13.02.2025
Այս լայնածավալ օրենթսդրական փոփոխության փաթեթի նախագծման, մշակման և ընդունման համար, ավելի քան երեք տարի աշխատել են մասնագիտական բարձր հմտություններ ունեցող գործընկերներ, այդ թվում՝ իրավաբան գիտնականներ, քաղաքացիական դատավարության և հարկադիր կատարման ոլորտի լավագույն մասնագետներ, ազգային և միջազգային փորձագետներ, քաղհասրակության ներկայացուցիչներ։ Հավաքագրված դիտարկումները, առաջարկները և կարծիքները մեծապես խոսում են այն մասին, որ Ազգային ժողովի կողմից ընդունված՝ <Կատարողական վարույթի մասին> օրենքը էականորեն քայլ առաջ է ոլորտը կարգավորող ներկայիս օրենսդրության նկատմամբ։ Պետք է ուղղակի հաղթահարել ներքին դիմադրությունը և օր առաջ նոր ընդունված օրենքը դնել գործողության մեջ, իհարկե ընթացքում լուծել գործնականում առաջացող բոլոր խնդիրները, որոնք հատուկ են բոլոր նոր նախաձեռնություններին։ Կարծում եմ սա է իրական բարեփոխում անելու ճանապարհը։
