ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ «ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Եզրակացություններ գրելուց և առաջարկությունները մերժելուց առաջ ցանկալի է կարդալ ոչ միայն կոնվենցիայի տեքստը, այլ նաև դրանց մեկնաբանությունները և խորհրդատվական այլ փաստաթղթերը՝ նոր մտածել առաջարկը մերժելու մասին: Իսկ այն, որ անկյույնաքարային օրենքներից մեկն անտեսում է երեխային՝ նրան չդիտարկելով ինքնուրույն սուբյեկտ, որն ունի համայնքի պաշտպանության կարիք, թող այսպես ֆիքսվի, և ժամանակը ցույց կտա, որքանով է դա համայնքի սեփական լիազորություն... Անգամ, եթե ձեր սխալ մեկնաբանությամբ սա իրավական կրկնություն է, ապա այդ կրկնությունների տեսանկյունից նայեք, թե որքան կրկնություններ կան թե՛ ՏԻՄ, թե՛ ԵրՏԻՄ օրենքներում, նոր այդ հակափաստարկը բերեք, ներառյալ՝ սոցիալական աջակցության ոլորտը: Այն, որ կան օրենքներ, որոնք բովանդակում են տարբեր ոլորտներին վերաբերող հենվող կամ բլանկետային նորմեր: Հետևաբար, երեխաների պաշտպանությունը չանտեսելու նպատակով առաջարկվում է գոնե սահմանել հենվող կամ բլանկետային նորմ՝ հղում կատարելով Ընտանեկան օրենսգրքին կամ Երեխայի իրավունքների մասին օրենքին, քանի որ բացվածքով գրելն անհիմն մերժվել է:

Համայնքն ունի ծայրահեղ կարևոր դերակատարում երեխաների պաշտպանության հիմնահարցերի լուծման դեպքում, մասնավորապես համայնքի սոցիալական աշխատողը երեխայի պաշտպաբության առնչությամբ ունի կանխարգելման, բացահայտման, ուղղորդման, աջակցության տրամադրման գործառույթ: Համայնքի նման գործառույթը սահմանվում է Երեխայի իրավունքների մասին կոնվենցիայով, Տեղական ինքնակառավարման Եվրոպական խարտիայով և այլ միջազգային ակտերով: Ներկայացված նախագծում առկա են բացառապես սոցիալական աջակցության առնչվող հարցեր, իսկ երեխայի հարցերը պարտադիր չէ, որ լինի սոցիալական բնույթի, ինչից ելնելով առաջարկվում է 56-րդ հոդվածի վերնագրում շեշտել համայնքի ղեկավարի լիազորությունները ոչ միյան սոցիալական աջակցության, այլ նաև երեխայի պաշտպանության բնագավառում: Վերնագրում փոփոխությունից բացի անհրաժեշտ է հոդվածի 1-ին մասում լրացնել նոր 6-րդ կետ հետևյալ բովանդակությամբ՝ 6) ապահովում է Հայաստանի Հանրապետության ընտանեկան օրենսգրքով և «Երեխայի իրավունքների մասին» օրենքով սահմանված՝ երեխայի պաշտպանության կամ խնամքի կազմակերպմանն առնչվող լիազորությունների իրականացումը:

«ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ նախագծի <<Սույն օրենքից բխող տեղական ինքնակառավարման մարմինների լիազորությունների իրականացման նկատմամբ հսկողությունը իրականացվում է համապատասխան տեսչական մարմնի կողմից>> պահանջը մերժելի առաջարկ է։ Տեսչական մարմիններին վերապահված է հսկողություն իրականացնել տնտեսվարող սուբյեկտների նկատմամբ, իսկ համայնքը ձևակերպված է ինչպես ՀՀ Սահմանադրությամբ, այնպես էլ Տեղական ինքնակառվարման մարմինների մասին ՀՀ օրենքով, և սույն առաջարկը ուղղակիորեն հակասում է նշված իրավական ակտերին, ուստի առաջարկում եմ հանել շրջանառությունից։