոր հավանական պատվիրատու հանդիսացող շահագրգիռ պետական կառավարման համակարգի մարմիններին՝ սույն կարգի Ձև 3-ում սահմանված շրջանակներում դիրքորոշում հայտնելու, իսկ այն դեպքում, երբ դիմումի հետ ներկայացվել է նաև ԾՄ և սույն որոշման Ձև 2-ով սահմանված գույքի տրամադրման մասին դիմում՝ նաև այդ գույքի հատկացման հնարավորության վերաբերյալ կարծիք հայտնելու համար.

2)    Ազգային անվտանգության ծառայություն՝ հատուկ գույքի մասով հավանական պատվիրատու հանդիսանալու վերաբերյալ կարծիք հայտնելու և դիմումատուի և նրա աշխատակիցների վերաբերյալ դիրքորոշում ստանալու նպատակով՝ բացառությամբ Որոշմամբ և «Ռազմական կարիքների համար հատուկ գիտահետազոտական և փորձակոնստրուկտորական աշխատանքների իրականացման հայտերի ձևավորման, ֆինանսավորման և կատարման կարգով (այսուհետ ԳՀՓԿԱ կարգ) պատրաստված արտադրանքի։

8. Շահագրգիռ պետական կառավարման համակարգի մարմինները, սույն կարգի Ձև 3-ում սահմանված հարցերի շրջանակներում դիմումի մասով կարծիքը (դիրքորոշումը) ուղարկում են Կոմիտեին համապատասխան գրությունը ստանալուց հետո 10 աշխատանքային օրվա ընթացքում։
9. ՀՀ ԱԱԾ-ն դիմումի և դիմումատուի մասով դիրքորոշումն ուղարկում է Կոմիտեին համապատասխան գրությունը ստանալուց հետո 10 աշխատանքային օրվա ընթացքում, որը կարող է երկարաձգվել 10 աշխատանքային օրով՝ լրացուցիչ ուսումնասիրություններ կատարելու անհրաժեշտության դեպքում։
10. ՀՀ ԱԱԾ կողմից դիմումատուի վերաբերյալ բացասական դիրքորոշում ներկայացնելու դեպքում հայտը մերժվում է, իսկ դիրքորոշումը կատարողին չի տրամադրվում։
11. Շահագրգիռ պետական կառավարման համակարգի մարմիններին և ՀՀ ԱԱԾ կողմից դրական դիրքորոշում ստացած դիմումի մասով, եթե դիմումատուն դիմումի հետ նախկինում ԾՄ չի ներկայացրել, Կոմիտեն 3 աշխատանքային օրվա ընթացքում դիմումատուին ուղարկում է ԾՄ ներկայացնելու մասին գրություն։
12. Կոմիտեն, ԾՄ-ն ստանալու պահից 15 աշխատանքային օրվա ընթացքում հրավիրում է քննարկում շահագրգիռ պետական կառավարման համակարգի մարմինների ներկայացուցիչների հետ։ Քննարկման հրավերը ստացած մարմնի ղեկավարն ապահովում է իր ներկայացուցչի ներկայությունը։ Քննարկման արդյունքում կազմվում է արձանագրություն:
13. Առաջարկություններ կամ թերությունների առկայության դեպքում Կոմիտեն 3 աշխատանքային օրվա ընթացքում ԾՄ-ն հետ է ուղարկում հայտատուին՝ ողջամիտ ժամկետում առաջարկություններին անդրադառնալու, թերությունները շտկելու և կրկին ներկայացնելու համար, որից հետո գործընթացը վերսկսում է՝ սույն կարգում սահմանված 12-րդ կետից։
