«Եկամտային հարկի, շահութահարկի և սոցիալական վճարի անձնավորված հաշվառման մասին» օրենքում փոփոխություններ կատարելու մասին»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ

ԵԿԱՄՏԱՅԻՆ ՀԱՐԿԻ, ՇԱՀՈՒԹԱՀԱՐԿԻ ԵՎ ՍՈՑԻԱԼԱԿԱՆ ՎՃԱՐԻ ԱՆՁՆԱՎՈՐՎԱԾ ՀԱՇՎԱՌՄԱՆ ՄԱՍԻՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Եկամտային հարկի, շահութահարկի և սոցիալական վճարի անձնավորված հաշվառման մասին» 2010 թվականի դեկտեմբերի 22-ի ՀՕ-247-Ն օրենքի (այսուհետ՝ Օրենք) 9-րդ հոդվածի 1-ին մասի 1-ին կետում, 10-րդ հոդվածի վերնագրում, 17-րդ հոդվածի 1-ին մասի 3-րդ և 6-րդ կետերում «գործատուներ» բառը համապատասխան հոլովաձևերով փոխարինել «գործատուներ (հարկային գործակալներ)» բառերով և համապատասխան հոլովաձևերով։

Հոդված 2. Օրենքի 10-րդ հոդվածի 2-րդ մասում՝

1) 1-ին կետը շարադրել հետևյալ խմբագրությամբ՝

«1)  անձնավորված տեղեկություններ հաշվետու ամսվա համար իր հաշվարկած աշխատավարձի ու դրան հավասարեցված այլ վճարումների, հաշվետու ամսվա ընթացքում վճարված պայմանագրային և այլ եկամուտների, այդ եկամուտներից հաշվարկված եկամտային հարկի, իսկ սոցիալական վճարներ կատարող անձանց մասով` նաև սոցիալական վճարների վերաբերյալ, ինչպես նաև սույն օրենքի 7-րդ հոդվածով սահմանված այլ տվյալներ։»,

2) 2-րդ կետն ուժը կորցրած ճանաչել։

Հոդված 3. Օրենքի 13-րդ հոդվածի 2-րդ մասի 1-ին կետում, 15-րդ հոդվածի 1-ին մասի 3-րդ կետում, 15-րդ հոդվածի 2-րդ մասի 3-րդ կետում, 16-րդ հոդվածում, 17-րդ հոդվածի 1-ին մասի 1-ին և 4-րդ կետերում «գործատու» բառը համապատասխան հոլովաձևերով փոխարինել «գործատու (հարկային գործակալ)» բառերով և համապատասխան հոլովաձևերով։

Հոդված 4. Սույն օրենքն ուժի մեջ է մտնում 2025 թվականի հունվարի 1-ից: