Հիշել նախագիծը

Լրամշակման փուլում է

«ԸՆՏԱՆԵԿԱՆ ԵՎ ԿԵՆՑԱՂԱՅԻՆ ԲՌՆՈՒԹՅՈՒՆ ԳՈՐԾԱԴՐԱԾ ԱՆՁԱՆՑ ՌԵԱԲԻԼԻՏԱՑՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

  • 1 - Կողմ

  • 2 - Դեմ

Ամփոփաթերթում ներառվում են նախագծի վերաբերյալ ներկայացված բոլոր բովանդակային առաջարկությունները, առցանց գրվածները` 2 աշխատանքային օրվա, էլ. փոստով ուղարկվածները` 10 աշխատանքային օրվա ընթացքում

h/h Առաջարկության հեղինակը, ստացման ամսաթիվը Առաջարկության բովանդակությունը Եզրակացություն Կատարված փոփոխությունը
1 2 3 4
1 «Կանանց աջակցման կենտրոն» ՀԿ 07.10.2024 17:11:24 Բռնարարի հետ աշխատող կառույցը պետք տեղեկություն տրամադրի ոստիկանության և աջակցության կենտրոնին: Ոչ մի քննարկում չի կարող այս պարագյում արդյունավետ լինել: Անհրաժեշտ է հստակեցնել, թե սույն դիտարկումը նախագծի ո՞ր կետի վերաբերյալ է արվել։
2 «Կանանց աջակցման կենտրոն» ՀԿ 07.10.2024 17:12:08 Բռնարարները հիմնականոմ շատ լավ ընկեր, հարևան և գործընկեր են, բայց տանը կիրառում են բռնություն: Այս ծրագրի նպատակը բռնարար վարքի հաղթահարումն է: Վերասոցիալականացման գործընթացը իրականցվում է փակ հաստատություններում գտնվող բռնարաների հետ, որոնք մեկուսացված են ժամանակավոր հասարակությունից: Առաջարկը լրացուցիչ հստակեցման և հիմնավորման կարիք ունի, հասկանալի չէ այս ձևակերպումը՝ «Վերասոցիալականացման գործընթացը իրականացվում է փակ հաստատություններում գտնվող բռնարարների հետ, որոնք մեկուսացված են ժամանակավոր հասարակությունից:» , միևնույն ժամանակ հարկ է նշել, որ և նախագծում և հիմնավորման մեջ մանրամասն անդրադարձ է կատարվում նախագծի նպատակին, նշելով, որ «Սույն ծրագրի հիմնական նպատակն է կանխել «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքով նախատեսված ընտանեկան և կենցաղային բռնության ցանկացած դեպքերի կրկնումը՝ ընտանեկան և կենցաղային բռնություն գործադրած անձին վերասոցիալականացնելու միջոցով»։ Իսկ ինչ վերաբերում է Ձեր այն դիտարկմանը, որ «Այս ծրագրի նպատակը բռնարար վարքի հաղթահարումն է», փորձագիտական հանրույթի հետ քննարկման արդյունքում, ըստ անհրաժեշտության Ձեր կողմից նշված վերջին ձևակերպումը ևս կներառենք նախագծի կարգավորման նպատակի դաշտում։
3 «Կանանց աջակցման կենտրոն» ՀԿ 07.10.2024 17:12:31 Ծրագիրը ոչ թե սոցիալական աջակցություն է տրամադրում, այլ իրականացնում է ռեաբիլիտացիա, ի շրջանակներում չի կարող իրականացնել նշված գործառույթները: Նախագծի հիմնավորման մեջ հստակ սահմանվում է նպատակը և ակնկալվող արդյունքը, ըստ որի՝ «Նախագծի ընդունմամբ ակնկալվում է ներդնել ընտանեկան և կենցաղային բռնություն գործադրած անձանց ռեաբիլիտացման ծրագրերի իրականացման իրավական հիմքը, որը համապատասխանելու է ՀՀ գործող օրենսդրությանը, ինչի արդյունքում կհստակեցվեն թե՛ ընտանեկան և կենցաղային բռնություն գործադրած անձանց ռեաբիլիտացման ծրագրի բովանդակությունը, թե՛ ընտանեկան և կենցաղային բռնություն գործադրած անձանց ռեաբիլիտացման ծրագիրն իրականացնող մարմնի գործառույթները, թե՛ արդյունավետորեն կիրականացվեն ՀՀ կողմից ստանձնած միջազգային պարտավորություններն ընտանեկան և կենցաղային բռնության ենթարկված անձանց կրկնակի զոհականացումից պաշտպանելու համատեքստում:»