«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՄԱՅԻՍԻ 4-Ի N 526-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ, ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

1.

Անհրաժեշտությունը

Նախագծի մշակման անհրաժեշտությունը պայմանավորված է գնման ընթացակարգերի կազմակերպման պայմանների ճկունության ապահովման անհրաժեշտությամբ: 

2.

Ընթացիկ իրավիճակը և խնդիրները

Գնման ընթացակարգերի կազմակերպման գործող պայմանների համաձայն, բացառությամբ երկփուլ մրցույթի, պատվիրատուն հնարավորություն չունի ընթացակարգի մասնակիցների նկատմամբ սահմանելու որակավորման չափանիշներ: Կիրառվում է միայն որակավորման ապահովումը: Նման պայմաններ սահմանելու համար յուրաքանչյուր դեպքում պատվիրատուն դիմում է ՀՀ կառավարությանը՝  թույլտվություն ստանալու համար: Այս հանգամանքը էականորեն երկարաձգում է ընթացակարգերի կազմակերպումը և ազդում ծրագրերը ժամկետներում իրականացնելու վրա:

Միաժամանակ նույն կարգավորումները սահմանում են, որ եթե մասնակիցը խախտում է գնման գործընթացի շրջանակում ստանձնած պարտավորությունները, ապա վերջինս ներառվում է ՞սև ցուցակում՞, պայմանով, եթե չի վճարում հայտի ապահովման գումարը (5%): ՀՀ կառավարության կողմից սահմանված կանոնների համաձայն, հայտի ապահովում ներկայացվում է, եթե գնման գինը գերազանցում է 25 մլն. դրամը: Արդյունքում ստեղծվում է մի իրավիճակ, երբ մինչև 25 մլն. դրամ գնումների դեպքում մասնակիցը չի ունենում հայտի ապահովումը վճարելու պայմանով սև ցուցակում չներառվելու հնարավորություն:

Նախագծով առաջարկվում է՝

- պատվիրատուին վերապահել որակավորման ապահովման փոխարեն որակավորման չափանիշներ սահմանելու հարցի որոշման լիազորությունը.

- մինչև 25մլն. դրամ գնումների դեպքում ևս մասնակիցներին տալ հնարավորություն գնման գնի 5 տոկոսի չափով գումար վճարելու դեպքում չներառվելու սև ցուցակում:   

Տվյալ բնագավառում իրականացվող քաղաքականությունը

Տվյալ բնագավառում իրականացվող քաղաքականության փոփոխություն չի նախատեսվում:

4.

Կարգավորման նպատակը և բնույթը

Նախագծի մշակման անհրաժեշտությունը պայմանավորված է գնման ընթացակարգերի կազմակերպման պայմանների ճկունության ապահովման անհրաժեշտությամբ: 

5.

Նախագծի մշակման գործընթացում ներգրավված ինստիտուտները և ան­ձինք

Նախագիծը մշակվել է ՀՀ ֆինանսների նախարարության կողմից:

6.

Ակնկալվող արդյունքը

Նախագծի հաստատումը հնարավորություն կընձեռի բարձրացնել գնման ընթացակարգերի կազմակերպման ճկունությունը՝ նվազեցնելով ինչպես սահմանված ժամկետներում ծրագրերի չիրականացման, այնպես էլ ծրագրերի ձախողման ռիսկերը:

7.

Տեղեկատվություն նախագծի ընդունմամբ այլ իրավական ակտերի ընդունման անհրաժեշտության կամ բացակայության մասին

Նախագծի ընդունմամբ այլ իրավական ակտերում փոփոխություններ կամ լրացումներ կատարելու անհրաժեշտություն չի առաջանում:

8.

Տեղեկատվություն՝ լրացուցիչ ֆինանսական միջոցների անհրաժեշտության և պետական կամ տեղական ինքնակառավարման մարմնի բյուջեի եկամուտներում և ծախսերում սպասվելիք փոփոխությունների մասին

Նախագծի ընդունմամբ պետական կամ տեղական ինքնակառավարման մարմնի բյուջեում ծախսերի և եկամուտների էական ավելացում կամ նվազեցում չի նախատեսվում:

9.

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ:

Կառավարության 2021-2026թթ. ծրագիր