ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԴԵԿՏԵՄԲԵՐԻ 27-Ի N 1554-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀԻՄՆԱՎՈՐՈՒՄ

ՀՀ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ԴԵԿՏԵՄԲԵՐԻ 27-Ի «ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԹԱՓՈՒՐ ՊԱՇՏՈՆ ԶԲԱՂԵՑՆԵԼՈՒ ՀԱՄԱՐ ՄՐՑՈՒՅԹ ԱՆՑԿԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ» N 1554-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԾԻ (ԱՅՍՈՒՀԵՏ՝ ՆԱԽԱԳԻԾ)

1. Իրավական ակտի ընդունման անհրաժեշտությունը

ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշմամբ (այսուհետ՝ 1902-Լ որոշում) հաստատված  N 1 հավելվածով նախատեսված է «Պետական հատվածում ոչ ֆինանսական շահադրդման համակարգի լավարկում»  միջոցառումը, որի ակնկալվող արդյունքներից է հանրային ծառայության համակարգում անձնակազմի հավաքագրման և համալրման ընթացակարգերի բարելավումը։ Ելնելով 1902-Լ որոշմամբ նախատեսված միջոցառման ապահովման անհրաժեշտությունից՝ 2024 թվականի դեկտեմբերի 4-ին ընդունվել և դեկտեմբերի 23-ին ուժի մեջ է մտել «Քաղաքացիական ծառայության մասին» օրենքում փոփոխություններ և լրացումներ կատարելու մասին» ՀՕ-475-Ն oրենքը (այսուհետ՝ Օրենք)։ Օրենքի 3-րդ հոդվածի համաձայն «Քաղաքացիական ծառայության մասին» օրենքի 10-րդ հոդվածը, որը վերաբերվում է քաղաքացիական ծառայության թափուր պաշտոն զբաղեցնելու համար անցկացվող մրցույթին, շարադրվել է նոր խմբագրությամբ։ Համապատասխան հոդվածի փոփոխությամբ պայմանավորված անհրաժեշտություն է առաջացել  վերանայելու նաև Հայաստանի Հանրապետության կառավարության 2018 թվականի դեկտեմբերի 27-ի «Քաղաքացիական ծառայության թափուր պաշտոն զբաղեցնելու համար մրցույթ անցկացնելու կարգը սահմանելու մասին» N 1554-Ն որոշումը։  

2. Ընթացիկ իրավիճակը և խնդիրները
3. Նախագծով առաջարկվող փոփոխությունը բխում է Օրենքով սահմանված կարգավորումերի բովանդակությունից, ինչպես նաև իրավակիրառ պրակտիկայում առաջացած խնդիրները լուծելու, ոչ հստակ կարգավորումները որոշակիացնելու, մրցույթի հայտարարության հրապարակման, մրցույթ անցկացնելու նախապատրաստական աշխատանքների իրականացման կամ մրցույթի անցկացման  ընթացքում  արձանագրված խնդիրները լուծելու անհրաժեշտությունից։ Նախագծով վերանայվել և հստակեցվել են առանձին ընթացակարգերի մասով ժամկետները, սահմանվել են հարցազրույց անցկացնող հանձնաժողովի նախագահի և քարտուղարի  լիազորությունները կանոնակարող դրույթներ, վերանայվել է հարցազրույցի փուլում հաղթող ճանաչվելու համար սահմանված նվազագույն միավորի շեմը, որը խնդրահարույց էր և հնարավորություն էր տալիս հանձնաժողովի անդամների թվին համապատասխան գնահատման ամենաբարձր միավորների հանրագումարի կեսից ավելի (50 տոկոսից բարձր) միավոր  հավաքած մասնակցին նշանակելու համապատասխան պաշտոնի։ Հարցազրույցի փուլում հաղթող ճանաչվելու համար Նախագծով առաջարկվել է նվազագույնը 70 տոկոսին համարժեք միավորին համապատասխան անցողիկ շեմ։

Նախագծում շեշտը դրվել է նաև ընթացակարգերի հնարավորինս ինքնաշխատ  ապահովման և մարդկային գործոնի դերի նվազեցման  վրա։

3. Կարգավորման նպատակը և բնույթը

Նախագծի նպատակն է բարելավել հանրային ծառայության համակարգում անձնակազմի հավաքագրման և համալրման ընթացակարգերը, ներդնել մեխանիզմներ քաղաքացիական ծառայողների՝ արժանիքների վրա հիմնված առաջխաղացման և հորիզոնական շարժունությունը խթանելու համար, հստակեցնել ժամկետները, հանել կամ վերաձևակերպել այն իրավակարգավորումները, որոնք օրենսդրական կարգավորումների պայմաններում պրակտիկայում կիրառելի չեն կամ խնդրահարույց են։

4. 4. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Նախագծով ներկայացված փոփոխությունը բխում է ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» N 1902-Լ որոշմամբ հաստատված  N 1 հավելվածով նախատեսված «Պետական հատվածում ոչ ֆինանսական շահադրդման համակարգի լավարկում»  միջոցառման ակնկալվող արդյունքից՝ հանրային ծառայության համակարգում անձնակազմի հավաքագրման և համալրման ընթացակարգերի բարելավման պահանջից,  ինչպես նաև ՀՀ կառավարության 2022 թվականի մայիսի 13-ի «Հանրային կառավարման բարեփոխումների ռազմավարությունը, 2023-2025 թվականների ճանապարհային քարտեզը և արդյունքային շրջանակը հաստատելու մասին» N 1691-Լ որոշմամբ հաստատված  N 2 հավելվածով նախատեսված «Հանրային ծառայության մրցունակության բարձրացում»  ռազմավարական նպատակի  «Պետական հատվածում ոչ ֆինանսական շահադրդման համակարգի լավարկում» 4․2 ենթակետով սահմանված միջոցառման բովանդակությունից։