14. Կոմիտեն քննարկման արձանագրությունը և ԾՄ-ն 3 աշխատանքային օրվա ընթացքում ուղարկում է շահագրգիռ պետական կառավարման համակարգի մարմինների ղեկավարների համաձայնեցմանը, և հավանական պետական պատվիրատու հանդիսացող շահագրգիռ պետական կառավարման համակարգի մարմնի՝ համաձայնեցման և հաստատմանը, Շահագրգիռ պետական կառավարման համակարգի մարմինները 10 աշխատանքային օրվա ընթացքում համաձայնեցնում են ԾՄ-ն և 3 աշխատանքային օրվա ընթացքում ուղարկում այն Կոմիտեին՝ սույն կարգով ընթացքավորման համար։
15. ԾՄ-ն հաստատած և համաձայնեցրած հավանական պետական պատվիրատու հանդիսացող շահագրգիռ պետական կառավարման համակարգի մարմինը փորձարկումների անցկացման նպատակով, սահմանված ժամանակահատվածի համար ապահովում է ԾՄ-ում նշված և իր ենթակայության տակ գտնվող անհրաժեշտ գույքը, իսկ անհրաժեշտության դեպքում՝ նաև այն կիրառելու հմտություն ունեցող մասնագետի ներկայությունը։
16. Հաստատված ԾՄ-ն ստանալու պահից, իսկ ԳՀՓԿԱ և Որոշմամբ սահմանված դեպքում ծանուցագիրը ստանալու պահից 15 աշխատանքային օրվա ընթացքում, սահմանված կարգով, Կոմիտեի նախաձեռնությամբ, ստեղծվում է համապատասխան հանձնաժողով՝ պետական փորձարկումներն իրականացնելու նպատակով։ Հանձնաժողովի նախագահը նշանակվում է ըստ մասնագիտական ուղղվածության։
17. Փորձարկումների ցանկացած փուլում հանձնաժողովն իրավունք ունի սեփական նախաձեռնությամբ կամ հայտատուի խնդրանքով դադարեցնել փորձարկումները՝ թերությունների շտկման հնարավորության քննարկման և անհրաժեշտության դեպքում նաև պատվիրատուի համաձայնեցմամբ հայտատուին ողջամիտ ժամկետ տալու համար, որի դեպքում կազմվում է համապատասխան միջանկյալ արձանագրություն։
18. Փորձարկումների ավարտից հետո, 5 աշխատանքային օրվա ընթացքում, հանձնաժողովը կազմում է աշխատանքների (փուլի) ընդունման ակտ (այսուհետ՝ Ակտ)։
19. Ակտը, 5 աշխատանքային օրվա ընթացքում, հաստատվում է հանձնաժողովը ձևավորած գերատեսչության/նների ղեկավարների կողմից:
20. Հաստատված ակտը 3 աշխատանքային օրվա ընթացքում ուղարկվում է Կոմիտեին։
21. Հաստատված ակտը Կոմիտեն 3 աշխատանքային օրվա ընթացքում ուղարկում է շահագրգիռ կողմերին։
22. Պետական փորձարկումների դրական արդյունքի դեպքում (բացառությամբ ԳՀՓԿԱ կարգով) 10 աշխատանքային օրվա ընթացքում կատարողին տրվում է ապրանքի պետական փորձարկումները անցած լինելու մասին վկայագիր, որի ձևը հաստատվում է ՀՀ ԲՏԱ նախարարի հրամանով։
23. Այն դեպքում, երբ փորձարկման ներկայացված Հատուկ գույքի մասով չկա շահագրգիռ գերատեսչությունների կողմից հավանական պատվիրատու հանդիսանալու վերաբերյալ համաձայնություն, փորձարկման համար անհրաժեշտ գույքը տրամադրվում է միայնՀՀ Կառավարության համապատասխան որոշմամբ։
24. Փորձարկումներին վերաբերող այն գործընթացները, որոնք չեն կարգավորվել սույն կարգով և չեն հակասում դրան, իրականացվում են ՀՀ ազգային ռազմական ստանդարտների համաձայն։

 Ձև 1

Օրինակ №________

ՀՀ Բարձր տեխնոլոգիական արդյունաբերության նախարարության

ռազմարդյունաբերության կոմիտեի նախագահ

պարոն՝ ____________________-ին

______________________________________

դիմումատուի անվանումը

______________________________________

դիմումատուի կոնմտակտային տվյալներ 

ԴԻՄՈՒՄ

(ապրանքի պետական փորձարկման մասին)

Սույն դիմումով խնդրում եմ Ձեզ կազմակերպել ______________________________________________________________________________________________________________________________________________________                           (ապրանքի անվանումը, նկարագիրը, քանակը)

պետական փորձարկումները և հաջող փորձարկումներից հետո տրամադրել վկայագիր:

Հարգանքով`

(անվանում/անուն ազգանուն, ստորագրություն/կնիք)

 Ձև 2

Օրինակ №________

ՀՀ Բարձր տեխնոլոգիական արդյունաբերության նախարարության

ռազմարդյունաբերության կոմիտեի նախագահ

պարոն՝ ____________________-ին

______________________________________

դիմումատուի անվանումը

______________________________________

դիմումատուի կոնմտակտային տվյալներ 

ԴԻՄՈՒՄ

(փորձարկման համար անհրաժեշտ գույք տրամադրելու մասին)

 Ռազմական նշանակության ապրանքների, դրանց փորձանմուշների փորձարկում իրականացնելու համար անհրաժեշտ գույքի տրամադրման նպատակով իրավաբանական կամ ֆիզիկական անձը կոմիտեին ուղարկում է դիմում, ներկայացնելով՝

1)    փորձարկման տեսակը,

2)    ապրանքի նկարագրությունը, 

3)   տեխնիկական բնութագիրը,

4) փորձարկման համար անհրաժեշտ այլ գերատեսչությունից պահանջվող գույքի ցանկը և քանակը՝ համապատասխան հիմնավորմամբ,

5) հատուկ գույքի մասով հետագայում սերիական արտադրության դեպքում միավորի նախնական գնային միջակայքը։

 Հարգանքով`

(անվանում/անուն ազգանուն, ստորագրություն/կնիք)

Ձև 3

ԴԻՐՔՈՐՈՇՈՒՄ

(փորձարկման ներկայացված հատուկ գույքի մասով)

       Հնարավոր շահագրգիռ պետական կառավարման համակարգի մարմինները Հատուկ գույքի մասով ներկայացնում են հիմնավորված դիրքորոշում՝ 

• Հատուկ գույքի՝  ներկա դրությամբ արդիականության մասին․
• փորձարկումը հաջողությամբ անցնելուց հետո հնարավոր պատվիրատու հանդիսանալու մասին։

Ձև 4

Օրինակ №________

ՀՀ Բարձր տեխնոլոգիական արդյունաբերության նախարարության

ռազմարդյունաբերության կոմիտեի նախագահ

պարոն՝ ____________________-ին

______________________________________

դիմումատուի անվանումը_____________________________

______________________________________

դիմումատուի կոնմտակտային տվյալներ 

 ԴԻՄՈՒՄ

(փորձարկման համար անհրաժեշտ գույք տրամադրելու մասին)

Ռազմական Գույքի փորձարկում իրականացնելու համար անհրաժեշտ գույքի տրամադրման նպատակով դիմումատուն կոմիտեին ուղարկում է դիմում, ներկայացնելով՝

1)  Դիմումատուի անունը/անվանումը, գտնվելու/հաշվառման վայրի հասցեն, անձնագրային տվյալներ/ՀՎՀՀ,

2 ) փորձարկման տեսակը,

3)  հատուկ գույքի և/կամ անհրաժեշտ պայմանների նկարագրությունը, 

4)  տեխնիկական բնութագիրը,

5) փորձարկման համար անհրաժեշտ պահանջվող գույքի ցանկը և քանակը՝ համապատասխան հիմնավորմամբ,

Հարգանքով`

(անվանում/անուն ազգանուն, ստորագրություն/կնիք)